7. ஸயனதா³யகத்தே²ரஅபதா³னவண்ணனா

ஸித்³த⁴த்த²ஸ்ஸ ப⁴க³வதோதிஆதி³கம் ஆயஸ்மதோ ஸயனதா³யகத்தே²ரஸ்ஸ அபதா³னம். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ ஸித்³த⁴த்த²ஸ்ஸ ப⁴க³வதோ காலே அஞ்ஞதரஸ்மிம் குலே நிப்³ப³த்தோ விஞ்ஞுதம் பத்தோ ஸத்த²ரி பஸீதி³த்வா ஹத்தி²த³ண்ட³ஸுவண்ணாதீ³ஹி ஸயனத்தா²ய மஞ்சம் காரேத்வா அனக்³கே⁴ஹி விசித்தத்த²ரணேஹி அத்த²ரித்வா ப⁴க³வந்தம் பூஜேஸி. ஸோ ப⁴க³வா தஸ்ஸானுகம்பாய படிக்³க³ஹேத்வா அனுப⁴வி. ஸோ தேன புஞ்ஞகம்மேன தி³ப்³ப³மனுஸ்ஸஸம்பத்தியோ அனுப⁴வித்வா இமஸ்மிம் பு³த்³து⁴ப்பாதே³ ஏகஸ்மிம் குலகே³ஹே நிப்³ப³த்தோ விஞ்ஞுதம் பத்வா ஸத்து² ஸாஸனே பஸன்னோ பப்³ப³ஜித்வா விபஸ்ஸனம் ஆரபி⁴த்வா நசிரஸ்ஸேவ அரஹா அஹோஸி. புப்³பே³ கதபுஞ்ஞனாமேன ஸயனதா³யகத்தே²ரோதி பாகடோ.

88. ஸோ ஏகதி³வஸம் அத்தனோ புப்³ப³கம்மம் ஸரித்வா ஸோமனஸ்ஸஜாதோ புப்³ப³சரிதாபதா³னம் பகாஸேந்தோ ஸித்³த⁴த்த²ஸ்ஸ ப⁴க³வதோதிஆதி³மாஹ. தம் ஸப்³ப³ம் பாளினயானுஸாரேன ஸுவிஞ்ஞேய்யமேவாதி.

ஸயனதா³யகத்தே²ரஅபதா³னவண்ணனா ஸமத்தா.