1-10. ஆரக்க²தா³யகத்தே²ரஅபதா³னாதி³வண்ணனா

பா³த்திம்ஸதிமவக்³கே³ பட²மது³தியததியாபதா³னானி ஸுவிஞ்ஞேய்யானேவ.

16. சதுத்தா²பதா³னே ஜலஜக்³கே³ஹி ஓகிரிந்தி ஜலஜேஹி உத்தமேஹி உப்பலபது³மாதீ³ஹி புப்பே²ஹி ஓகிரிம் பூஜேஸிந்தி அத்தோ².

பஞ்சமாபதா³னம் உத்தானமேவ.

26-27. ச²ட்டா²பதா³னே சேதியம் உத்தமம் நாம, ஸிகி²னோ லோகப³ந்து⁴னோதி ஸகலலோகத்தயஸ்ஸ ப³ந்து⁴னோ ஞாதகஸ்ஸ ஸிகி²ஸ்ஸ ப⁴க³வதோ உத்தமம் சேதியம். இரீணே ஜனஸஞ்சரவிரஹிதே வனே மனுஸ்ஸானம் கோலாஹலவிரஹிதே மஹாஅரஞ்ஞே அஹோஸீதி ஸம்ப³ந்தோ⁴. அந்தா⁴ஹிண்டா³மஹம் ததா³தி தஸ்மிம் காலே வனே மக்³க³மூள்ஹபா⁴வேன அந்தோ⁴, ந சக்கு²னா அந்தோ⁴, அஹம் ஆஹிண்டா³மி மக்³க³ம் பரியேஸாமீதி அத்தோ². பவனா நிக்க²மந்தேனாதி மஹாவனதோ நிக்க²மந்தேன மயா ஸீஹாஸனம் உத்தமாஸனம், ஸீஹஸ்ஸ வா ப⁴க³வதோ ஆஸனம் தி³ட்ட²ந்தி அத்தோ². ஏகம்ஸம் அஞ்ஜலிம் கத்வாதி ஏகம்ஸம் உத்தராஸங்க³ம் கத்வா ஸிரஸி அஞ்ஜலிம் ட²பேத்வாதி அத்தோ². ஸந்த²விம் லோகனாயகந்தி ஸகலலோகத்தயனயம் தம் நிப்³பா³னம் பாபேந்தம் தோ²மிதம் து²திம் அகாஸிந்தி அத்தோ².

34. ஸத்தமாபதா³னே ஸுத³ஸ்ஸனோ மஹாவீரோதி ஸுந்த³ரத³ஸ்ஸனோ த்³வத்திம்ஸமஹாபுரிஸலக்க²ணஸம்பன்னஸரீரத்தா மனோஹரத³ஸ்ஸனோ மஹாவீரியோ ஸித்³த⁴த்தோ² ப⁴க³வாதி ஸம்ப³ந்தோ⁴. வஸதிக⁴ரமுத்தமேதி உத்தமே விஹாரே வஸதீதி அத்தோ².

அட்ட²மனவமத³ஸமாபதா³னானி உத்தானானேவாதி.

பா³த்திம்ஸதிமவக்³க³வண்ணனா ஸமத்தா.