9. புன்னாக³புப்பி²யத்தே²ரஅபதா³னவண்ணனா

கானனம் வனமோக³ய்ஹாதிஆதி³கம் ஆயஸ்மதோ புன்னாக³புப்பி²யத்தே²ரஸ்ஸ அபதா³னம். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸ ப⁴க³வதோ காலே நேஸாத³குலே நிப்³ப³த்தோ மஹாவனம் பவிட்டோ² தத்த² ஸுபுப்பி²தபுன்னாக³புப்ப²ம் தி³ஸ்வா ஹேதுஸம்பன்னத்தா பு³த்³தா⁴ரம்மணபீதிவஸேன ப⁴க³வந்தம் ஸரித்வா தம் புப்ப²ம் ஸஹ கண்ணிகாஹி ஓசினித்வா வாலுகாஹி சேதியம் கத்வா பூஜேஸி.

46. ஸோ தேன புஞ்ஞேன த்³வேனவுதிகப்பே நிரந்தரம் தே³வமனுஸ்ஸஸம்பத்தியோயேவ அனுப⁴வித்வா இமஸ்மிம் பு³த்³து⁴ப்பாதே³ ஸாவத்தி²யம் விப⁴வஸம்பன்னே குலே நிப்³ப³த்தோ வுத்³தி⁴மன்வாய புப்³ப³வாஸனாப³லேன ஸாஸனே பஸன்னோ பப்³ப³ஜித்வா வாயமந்தோ நசிரஸ்ஸேவ அரஹா ஹுத்வா புப்³பே³ கதகுஸலம் ஸரித்வா ஸோமனஸ்ஸஜாதோ புப்³ப³சரிதாபதா³னம் பகாஸேந்தோ கானனம் வனமோக³ய்ஹாதிஆதி³மாஹ. தம் ஸப்³ப³ம் ஹேட்டா² வுத்தத்தா உத்தானத்த²மேவாதி.

புன்னாக³புப்பி²யத்தே²ரஅபதா³னவண்ணனா ஸமத்தா.