3. வீதி²ஸம்மஜ்ஜகத்தே²ரஅபதா³னவண்ணனா

உதே³ந்தம் ஸதரம்ஸிம் வாதிஆதி³கம் ஆயஸ்மதோ வீதி²ஸம்மஜ்ஜகத்தே²ரஸ்ஸ அபதா³னம். அயம்பி புரிமபு³த்³தே⁴ஸு கதாதி⁴காரோ அனேகேஸு ஜாதிஸதேஸு கதபுஞ்ஞஸஞ்சயோ ஸிகி²ஸ்ஸ ப⁴க³வதோ காலே குலகே³ஹே நிப்³ப³த்தோ க⁴ராவாஸம் வஸந்தோ நக³ரவாஸீஹி ஸத்³தி⁴ம் வீதி²ம் ஸஜ்ஜேத்வா நீயமானம் ப⁴க³வந்தம் தி³ஸ்வா பஸன்னமானஸோ வீதி²ம் ஸமம் கத்வா த⁴ஜம் தத்த² உஸ்ஸாபேஸி.

15. ஸோ தேனேவ புஞ்ஞேன தே³வமனுஸ்ஸேஸு ஸம்ஸரந்தோ உப⁴யஸம்பத்தியோ அனுப⁴வித்வா இமஸ்மிம் பு³த்³து⁴ப்பாதே³ ஏகஸ்மிம் குலே நிப்³ப³த்தோ விஞ்ஞுதம் பத்வா ஸத்து² த⁴ம்மதே³ஸனம் ஸுத்வா படிலத்³த⁴ஸத்³தோ⁴ ப³ஹுமானஹத³யோ பப்³ப³ஜித்வா லத்³தூ⁴பஸம்பதோ³ நசிரஸ்ஸேவ அரஹா ஹுத்வா அத்தனோ புப்³ப³கம்மம் அனுஸ்ஸரந்தோ பச்சக்க²தோ ஜானித்வா புப்³ப³சரிதாபதா³னம் பகாஸேந்தோ உதே³ந்தம் ஸதரம்ஸிம் வாதிஆதி³மாஹ. தத்த² உதே³ந்தம் உக்³க³ச்ச²ந்தம் ஸதரம்ஸிம் ஸதபப⁴ம். ஸதரம்ஸீதி தே³ஸனாஸீஸமத்தம், அனேகஸதஸஹஸ்ஸபப⁴ம் ஸூரியம் இவாதி அத்தோ². பீதரம்ஸிம்வ பா⁴ணுமந்தி பீதரம்ஸிம் ஸம்குசிதபப⁴ம் பா⁴ணுமம் பபா⁴வந்தம் சந்த³மண்ட³லம் இவ ஸம்பு³த்³த⁴ம் தி³ஸ்வாதி அத்தோ². ஸேஸம் ஸுவிஞ்ஞேய்யமேவாதி.

வீதி²ஸம்மஜ்ஜகத்தே²ரஅபதா³னவண்ணனா ஸமத்தா.