8. ஆஸனுபட்டா²ஹகத்தே²ரஅபதா³னவண்ணனா

கானனம் வனமோக்³க³ய்ஹாதிஆதி³கம் ஆயஸ்மதோ ஆஸனுபட்டா²ஹகத்தே²ரஸ்ஸ அபதா³னம். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ அத்த²த³ஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ க⁴ராவாஸம் வஸந்தோ தத்த² தோ³ஸம் தி³ஸ்வா க⁴ராவாஸம் பஹாய தாபஸபப்³ப³ஜ்ஜம் பப்³ப³ஜித்வா ஹிமவந்தே வஸந்தோ தத்த² ஸம்பத்தம் ப⁴க³வந்தம் தி³ஸ்வா பஸன்னோ ஸீஹாஸனம் அதா³ஸி, தத்த² நிஸின்னம் ப⁴க³வந்தம் மாலாகலாபம் க³ஹேத்வா பூஜேத்வா தம் பத³க்கி²ணம் கத்வா பக்காமி. ஸோ தேன புஞ்ஞேன தே³வமனுஸ்ஸேஸு ஸம்ஸரந்தோ நிப்³ப³த்தனிப்³ப³த்தப⁴வே உச்சகுலிகோ விப⁴வஸம்பன்னோ அஹோஸி. ஸோ காலந்தரேன இமஸ்மிம் பு³த்³து⁴ப்பாதே³ குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி.

47. ஸோ அரஹா ஸமானோ அத்தனோ புப்³ப³கம்மம் ஸரித்வா ஸோமனஸ்ஸஜாதோ புப்³ப³சரிதாபதா³னம் பகாஸேந்தோ கானனம் வனமோக்³க³ய்ஹாதிஆதி³மாஹ. தம் ஸப்³ப³ம் ஹேட்டா² வுத்தத்த²மேவாதி.

ஆஸனுபட்டா²ஹகத்தே²ரஅபதா³னவண்ணனா ஸமத்தா.