3. பஞ்ஹாபுச்ச²கவண்ணனா

482. பஞ்ஹாபுச்ச²கே பாளிஅனுஸாரேனேவ போ³ஜ்ஜ²ங்கா³னம் குஸலாதி³பா⁴வோ வேதி³தப்³போ³. ஆரம்மணத்திகேஸு பன ஸப்³பே³பேதே அப்பமாணம் நிப்³பா³னம் ஆரப்³ப⁴ பவத்திதோ அப்பமாணாரம்மணா ஏவ, ந மக்³கா³ரம்மணா. ஸஹஜாதஹேதுவஸேன பனேத்த² குஸலா மக்³க³ஹேதுகா, வீரியம் வா வீமம்ஸம் வா ஜேட்ட²கம் கத்வா மக்³க³பா⁴வனாகாலே மக்³கா³தி⁴பதினோ, ச²ந்த³சித்தஜேட்டி²காய மக்³க³பா⁴வனாய ந வத்தப்³பா³ மக்³கா³தி⁴பதினோதி, ப²லகாலேபி ந வத்தப்³பா³ ஏவ.

அதீதாதீ³ஸு ஏகாரம்மணபா⁴வேனபி ந வத்தப்³பா³, நிப்³பா³னஸ்ஸ பன ப³ஹித்³தா⁴த⁴ம்மத்தா ப³ஹித்³தா⁴ரம்மணா நாம ஹோந்தீதி. ஏவமேதஸ்மிம் பஞ்ஹாபுச்ச²கேபி நிப்³ப³த்திதலோகுத்தராவ போ³ஜ்ஜ²ங்கா³ கதி²தா. ஸம்மாஸம்பு³த்³தே⁴ன ஹி ஸுத்தந்தபா⁴ஜனீயஸ்ஸேவ பட²மனயஸ்மிம் லோகியா, து³தியததியேஸு லோகியலோகுத்தரமிஸ்ஸகா போ³ஜ்ஜ²ங்கா³ கதி²தா. அபி⁴த⁴ம்மபா⁴ஜனீயஸ்ஸ பன சதூஸுபி நயேஸு இமஸ்மிஞ்ச பஞ்ஹாபுச்ச²கே லோகுத்தராயேவாதி ஏவமயம் போ³ஜ்ஜ²ங்க³விப⁴ங்கோ³பி தேபரிவட்டம் நீஹரித்வாவ பா⁴ஜேத்வா த³ஸ்ஸிதோதி.

ஸம்மோஹவினோத³னியா விப⁴ங்க³ட்ட²கதா²ய

போ³ஜ்ஜ²ங்க³விப⁴ங்க³வண்ணனா நிட்டி²தா.