10-11. ஆகா⁴தபடிவினயஸுத்தாதி³வண்ணனா
30-31. த³ஸமே ஆகா⁴தபடிவினயாதி ஆகா⁴தஸ்ஸ படிவினயகாரணானி. தம் குதேத்த² லப்³பா⁴தி ‘‘தம் அனத்த²சரணம் மா அஹோஸீ’’தி ஏதஸ்மிம் புக்³க³லே குதோ லப்³பா⁴, கேன காரணேன ஸக்கா லத்³து⁴ம், ‘‘பரோ நாம பரஸ்ஸ அத்தனோ சித்தருசியா அனத்த²ம் கரோதீ’’தி ஏவம் சிந்தேத்வா ஆகா⁴தம் படிவினேதி. அத² வா ஸசாஹம் கோபம் கரேய்யம், தம் கோபகரணம் ஏத்த² புக்³க³லே குதோ லப்³பா⁴, கேன காரணேன லத்³த⁴ப்³ப³ந்தி அத்தோ². குதோ லாபா⁴திபி பாடோ². ஸசாஹம் ஏத்த² கோபம் கரேய்யம், தஸ்மிம் மே கோபகரணே குதோ லாபா⁴ லாபா⁴, நாம கே ஸியுந்தி அத்தோ². இமஸ்மிஞ்ச அத்தே² தந்தி நிபாதமத்தமேவ ஹோதி. ஏகாத³ஸமே அனுபுப்³ப³னிரோதா⁴தி அனுபடிபாடினிரோதா⁴. ஸேஸம் ஸப்³ப³த்த² உத்தானத்த²மேவாதி.
ஸத்தாவாஸவக்³கோ³ ததியோ.