5-6. க³ண்ட³ஸுத்தாதி³வண்ணனா

15-16. பஞ்சமே தீணி சத்தாரி வஸ்ஸானி வஸ்ஸக³ணா, அனேகே வஸ்ஸக³ணா உப்பன்னா அஸ்ஸாதி அனேகவஸ்ஸக³ணிகோ. தஸ்ஸஸ்ஸூதி தஸ்ஸ ப⁴வேய்யும். அபே⁴த³னமுகா²னீதி ந கேனசி பி⁴ந்தி³த்வா கதானி, கேவலம் கம்மஸமுட்டி²தானேவ வணமுகா²னி. ஜேகு³ச்சி²யம்யேவாதி ஜிகு³ச்சி²தப்³ப³மேவ படிகூலமேவ. சாதுமஹாபூ⁴திகஸ்ஸாதி சதுமஹாபூ⁴தமயஸ்ஸ. ஓத³னகும்மாஸூபசயஸ்ஸாதி ஓத³னேன சேவ கும்மாஸேன ச உபசிதஸ்ஸ வட்³டி⁴தஸ்ஸ. அனிச்சுச்சா²த³னபரிமத்³த³னபே⁴த³னவித்³த⁴ம்ஸனத⁴ம்மஸ்ஸாதி ஹுத்வா அபா⁴வட்டே²ன அனிச்சத⁴ம்மஸ்ஸ, து³க்³க³ந்த⁴விகா⁴தத்தா²ய தனுவிலேபனேன உச்சா²த³னத⁴ம்மஸ்ஸ, அங்க³பச்சங்கா³பா³த⁴வினோத³னத்தா²ய கு²த்³த³கஸம்பா³ஹனேன பரிமத்³த³னத⁴ம்மஸ்ஸ, த³ஹரகாலே வா ஊரூஸு ஸயாபேத்வா க³ப்³ப⁴வாஸேன து³ஸ்ஸண்டி²தானம் தேஸம் தேஸம் அங்க³பச்சங்கா³னம் ஸண்டா²னஸம்பாத³னத்த²ம் அஞ்ச²னபீளனாதி³வஸேன பரிமத்³த³னத⁴ம்மஸ்ஸ, ஏவம் பரிஹரிதஸ்ஸாபி ச பே⁴த³னவித்³த⁴ம்ஸனத⁴ம்மஸ்ஸ, பி⁴ஜ்ஜனவிகிரணஸபா⁴வஸ்ஸேவாதி அத்தோ². ஏத்த² ச அனிச்சபதே³ன சேவ பே⁴த³னவித்³த⁴ம்ஸனபதே³ஹி சஸ்ஸ அத்த²ங்க³மோ கதி²தோ, ஸேஸேஹி ஸமுத³யோ. நிப்³பி³ந்த³தா²தி உக்கண்ட²த² பஜஹத² இமம் காயந்தி த³ஸ்ஸேதி. ஏவமிமஸ்மிம் ஸுத்தே ப³லவவிபஸ்ஸனா கதி²தா. ச²ட்ட²ம் வுத்தனயமேவ. ஸஞ்ஞாஸீஸேன பனேத்த² ஞாணமேவ கதி²தம்.