6. ப⁴யஸுத்தவண்ணனா

56. ச²ட்டே² க³ப்³போ⁴தி க³ப்³ப⁴வாஸோ. தி³ட்ட²த⁴ம்மிகாபீதி ஸந்தி³ட்டி²கா க³ப்³ப⁴வாஸஸதி³ஸா புனபி மனுஸ்ஸக³ப்³பா⁴. ஸம்பராயிகாபீதி ட²பேத்வா மனுஸ்ஸக³ப்³பே⁴ ஸேஸக³ப்³பா⁴. உப⁴யம் ஏதே காமா பவுச்சந்தீதி ப⁴யஞ்ச து³க்க²ஞ்ச, ப⁴யஞ்ச ரோகோ³ ச, ப⁴யஞ்ச க³ண்டோ³ ச, ப⁴யஞ்ச ஸல்லஞ்ச, ப⁴யஞ்ச ஸங்கோ³ ச, ப⁴யஞ்ச பங்கோ ச, ப⁴யஞ்ச க³ப்³போ⁴ சாதி ஏவம் உப⁴யம் ஏதே காமா பவுச்சந்தி. ஸாதரூபேனாதி காமஸுகே²ன. பலிபத²ந்தி வட்டபலிபத²ம். அதிக்கம்மாதி இமஸ்மிம் டா²னே விபஸ்ஸனம் வட்³டே⁴த்வா அஸ்ஸ பி⁴க்கு²னோ அரஹத்தப்பத்தபா⁴வோ க³ஹிதோ. ஏவரூபம் பஜம் ஜாதிஜரூபேதம் தீஸு ப⁴வேஸு ப²ந்த³மானம் அவேக்க²தீதி ஸுத்தே வட்டம் கதே²த்வா கா³தா²ஸு விவட்டம் கதி²தந்தி. ஸத்தமட்ட²மானி உத்தானத்தா²னேவ.