1. புக்³க³லவாரோ

(1) உப்பாத³னிரோத⁴காலஸம்பே⁴த³வாரோ

63. (க) யஸ்ஸ சித்தம் உப்பஜ்ஜதி ந நிருஜ்ஜ²தி தஸ்ஸ சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதீதி?

பச்சி²மசித்தஸ்ஸ உப்பாத³க்க²ணே தேஸம் சித்தம் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி ந உப்பஜ்ஜிஸ்ஸதி. இதரேஸம் சித்தஸ்ஸ உப்பாத³க்க²ணே தேஸம் சித்தம் உப்பஜ்ஜதி ந நிருஜ்ஜ²தி, நிருஜ்ஜி²ஸ்ஸதி சேவ உப்பஜ்ஜிஸ்ஸதி ச.

(க²) யஸ்ஸ வா பன சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி தஸ்ஸ சித்தம் உப்பஜ்ஜதி ந நிருஜ்ஜ²தீதி? ஆமந்தா.

(க) யஸ்ஸ சித்தம் ந உப்பஜ்ஜதி நிருஜ்ஜ²தி தஸ்ஸ சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதீதி? நோ.

(க²) யஸ்ஸ வா பன சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி தஸ்ஸ சித்தம் ந உப்பஜ்ஜதி நிருஜ்ஜ²தீதி? நத்தி².

(2) உப்பாது³ப்பன்னவாரோ

64. (க) யஸ்ஸ சித்தம் உப்பஜ்ஜதி தஸ்ஸ சித்தம் உப்பன்னந்தி? ஆமந்தா.

(க²) யஸ்ஸ வா பன சித்தம் உப்பன்னம் தஸ்ஸ சித்தம் உப்பஜ்ஜதீதி?

சித்தஸ்ஸ ப⁴ங்க³க்க²ணே தேஸம் சித்தம் உப்பன்னம், நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் உப்பன்னஞ்சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் ந உப்பன்னந்தி?

சித்தஸ்ஸ ப⁴ங்க³க்க²ணே தேஸம் சித்தம் ந உப்பஜ்ஜதி, நோ ச தேஸம் சித்தம் ந உப்பன்னம். நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந சேவ உப்பஜ்ஜதி ந ச உப்பன்னம்.

(க²) யஸ்ஸ வா பன சித்தம் ந உப்பன்னம் தஸ்ஸ சித்தம் ந உப்பஜ்ஜதீதி? ஆமந்தா.

(3) நிரோது⁴ப்பன்னவாரோ

65. (க) யஸ்ஸ சித்தம் நிருஜ்ஜ²தி தஸ்ஸ சித்தம் உப்பன்னந்தி? ஆமந்தா.

(க²) யஸ்ஸ வா பன சித்தம் உப்பன்னம் தஸ்ஸ சித்தம் நிருஜ்ஜ²தீதி?

சித்தஸ்ஸ உப்பாத³க்க²ணே தேஸம் சித்தம் உப்பன்னம், நோ ச தேஸம் சித்தம் நிருஜ்ஜ²தி. சித்தஸ்ஸ ப⁴ங்க³க்க²ணே தேஸம் சித்தம் உப்பன்னஞ்சேவ நிருஜ்ஜ²தி ச.

(க) யஸ்ஸ சித்தம் ந நிருஜ்ஜ²தி தஸ்ஸ சித்தம் ந உப்பன்னந்தி?

சித்தஸ்ஸ உப்பாத³க்க²ணே தேஸம் சித்தம் ந நிருஜ்ஜ²தி, நோ ச தேஸம் சித்தம் ந உப்பன்னம். நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந சேவ நிருஜ்ஜ²தி ந ச உப்பன்னம்.

(க²) யஸ்ஸ வா பன சித்தம் ந உப்பன்னம் தஸ்ஸ சித்தம் ந நிருஜ்ஜ²தீதி? ஆமந்தா.

(4) உப்பாத³வாரோ

66. (க) யஸ்ஸ சித்தம் உப்பஜ்ஜதி தஸ்ஸ சித்தம் உப்பஜ்ஜித்தா²தி? ஆமந்தா.

(க²) யஸ்ஸ வா பன சித்தம் உப்பஜ்ஜித்த² தஸ்ஸ சித்தம் உப்பஜ்ஜதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் உப்பஜ்ஜித்த², நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் உப்பஜ்ஜித்த² சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் ந உப்பஜ்ஜித்தா²தி? உப்பஜ்ஜித்த².

(க²) யஸ்ஸ வா பன சித்தம் ந உப்பஜ்ஜித்த² தஸ்ஸ சித்தம் ந உப்பஜ்ஜதீதி? நத்தி².

67. (க) யஸ்ஸ சித்தம் உப்பஜ்ஜதி தஸ்ஸ சித்தம் உப்பஜ்ஜிஸ்ஸதீதி?

பச்சி²மசித்தஸ்ஸ உப்பாத³க்க²ணே தேஸம் சித்தம் உப்பஜ்ஜதி, நோ ச தேஸம் சித்தம் உப்பஜ்ஜிஸ்ஸதி. இதரேஸம் சித்தஸ்ஸ உப்பாத³க்க²ணே தேஸம் சித்தம் உப்பஜ்ஜதி சேவ உப்பஜ்ஜிஸ்ஸதி ச.

(க²) யஸ்ஸ வா பன சித்தம் உப்பஜ்ஜிஸ்ஸதி தஸ்ஸ சித்தம் உப்பஜ்ஜதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் உப்பஜ்ஜிஸ்ஸதி, நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் உப்பஜ்ஜிஸ்ஸதி சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் ந உப்பஜ்ஜிஸ்ஸதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந உப்பஜ்ஜதி, நோ ச தேஸம் சித்தம் ந உப்பஜ்ஜிஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸம் சித்தம் ந சேவ உப்பஜ்ஜதி ந ச உப்பஜ்ஜிஸ்ஸதி.

(க²) யஸ்ஸ வா பன சித்தம் ந உப்பஜ்ஜிஸ்ஸதி தஸ்ஸ சித்தம் ந உப்பஜ்ஜதீதி?

பச்சி²மசித்தஸ்ஸ உப்பாத³க்க²ணே தேஸம் சித்தம் ந உப்பஜ்ஜிஸ்ஸதி, நோ ச தேஸம் சித்தம் ந உப்பஜ்ஜதி. பச்சி²மசித்தஸ்ஸ ப⁴ங்க³க்க²ணே தேஸம் சித்தம் ந சேவ உப்பஜ்ஜிஸ்ஸதி ந ச உப்பஜ்ஜதி.

68. (க) யஸ்ஸ சித்தம் உப்பஜ்ஜித்த² தஸ்ஸ சித்தம் உப்பஜ்ஜிஸ்ஸதீதி?

பச்சி²மசித்தஸமங்கீ³னம் தேஸம் சித்தம் உப்பஜ்ஜித்த², நோ ச தேஸம் சித்தம் உப்பஜ்ஜிஸ்ஸதி. இதரேஸம் தேஸம் சித்தம் உப்பஜ்ஜித்த² சேவ உப்பஜ்ஜிஸ்ஸதி ச.

(க²) யஸ்ஸ வா பன சித்தம் உப்பஜ்ஜிஸ்ஸதி தஸ்ஸ சித்தம் உப்பஜ்ஜித்தா²தி? ஆமந்தா.

(க) யஸ்ஸ சித்தம் ந உப்பஜ்ஜித்த² தஸ்ஸ சித்தம் ந உப்பஜ்ஜிஸ்ஸதீதி? நத்தி².

(க²) யஸ்ஸ வா பன சித்தம் ந உப்பஜ்ஜிஸ்ஸதி தஸ்ஸ சித்தம் ந உப்பஜ்ஜித்தா²தி? உப்பஜ்ஜித்த².

(5) நிரோத⁴வாரோ

69. (க) யஸ்ஸ சித்தம் நிருஜ்ஜ²தி தஸ்ஸ சித்தம் நிருஜ்ஜி²த்தா²தி? ஆமந்தா.

(க²) யஸ்ஸ வா பன சித்தம் நிருஜ்ஜி²த்த² தஸ்ஸ சித்தம் நிருஜ்ஜ²தீதி?

சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் நிருஜ்ஜி²த்த², நோ ச தேஸம் சித்தம் நிருஜ்ஜ²தி. சித்தஸ்ஸ ப⁴ங்க³க்க²ணே தேஸம் சித்தம் நிருஜ்ஜி²த்த² சேவ நிருஜ்ஜ²தி ச.

(க) யஸ்ஸ சித்தம் ந நிருஜ்ஜ²தி தஸ்ஸ சித்தம் ந நிருஜ்ஜி²த்தா²தி? நிருஜ்ஜி²த்த².

(க²) யஸ்ஸ வா பன சித்தம் ந நிருஜ்ஜி²த்த² தஸ்ஸ சித்தம் ந நிருஜ்ஜ²தீதி? நத்தி².

70. (க) யஸ்ஸ சித்தம் நிருஜ்ஜ²தி தஸ்ஸ சித்தம் நிருஜ்ஜி²ஸ்ஸதீதி?

பச்சி²மசித்தஸ்ஸ ப⁴ங்க³க்க²ணே தேஸம் சித்தம் நிருஜ்ஜ²தி, நோ ச தேஸம் சித்தம் நிருஜ்ஜி²ஸ்ஸதி. இதரேஸம் சித்தஸ்ஸ ப⁴ங்க³க்க²ணே தேஸம் சித்தம் நிருஜ்ஜ²தி சேவ நிருஜ்ஜி²ஸ்ஸதி ச.

(க²) யஸ்ஸ வா பன சித்தம் நிருஜ்ஜி²ஸ்ஸதி தஸ்ஸ சித்தம் நிருஜ்ஜ²தீதி?

சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் நிருஜ்ஜி²ஸ்ஸதி, நோ ச தேஸம் சித்தம் நிருஜ்ஜ²தி. சித்தஸ்ஸ ப⁴ங்க³க்க²ணே தேஸம் சித்தம் நிருஜ்ஜி²ஸ்ஸதி சேவ நிருஜ்ஜ²தி ச.

(க) யஸ்ஸ சித்தம் ந நிருஜ்ஜ²தி தஸ்ஸ சித்தம் ந நிருஜ்ஜி²ஸ்ஸதீதி? நிருஜ்ஜி²ஸ்ஸதி.

(க²) யஸ்ஸ வா பன சித்தம் ந நிருஜ்ஜி²ஸ்ஸதி தஸ்ஸ சித்தம் ந நிருஜ்ஜ²தீதி? நிருஜ்ஜ²தி.

71. (க) யஸ்ஸ சித்தம் நிருஜ்ஜி²த்த² தஸ்ஸ சித்தம் நிருஜ்ஜி²ஸ்ஸதீதி?

பச்சி²மசித்தஸ்ஸ ப⁴ங்க³க்க²ணே தேஸம் சித்தம் நிருஜ்ஜி²த்த², நோ ச தேஸம் சித்தம் நிருஜ்ஜி²ஸ்ஸதி. இதரேஸம் தேஸம் சித்தம் நிருஜ்ஜி²த்த² சேவ நிருஜ்ஜி²ஸ்ஸதி ச.

(க²) யஸ்ஸ வா பன சித்தம் நிருஜ்ஜி²ஸ்ஸதி தஸ்ஸ சித்தம் நிருஜ்ஜி²த்தா²தி? ஆமந்தா.

(க) யஸ்ஸ சித்தம் ந நிருஜ்ஜி²த்த² தஸ்ஸ சித்தம் ந நிருஜ்ஜி²ஸ்ஸதீதி? நத்தி².

(க²) யஸ்ஸ வா பன சித்தம் ந நிருஜ்ஜி²ஸ்ஸதி தஸ்ஸ சித்தம் ந நிருஜ்ஜி²த்தா²தி? நிருஜ்ஜி²த்த².

(6) உப்பாத³னிரோத⁴வாரோ

72. (க) யஸ்ஸ சித்தம் உப்பஜ்ஜதி தஸ்ஸ சித்தம் நிருஜ்ஜி²த்தா²தி? ஆமந்தா.

(க²) யஸ்ஸ வா பன சித்தம் நிருஜ்ஜி²த்த² தஸ்ஸ சித்தம் உப்பஜ்ஜதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் நிருஜ்ஜி²த்த², நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் நிருஜ்ஜி²த்த² சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் ந நிருஜ்ஜி²த்தா²தி? நிருஜ்ஜி²த்த².

(க²) யஸ்ஸ வா பன சித்தம் ந நிருஜ்ஜி²த்த² தஸ்ஸ சித்தம் ந உப்பஜ்ஜதீதி? நத்தி².

73. (க) யஸ்ஸ சித்தம் உப்பஜ்ஜதி தஸ்ஸ சித்தம் நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன சித்தம் நிருஜ்ஜி²ஸ்ஸதி தஸ்ஸ சித்தம் உப்பஜ்ஜதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் நிருஜ்ஜி²ஸ்ஸதி, நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் நிருஜ்ஜி²ஸ்ஸதி சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் ந நிருஜ்ஜி²ஸ்ஸதீதி?

சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந உப்பஜ்ஜதி, நோ ச தேஸம் சித்தம் ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸம் சித்தம் ந சேவ உப்பஜ்ஜதி ந ச நிருஜ்ஜி²ஸ்ஸதி.

(க²) யஸ்ஸ வா பன சித்தம் ந நிருஜ்ஜி²ஸ்ஸதி தஸ்ஸ சித்தம் ந உப்பஜ்ஜதீதி? ஆமந்தா.

74. (க) யஸ்ஸ சித்தம் உப்பஜ்ஜித்த² தஸ்ஸ சித்தம் நிருஜ்ஜி²ஸ்ஸதீதி?

பச்சி²மசித்தஸ்ஸ ப⁴ங்க³க்க²ணே தேஸம் சித்தம் உப்பஜ்ஜித்த², நோ ச தேஸம் சித்தம் நிருஜ்ஜி²ஸ்ஸதி. இதரேஸம் தேஸம் சித்தம் உப்பஜ்ஜித்த² சேவ நிருஜ்ஜி²ஸ்ஸதி ச.

(க²) யஸ்ஸ வா பன சித்தம் நிருஜ்ஜி²ஸ்ஸதி தஸ்ஸ சித்தம் உப்பஜ்ஜித்தா²தி? ஆமந்தா.

(க) யஸ்ஸ சித்தம் ந உப்பஜ்ஜித்த² தஸ்ஸ சித்தம் ந நிருஜ்ஜி²ஸ்ஸதீதி? நத்தி².

(க²) யஸ்ஸ வா பன சித்தம் ந நிருஜ்ஜி²ஸ்ஸதி தஸ்ஸ சித்தம் ந உப்பஜ்ஜித்தா²தி? உப்பஜ்ஜித்த².

(7) உப்பஜ்ஜமானனனிரோத⁴வாரோ

75. (க) யஸ்ஸ சித்தம் உப்பஜ்ஜதி தஸ்ஸ சித்தம் ந நிருஜ்ஜ²தீதி? ஆமந்தா.

(க²) யஸ்ஸ வா பன சித்தம் ந நிருஜ்ஜ²தி தஸ்ஸ சித்தம் உப்பஜ்ஜதீதி?

நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந நிருஜ்ஜ²தி, நோ ச தேஸம் சித்தம் உப்பஜ்ஜதி. சித்தஸ்ஸ உப்பாத³க்க²ணே தேஸம் சித்தம் ந நிருஜ்ஜ²தி சேவ உப்பஜ்ஜதி ச.

(க) யஸ்ஸ சித்தம் ந உப்பஜ்ஜதி தஸ்ஸ சித்தம் நிருஜ்ஜ²தீதி?

நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந உப்பஜ்ஜதி, நோ ச தேஸம் சித்தம் நிருஜ்ஜ²தி. சித்தஸ்ஸ ப⁴ங்க³க்க²ணே தேஸம் சித்தம் ந உப்பஜ்ஜதி சேவ நிருஜ்ஜ²தி ச.

(க²) யஸ்ஸ வா பன சித்தம் நிருஜ்ஜ²தி தஸ்ஸ சித்தம் ந உப்பஜ்ஜதீதி? ஆமந்தா.

(8) உப்பஜ்ஜமானுப்பன்னவாரோ

76. (க) யஸ்ஸ சித்தம் உப்பஜ்ஜமானம் தஸ்ஸ சித்தம் உப்பன்னந்தி? ஆமந்தா.

(க²) யஸ்ஸ வா பன சித்தம் உப்பன்னம் தஸ்ஸ சித்தம் உப்பஜ்ஜமானந்தி?

சித்தஸ்ஸ ப⁴ங்க³க்க²ணே தேஸம் சித்தம் உப்பன்னம், நோ ச தேஸம் சித்தம் உப்பஜ்ஜமானம். சித்தஸ்ஸ உப்பாத³க்க²ணே தேஸம் சித்தம் உப்பன்னஞ்சேவ உப்பஜ்ஜமானஞ்ச.

(க) யஸ்ஸ சித்தம் ந உப்பஜ்ஜமானம் தஸ்ஸ சித்தம் ந உப்பன்னந்தி?

சித்தஸ்ஸ ப⁴ங்க³க்க²ணே தேஸம் சித்தம் ந உப்பஜ்ஜமானம், நோ ச தேஸம் சித்தம் ந உப்பன்னம். நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந சேவ உப்பஜ்ஜமானம் ந ச உப்பன்னம்.

(க²) யஸ்ஸ வா பன சித்தம் ந உப்பன்னம் தஸ்ஸ சித்தம் ந உப்பஜ்ஜமானந்தி? ஆமந்தா.

(9) நிருஜ்ஜ²மானுப்பன்னவாரோ

77. (க) யஸ்ஸ சித்தம் நிருஜ்ஜ²மானம் தஸ்ஸ சித்தம் உப்பன்னந்தி? ஆமந்தா.

(க²) யஸ்ஸ வா பன சித்தம் உப்பன்னம் தஸ்ஸ சித்தம் நிருஜ்ஜ²மானந்தி?

சித்தஸ்ஸ உப்பாத³க்க²ணே தேஸம் சித்தம் உப்பன்னம், நோ ச தேஸம் சித்தம் நிருஜ்ஜ²மானம். சித்தஸ்ஸ ப⁴ங்க³க்க²ணே தேஸம் சித்தம் உப்பன்னஞ்சேவ நிருஜ்ஜ²மானஞ்ச.

(க) யஸ்ஸ சித்தம் ந நிருஜ்ஜ²மானம் தஸ்ஸ சித்தம் ந உப்பன்னந்தி?

சித்தஸ்ஸ உப்பாத³க்க²ணே தேஸம் சித்தம் ந நிருஜ்ஜ²மானம், நோ ச தேஸம் சித்தம் ந உப்பன்னம். நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் ந சேவ நிருஜ்ஜ²மானம் ந ச உப்பன்னம்.

(க²) யஸ்ஸ வா பன சித்தம் ந உப்பன்னம் தஸ்ஸ சித்தம் ந நிருஜ்ஜ²மானந்தி? ஆமந்தா.

(10) உப்பன்னுப்பாத³வாரோ

78. (க) யஸ்ஸ சித்தம் உப்பன்னம் தஸ்ஸ சித்தம் உப்பஜ்ஜித்தா²தி? ஆமந்தா.

(க²) யஸ்ஸ வா பன சித்தம் உப்பஜ்ஜித்த² தஸ்ஸ சித்தம் உப்பன்னந்தி?

நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் உப்பஜ்ஜித்த², நோ ச தேஸம் சித்தம் உப்பன்னம். சித்தஸமங்கீ³னம் தேஸம் சித்தம் உப்பஜ்ஜித்த² சேவ உப்பன்னஞ்ச.

(க) யஸ்ஸ சித்தம் ந உப்பன்னம் தஸ்ஸ சித்தம் ந உப்பஜ்ஜித்தா²தி? உப்பஜ்ஜித்த².

(க²) யஸ்ஸ வா பன சித்தம் ந உப்பஜ்ஜித்த² தஸ்ஸ சித்தம் ந உப்பன்னந்தி? நத்தி².

79. (க) யஸ்ஸ சித்தம் உப்பன்னம் தஸ்ஸ சித்தம் உப்பஜ்ஜிஸ்ஸதீதி?

பச்சி²மசித்தஸமங்கீ³னம் தேஸம் சித்தம் உப்பன்னம், நோ ச தேஸம் சித்தம் உப்பஜ்ஜிஸ்ஸதி. இதரேஸம் சித்தஸமங்கீ³னம் தேஸம் சித்தம் உப்பன்னஞ்சேவ உப்பஜ்ஜிஸ்ஸதி ச.

(க²) யஸ்ஸ வா பன சித்தம் உப்பஜ்ஜிஸ்ஸதி தஸ்ஸ சித்தம் உப்பன்னந்தி?

நிரோத⁴ஸமாபன்னானம் அஸஞ்ஞஸத்தானம் தேஸம் சித்தம் உப்பஜ்ஜிஸ்ஸதி, நோ ச தேஸம் சித்தம் உப்பன்னம். சித்தஸமங்கீ³னம் தேஸம் சித்தம் உப்பஜ்ஜிஸ்ஸதி சேவ உப்பன்னஞ்ச.

(க) யஸ்ஸ சித்தம் ந உப்பன்னம் தஸ்ஸ சித்தம் ந உப்பஜ்ஜிஸ்ஸதீதி? உப்பஜ்ஜிஸ்ஸதி.

(க²) யஸ்ஸ வா பன சித்தம் ந உப்பஜ்ஜிஸ்ஸதி தஸ்ஸ சித்தம் ந உப்பன்னந்தி? உப்பன்னம்.

(11) அதீதானாக³தவாரோ

80. (க) யஸ்ஸ சித்தம் உப்பஜ்ஜித்த² நோ ச தஸ்ஸ சித்தம் உப்பன்னம், தஸ்ஸ சித்தம் உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன சித்தம் உப்பஜ்ஜிஸ்ஸதி நோ ச தஸ்ஸ சித்தம் உப்பன்னம், தஸ்ஸ சித்தம் உப்பஜ்ஜித்தா²தி? ஆமந்தா.

(க) யஸ்ஸ சித்தம் ந உப்பஜ்ஜித்த² நோ ச தஸ்ஸ சித்தம் ந உப்பன்னம், தஸ்ஸ சித்தம் ந உப்பஜ்ஜிஸ்ஸதீதி? நத்தி².

(க²) யஸ்ஸ வா பன சித்தம் ந உப்பஜ்ஜிஸ்ஸதி நோ ச தஸ்ஸ சித்தம் ந உப்பன்னம், தஸ்ஸ சித்தம் ந உப்பஜ்ஜித்தா²தி? உப்பஜ்ஜித்த².

(12) உப்பன்னுப்பஜ்ஜமானவாரோ

81. (க) உப்பன்னம் உப்பஜ்ஜமானந்தி?

ப⁴ங்க³க்க²ணே உப்பன்னம், நோ ச உப்பஜ்ஜமானம். உப்பாத³க்க²ணே உப்பன்னஞ்சேவ உப்பஜ்ஜமானஞ்ச.

(க²) உப்பஜ்ஜமானம் உப்பன்னந்தி? ஆமந்தா.

(க) ந உப்பன்னம் ந உப்பஜ்ஜமானந்தி? ஆமந்தா.

(க²) ந உப்பஜ்ஜமானம் ந உப்பன்னந்தி?

ப⁴ங்க³க்க²ணே ந உப்பஜ்ஜமானம், நோ ச ந உப்பன்னம். அதீதானாக³தம் சித்தம் ந சேவ உப்பஜ்ஜமானம் ந ச உப்பன்னம்.

(13) நிருத்³த⁴னிருஜ்ஜ²மானவாரோ

82. (க) நிருத்³த⁴ம் நிருஜ்ஜ²மானந்தி? நோ.

(க²) நிருஜ்ஜ²மானம் நிருத்³த⁴ந்தி? நோ.

(க) ந நிருத்³த⁴ம் ந நிருஜ்ஜ²மானந்தி?

ப⁴ங்க³க்க²ணே ந நிருத்³த⁴ம், நோ ச ந நிருஜ்ஜ²மானம். உப்பாத³க்க²ணே அனாக³தஞ்ச சித்தம் ந சேவ நிருத்³த⁴ம் ந ச நிருஜ்ஜ²மானம்.

(க²) ந நிருஜ்ஜ²மானம் ந நிருத்³த⁴ந்தி?

அதீதம் சித்தம் ந நிருஜ்ஜ²மானம், நோ ச ந நிருத்³த⁴ம். உப்பாத³க்க²ணே அனாக³தஞ்ச சித்தம் ந சேவ நிருஜ்ஜ²மானம் ந ச நிருத்³த⁴ம்.

(14) அதிக்கந்தகாலவாரோ

83. (க) யஸ்ஸ சித்தம் உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ சித்தந்தி?

ப⁴ங்க³க்க²ணே சித்தம் உப்பாத³க்க²ணம் வீதக்கந்தம் ப⁴ங்க³க்க²ணம் அவீதிக்கந்தம், அதீதம் சித்தம் உப்பாத³க்க²ணஞ்ச வீதிக்கந்தம் ப⁴ங்க³க்க²ணஞ்ச வீதிக்கந்தம்.

(க²) யஸ்ஸ வா பன சித்தம் நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ சித்தந்தி?

அதீதம் சித்தம்.

(க) யஸ்ஸ சித்தம் ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ சித்தந்தி?

உப்பாத³க்க²ணே அனாக³தம் சித்தம்.

(க²) யஸ்ஸ வா பன சித்தம் ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தஸ்ஸ சித்தந்தி?

ப⁴ங்க³க்க²ணே சித்தம் ப⁴ங்க³க்க²ணம் அவீதிக்கந்தம் நோ ச உப்பாத³க்க²ணம் அவீதிக்கந்தம், உப்பாத³க்க²ணே அனாக³தஞ்ச சித்தம் ப⁴ங்க³க்க²ணஞ்ச அவீதிக்கந்தம் உப்பாத³க்க²ணஞ்ச அவீதிக்கந்தம்.