(4) உப்பாத³வாரோ

108. (க) யஸ்ஸ யம் சித்தம் உப்பஜ்ஜதி தஸ்ஸ தம் சித்தம் உப்பஜ்ஜித்தா²தி? நோ.

(க²) யஸ்ஸ வா பன யம் சித்தம் உப்பஜ்ஜித்த² தஸ்ஸ தம் சித்தம் உப்பஜ்ஜதீதி? நோ.

(க) யஸ்ஸ யம் சித்தம் ந உப்பஜ்ஜதி தஸ்ஸ தம் சித்தம் ந உப்பஜ்ஜித்தா²தி?

அதீதம் சித்தம் ந உப்பஜ்ஜதி, நோ ச தஸ்ஸ தம் சித்தம் ந உப்பஜ்ஜித்த². ப⁴ங்க³க்க²ணே அனாக³தஞ்ச சித்தம் ந சேவ உப்பஜ்ஜதி ந ச உப்பஜ்ஜித்த².

(க²) யஸ்ஸ வா பன யம் சித்தம் ந உப்பஜ்ஜித்த² தஸ்ஸ தம் சித்தம் ந உப்பஜ்ஜதீதி?

உப்பாத³க்க²ணே சித்தம் ந உப்பஜ்ஜித்த², நோ ச தஸ்ஸ தம் சித்தம் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தம் ந சேவ உப்பஜ்ஜித்த² ந ச உப்பஜ்ஜதி.

109. (க) யஸ்ஸ யம் சித்தம் உப்பஜ்ஜதி தஸ்ஸ தம் சித்தம் உப்பஜ்ஜிஸ்ஸதீதி? நோ.

(க²) யஸ்ஸ வா பன யம் சித்தம் உப்பஜ்ஜிஸ்ஸதி தஸ்ஸ தம் சித்தம் உப்பஜ்ஜதீதி? நோ.

(க) யஸ்ஸ யம் சித்தம் ந உப்பஜ்ஜதி தஸ்ஸ தம் சித்தம் ந உப்பஜ்ஜிஸ்ஸதீதி?

அனாக³தம் சித்தம் ந உப்பஜ்ஜதி, நோ ச தஸ்ஸ தம் சித்தம் ந உப்பஜ்ஜிஸ்ஸதி. ப⁴ங்க³க்க²ணே அதீதஞ்ச சித்தம் ந சேவ உப்பஜ்ஜதி ந ச உப்பஜ்ஜிஸ்ஸதி.

(க²) யஸ்ஸ வா பன யம் சித்தம் ந உப்பஜ்ஜிஸ்ஸதி தஸ்ஸ தம் சித்தம் ந உப்பஜ்ஜதீதி?

உப்பாத³க்க²ணே சித்தம் ந உப்பஜ்ஜிஸ்ஸதி, நோ ச தஸ்ஸ தம் சித்தம் ந உப்பஜ்ஜதி. ப⁴ங்க³க்க²ணே அதீதஞ்ச சித்தம் ந சேவ உப்பஜ்ஜிஸ்ஸதி ந ச உப்பஜ்ஜதி.

110. (க) யஸ்ஸ யம் சித்தம் உப்பஜ்ஜித்த² தஸ்ஸ தம் சித்தம் உப்பஜ்ஜிஸ்ஸதீதி? நோ.

(க²) யஸ்ஸ வா பன யம் சித்தம் உப்பஜ்ஜிஸ்ஸதி தஸ்ஸ தம் சித்தம் உப்பஜ்ஜித்தா²தி? நோ.

(க) யஸ்ஸ யம் சித்தம் ந உப்பஜ்ஜித்த² தஸ்ஸ தம் சித்தம் ந உப்பஜ்ஜிஸ்ஸதீதி?

அனாக³தம் சித்தம் ந உப்பஜ்ஜித்த², நோ ச தஸ்ஸ தம் சித்தம் ந உப்பஜ்ஜிஸ்ஸதி. பச்சுப்பன்னம் சித்தம் ந சேவ உப்பஜ்ஜித்த² ந ச உப்பஜ்ஜிஸ்ஸதி.

(க²) யஸ்ஸ வா பன யம் சித்தம் ந உப்பஜ்ஜிஸ்ஸதி தஸ்ஸ தம் சித்தம் ந உப்பஜ்ஜித்தா²தி?

அதீதம் சித்தம் ந உப்பஜ்ஜிஸ்ஸதி, நோ ச தஸ்ஸ தம் சித்தம் ந உப்பஜ்ஜித்த². பச்சுப்பன்னம் சித்தம் ந சேவ உப்பஜ்ஜிஸ்ஸதி ந ச உப்பஜ்ஜித்த².