2. த⁴ம்மவாரோ

(1) உப்பாத³னிரோத⁴காலஸம்பே⁴த³வாரோ

84. (க) யம் சித்தம் உப்பஜ்ஜதி ந நிருஜ்ஜ²தி தம் சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதீதி? ஆமந்தா.

(க²) யம் வா பன சித்தம் நிருஜ்ஜி²ஸ்ஸதி ந உப்பஜ்ஜிஸ்ஸதி தம் சித்தம் உப்பஜ்ஜதி ந நிருஜ்ஜ²தீதி? ஆமந்தா.

(க) யம் சித்தம் ந உப்பஜ்ஜதி நிருஜ்ஜ²தி தம் சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதீதி? நோ.

(க²) யம் வா பன சித்தம் ந நிருஜ்ஜி²ஸ்ஸதி உப்பஜ்ஜிஸ்ஸதி தம் சித்தம் ந உப்பஜ்ஜதி நிருஜ்ஜ²தீதி? நத்தி².

(2) உப்பாது³ப்பன்னவாரோ

85. (க) யம் சித்தம் உப்பஜ்ஜதி தம் சித்தம் உப்பன்னந்தி? ஆமந்தா.

(க²) யம் வா பன சித்தம் உப்பன்னம் தம் சித்தம் உப்பஜ்ஜதீதி?

ப⁴ங்க³க்க²ணே சித்தம் உப்பன்னம், நோ ச தம் சித்தம் உப்பஜ்ஜதி. உப்பாத³க்க²ணே சித்தம் உப்பன்னஞ்சேவ உப்பஜ்ஜதி ச.

(க) யம் சித்தம் ந உப்பஜ்ஜதி தம் சித்தம் ந உப்பன்னந்தி?

ப⁴ங்க³க்க²ணே சித்தம் ந உப்பஜ்ஜதி, நோ ச தம் சித்தம் ந உப்பன்னம். அதீதானாக³தம் சித்தம் ந சேவ உப்பஜ்ஜதி ந ச உப்பன்னம்.

(க²) யம் வா பன சித்தம் ந உப்பன்னம் தம் சித்தம் ந உப்பஜ்ஜதீதி? ஆமந்தா.

(3) நிரோது⁴ப்பன்னவாரோ

86. (க) யம் சித்தம் நிருஜ்ஜ²தி தம் சித்தம் உப்பன்னந்தி? ஆமந்தா.

(க²) யம் வா பன சித்தம் உப்பன்னம் தம் சித்தம் நிருஜ்ஜ²தீதி?

உப்பாத³க்க²ணே சித்தம் உப்பன்னம், நோ ச தம் சித்தம் நிருஜ்ஜ²தி. ப⁴ங்க³க்க²ணே சித்தம் உப்பன்னஞ்சேவ நிருஜ்ஜ²தி ச.

(க) யம் சித்தம் ந நிருஜ்ஜ²தி தம் சித்தம் ந உப்பன்னந்தி?

உப்பாத³க்க²ணே சித்தம் ந நிருஜ்ஜ²தி, நோ ச தம் சித்தம் ந உப்பன்னம். அதீதானாக³தம் சித்தம் ந சேவ நிருஜ்ஜ²தி ந ச உப்பன்னம்.

(க²) யம் வா பன சித்தம் ந உப்பன்னம் தம் சித்தம் ந நிருஜ்ஜ²தீதி? ஆமந்தா.

(4) உப்பாத³வாரோ

87. (க) யம் சித்தம் உப்பஜ்ஜதி தம் சித்தம் உப்பஜ்ஜித்தா²தி? நோ.

(க²) யம் வா பன சித்தம் உப்பஜ்ஜித்த² தம் சித்தம் உப்பஜ்ஜதீதி? நோ.

(க) யம் சித்தம் ந உப்பஜ்ஜதி தம் சித்தம் ந உப்பஜ்ஜித்தா²தி?

அதீதம் சித்தம் ந உப்பஜ்ஜதி, நோ ச தம் சித்தம் ந உப்பஜ்ஜித்த². ப⁴ங்க³க்க²ணே அனாக³தஞ்ச சித்தம் ந சேவ உப்பஜ்ஜதி ந ச உப்பஜ்ஜித்த².

(க²) யம் வா பன சித்தம் ந உப்பஜ்ஜித்த² தம் சித்தம் ந உப்பஜ்ஜதீதி?

உப்பாத³க்க²ணே சித்தம் ந உப்பஜ்ஜித்த², நோ ச தம் சித்தம் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தம் ந சேவ உப்பஜ்ஜித்த² ந ச உப்பஜ்ஜதி.

88. (க) யம் சித்தம் உப்பஜ்ஜதி தம் சித்தம் உப்பஜ்ஜிஸ்ஸதீதி? நோ.

(க²) யம் வா பன சித்தம் உப்பஜ்ஜிஸ்ஸதி தம் சித்தம் உப்பஜ்ஜதீதி? நோ.

(க) யம் சித்தம் ந உப்பஜ்ஜதி தம் சித்தம் ந உப்பஜ்ஜிஸ்ஸதீதி?

அனாக³தம் சித்தம் ந உப்பஜ்ஜதி, நோ ச தம் சித்தம் ந உப்பஜ்ஜிஸ்ஸதி. ப⁴ங்க³க்க²ணே அதீதஞ்ச சித்தம் ந சேவ உப்பஜ்ஜதி ந ச உப்பஜ்ஜிஸ்ஸதி.

(க²) யம் வா பன சித்தம் ந உப்பஜ்ஜிஸ்ஸதி தம் சித்தம் ந உப்பஜ்ஜதீதி?

உப்பாத³க்க²ணே சித்தம் ந உப்பஜ்ஜிஸ்ஸதி, நோ ச தம் சித்தம் ந உப்பஜ்ஜதி. ப⁴ங்க³க்க²ணே அதீதஞ்ச சித்தம் ந சேவ உப்பஜ்ஜிஸ்ஸதி ந ச உப்பஜ்ஜதி.

89. (க) யம் சித்தம் உப்பஜ்ஜித்த² தம் சித்தம் உப்பஜ்ஜிஸ்ஸதீதி? நோ.

(க²) யம் வா பன சித்தம் உப்பஜ்ஜிஸ்ஸதி தம் சித்தம் உப்பஜ்ஜித்தா²தி? நோ.

(க) யம் சித்தம் ந உப்பஜ்ஜித்த² தம் சித்தம் ந உப்பஜ்ஜிஸ்ஸதீதி?

அனாக³தம் சித்தம் ந உப்பஜ்ஜித்த², நோ ச தம் சித்தம் ந உப்பஜ்ஜிஸ்ஸதி. பச்சுப்பன்னம் சித்தம் ந சேவ உப்பஜ்ஜித்த² ந ச உப்பஜ்ஜிஸ்ஸதி.

(க²) யம் வா பன சித்தம் ந உப்பஜ்ஜிஸ்ஸதி தம் சித்தம் ந உப்பஜ்ஜித்தா²தி?

அதீதம் சித்தம் ந உப்பஜ்ஜிஸ்ஸதி, நோ ச தம் சித்தம் ந உப்பஜ்ஜித்த². பச்சுப்பன்னம் சித்தம் ந சேவ உப்பஜ்ஜிஸ்ஸதி ந ச உப்பஜ்ஜித்த².

(5) நிரோத⁴வாரோ

90. (க) யம் சித்தம் நிருஜ்ஜ²தி தம் சித்தம் நிருஜ்ஜி²த்தா²தி? நோ.

(க²) யம் வா பன சித்தம் நிருஜ்ஜி²த்த² தம் சித்தம் நிருஜ்ஜ²தீதி? நோ.

(க) யம் சித்தம் ந நிருஜ்ஜ²தி தம் சித்தம் ந நிருஜ்ஜி²த்தா²தி?

அதீதம் சித்தம் ந நிருஜ்ஜ²தி, நோ ச தம் சித்தம் ந நிருஜ்ஜி²த்த². உப்பாத³க்க²ணே அனாக³தஞ்ச சித்தம் ந சேவ நிருஜ்ஜ²தி ந ச நிருஜ்ஜி²த்த².

(க²) யம் வா பன சித்தம் ந நிருஜ்ஜி²த்த² தம் சித்தம் ந நிருஜ்ஜ²தீதி?

ப⁴ங்க³க்க²ணே சித்தம் ந நிருஜ்ஜி²த்த², நோ ச தம் சித்தம் ந நிருஜ்ஜ²தி. உப்பாத³க்க²ணே அனாக³தஞ்ச சித்தம் ந சேவ நிருஜ்ஜி²த்த² ந ச நிருஜ்ஜ²தி.

91. (க) யம் சித்தம் நிருஜ்ஜ²தி தம் சித்தம் நிருஜ்ஜி²ஸ்ஸதீதி? நோ.

(க²) யம் வா பன சித்தம் நிருஜ்ஜி²ஸ்ஸதி தம் சித்தம் நிருஜ்ஜ²தீதி? நோ.

(க) யம் சித்தம் ந நிருஜ்ஜ²தி தம் சித்தம் ந நிருஜ்ஜி²ஸ்ஸதீதி?

உப்பாத³க்க²ணே அனாக³தஞ்ச சித்தம் ந நிருஜ்ஜ²தி, நோ ச தம் சித்தம் ந நிருஜ்ஜி²ஸ்ஸதி. அதீதம் சித்தம் ந சேவ நிருஜ்ஜ²தி ந ச நிருஜ்ஜி²ஸ்ஸதி.

(க²) யம் வா பன சித்தம் ந நிருஜ்ஜி²ஸ்ஸதி தம் சித்தம் ந நிருஜ்ஜ²தீதி?

ப⁴ங்க³க்க²ணே சித்தம் ந நிருஜ்ஜி²ஸ்ஸதி, நோ ச தம் சித்தம் ந நிருஜ்ஜ²தி. அதீதம் சித்தம் ந சேவ நிருஜ்ஜி²ஸ்ஸதி ந ச நிருஜ்ஜ²தி.

92. (க) யம் சித்தம் நிருஜ்ஜி²த்த² தம் சித்தம் நிருஜ்ஜி²ஸ்ஸதீதி? நோ.

(க²) யம் வா பன சித்தம் நிருஜ்ஜி²ஸ்ஸதி தம் சித்தம் நிருஜ்ஜி²த்தா²தி? நோ.

(க) யம் சித்தம் ந நிருஜ்ஜி²த்த² தம் சித்தம் ந நிருஜ்ஜி²ஸ்ஸதீதி?

உப்பாத³க்க²ணே அனாக³தஞ்ச சித்தம் ந நிருஜ்ஜி²த்த², நோ ச தம் சித்தம் ந நிருஜ்ஜி²ஸ்ஸதி. ப⁴ங்க³க்க²ணே சித்தம் ந சேவ நிருஜ்ஜி²த்த² ந ச நிருஜ்ஜி²ஸ்ஸதி.

(க²) யம் வா பன சித்தம் ந நிருஜ்ஜி²ஸ்ஸதி தம் சித்தம் ந நிருஜ்ஜி²த்தா²தி?

அதீதம் சித்தம் ந நிருஜ்ஜி²ஸ்ஸதி, நோ ச தம் சித்தம் ந நிருஜ்ஜி²த்த². ப⁴ங்க³க்க²ணே சித்தம் ந சேவ நிருஜ்ஜி²ஸ்ஸதி ந ச நிருஜ்ஜி²த்த².

(6) உப்பாத³னிரோத⁴வாரோ

93. (க) யம் சித்தம் உப்பஜ்ஜதி தம் சித்தம் நிருஜ்ஜி²த்தா²தி? நோ.

(க²) யம் வா பன சித்தம் நிருஜ்ஜி²த்த² தம் சித்தம் உப்பஜ்ஜதீதி? நோ.

(க) யம் சித்தம் ந உப்பஜ்ஜதி தம் சித்தம் ந நிருஜ்ஜி²த்தா²தி?

அதீதம் சித்தம் ந உப்பஜ்ஜதி, நோ ச தம் சித்தம் ந நிருஜ்ஜி²த்த². ப⁴ங்க³க்க²ணே அனாக³தஞ்ச சித்தம் ந சேவ உப்பஜ்ஜதி ந ச நிருஜ்ஜி²த்த².

(க²) யம் வா பன சித்தம் ந நிருஜ்ஜி²த்த² தம் சித்தம் ந உப்பஜ்ஜதீதி?

உப்பாத³க்க²ணே சித்தம் ந நிருஜ்ஜி²த்த², நோ ச தம் சித்தம் ந உப்பஜ்ஜதி. ப⁴ங்க³க்க²ணே அனாக³தஞ்ச சித்தம் ந சேவ நிருஜ்ஜி²த்த² ந ச உப்பஜ்ஜதி.

94. (க) யம் சித்தம் உப்பஜ்ஜதி தம் சித்தம் நிருஜ்ஜி²ஸ்ஸதீதி? ஆமந்தா.

(க²) யம் வா பன சித்தம் நிருஜ்ஜி²ஸ்ஸதி தம் சித்தம் உப்பஜ்ஜதீதி?

அனாக³தம் சித்தம் நிருஜ்ஜி²ஸ்ஸதி, நோ ச தம் சித்தம் உப்பஜ்ஜதி. உப்பாத³க்க²ணே சித்தம் நிருஜ்ஜி²ஸ்ஸதி சேவ உப்பஜ்ஜதி ச.

(க) யம் சித்தம் ந உப்பஜ்ஜதி தம் சித்தம் ந நிருஜ்ஜி²ஸ்ஸதீதி?

அனாக³தம் சித்தம் ந உப்பஜ்ஜதி, நோ ச தம் சித்தம் ந நிருஜ்ஜி²ஸ்ஸதி. ப⁴ங்க³க்க²ணே அதீதஞ்ச சித்தம் ந சேவ உப்பஜ்ஜதி ந ச நிருஜ்ஜி²ஸ்ஸதி.

(க²) யம் வா பன சித்தம் ந நிருஜ்ஜி²ஸ்ஸதி தம் சித்தம் ந உப்பஜ்ஜதீதி? ஆமந்தா.

95. (க) யம் சித்தம் உப்பஜ்ஜித்த² தம் சித்தம் நிருஜ்ஜி²ஸ்ஸதீதி? நோ.

(க²) யம் வா பன சித்தம் நிருஜ்ஜி²ஸ்ஸதி தம் சித்தம் உப்பஜ்ஜித்தா²தி? நோ.

(க) யம் சித்தம் ந உப்பஜ்ஜித்த² தம் சித்தம் ந நிருஜ்ஜி²ஸ்ஸதீதி?

உப்பாத³க்க²ணே அனாக³தஞ்ச சித்தம் ந உப்பஜ்ஜித்த², நோ ச தம் சித்தம் ந நிருஜ்ஜி²ஸ்ஸதி. ப⁴ங்க³க்க²ணே சித்தம் ந சேவ உப்பஜ்ஜித்த² ந ச நிருஜ்ஜி²ஸ்ஸதி.

(க²) யம் வா பன சித்தம் ந நிருஜ்ஜி²ஸ்ஸதி தம் சித்தம் ந உப்பஜ்ஜித்தா²தி?

அதீதம் சித்தம் ந நிருஜ்ஜி²ஸ்ஸதி, நோ ச தம் சித்தம் ந உப்பஜ்ஜித்த². ப⁴ங்க³க்க²ணே சித்தம் ந சேவ நிருஜ்ஜி²ஸ்ஸதி ந ச உப்பஜ்ஜித்த².

(7) உப்பஜ்ஜமான-நனிரோத⁴வாரோ

96. (க) யம் சித்தம் உப்பஜ்ஜதி தம் சித்தம் ந நிருஜ்ஜ²தீதி? ஆமந்தா.

(க²) யம் வா பன சித்தம் ந நிருஜ்ஜ²தி தம் சித்தம் உப்பஜ்ஜதீதி?

அதீதானாக³தம் சித்தம் ந நிருஜ்ஜ²தி, நோ ச தம் சித்தம் உப்பஜ்ஜதி. உப்பாத³க்க²ணே சித்தம் ந நிருஜ்ஜ²தி சேவ உப்பஜ்ஜதி ச.

(க) யம் சித்தம் ந உப்பஜ்ஜதி தம் சித்தம் நிருஜ்ஜ²தீதி?

அதீதானாக³தம் சித்தம் ந உப்பஜ்ஜதி, நோ ச தம் சித்தம் நிருஜ்ஜ²தி. ப⁴ங்க³க்க²ணே சித்தம் ந உப்பஜ்ஜதி சேவ நிருஜ்ஜ²தி ச.

(க²) யம் வா பன சித்தம் நிருஜ்ஜ²தி தம் சித்தம் ந உப்பஜ்ஜதீதி? ஆமந்தா.

(8) உப்பஜ்ஜமானுப்பன்னவாரோ

97. (க) யம் சித்தம் உப்பஜ்ஜமானம் தம் சித்தம் உப்பன்னந்தி? ஆமந்தா.

(க²) யம் வா பன சித்தம் உப்பன்னம் தம் சித்தம் உப்பஜ்ஜமானந்தி?

ப⁴ங்க³க்க²ணே சித்தம் உப்பன்னம், நோ ச தம் சித்தம் உப்பஜ்ஜமானம். உப்பாத³க்க²ணே சித்தம் உப்பன்னஞ்சேவ உப்பஜ்ஜமானஞ்ச.

(க) யம் சித்தம் ந உப்பஜ்ஜமானம் தம் சித்தம் ந உப்பன்னந்தி?

ப⁴ங்க³க்க²ணே சித்தம் ந உப்பஜ்ஜமானம், நோ ச தம் சித்தம் ந உப்பன்னம். அதீதானாக³தம் சித்தம் ந சேவ உப்பஜ்ஜமானம் ந ச உப்பன்னம்.

(க²) யம் வா பன சித்தம் ந உப்பன்னம் தம் சித்தம் ந உப்பஜ்ஜமானந்தி? ஆமந்தா.

(9) நிருஜ்ஜ²மானுப்பன்னவாரோ

98. (க) யம் சித்தம் நிருஜ்ஜ²மானம் தம் சித்தம் உப்பன்னந்தி? ஆமந்தா.

(க²) யம் வா பன சித்தம் உப்பன்னம் தம் சித்தம் நிருஜ்ஜ²மானந்தி?

உப்பாத³க்க²ணே சித்தம் உப்பன்னம், நோ ச தம் சித்தம் நிருஜ்ஜ²மானம். ப⁴ங்க³க்க²ணே சித்தம் உப்பன்னஞ்சேவ நிருஜ்ஜ²மானஞ்ச.

(க) யம் சித்தம் ந நிருஜ்ஜ²மானம் தம் சித்தம் ந உப்பன்னந்தி?

உப்பாத³க்க²ணே சித்தம் ந நிருஜ்ஜ²மானம், நோ ச தம் சித்தம் ந உப்பன்னம். அதீதானாக³தம் சித்தம் ந சேவ நிருஜ்ஜ²மானம் ந ச உப்பன்னம்.

(க²) யம் வா பன சித்தம் ந உப்பன்னம் தம் சித்தம் ந நிருஜ்ஜ²மானந்தி? ஆமந்தா.

(10) உப்பன்னுப்பாத³வாரோ

99. (க) யம் சித்தம் உப்பன்னம் தம் சித்தம் உப்பஜ்ஜித்தா²தி? நோ.

(க²) யம் வா பன சித்தம் உப்பஜ்ஜித்த² தம் சித்தம் உப்பன்னந்தி? நோ.

(க) யம் சித்தம் ந உப்பன்னம் தம் சித்தம் ந உப்பஜ்ஜித்தா²தி?

அதீதம் சித்தம் ந உப்பன்னம், நோ ச தம் சித்தம் ந உப்பஜ்ஜித்த². அனாக³தம் சித்தம் ந சேவ உப்பன்னம் ந ச உப்பஜ்ஜித்த².

(க²) யம் வா பன சித்தம் ந உப்பஜ்ஜித்த² தம் சித்தம் ந உப்பன்னந்தி?

பச்சுப்பன்னம் சித்தம் ந உப்பஜ்ஜித்த², நோ ச தம் சித்தம் ந உப்பன்னம். அனாக³தம் சித்தம் ந சேவ உப்பஜ்ஜித்த² ந ச உப்பன்னம்.

100. (க) யம் சித்தம் உப்பன்னம் தம் சித்தம் உப்பஜ்ஜிஸ்ஸதீதி? நோ.

(க²) யம் வா பன சித்தம் உப்பஜ்ஜிஸ்ஸதி தம் சித்தம் உப்பன்னந்தி? நோ.

(க) யம் சித்தம் ந உப்பன்னம் தம் சித்தம் ந உப்பஜ்ஜிஸ்ஸதீதி?

அனாக³தம் சித்தம் ந உப்பன்னம், நோ ச தம் சித்தம் ந உப்பஜ்ஜிஸ்ஸதி. அதீதம் சித்தம் ந சேவ உப்பன்னம் ந ச உப்பஜ்ஜிஸ்ஸதி.

(க²) யம் வா பன சித்தம் ந உப்பஜ்ஜிஸ்ஸதி தம் சித்தம் ந உப்பன்னந்தி?

பச்சுப்பன்னம் சித்தம் ந உப்பஜ்ஜிஸ்ஸதி, நோ ச தம் சித்தம் ந உப்பன்னம். அதீதம் சித்தம் ந சேவ உப்பஜ்ஜிஸ்ஸதி ந ச உப்பன்னம்.

(11) அதீதானாக³தவாரோ

101. (க) யம் சித்தம் உப்பஜ்ஜித்த² நோ ச தம் சித்தம் உப்பன்னம், தம் சித்தம் உப்பஜ்ஜிஸ்ஸதீதி? நோ.

(க²) யம் வா பன சித்தம் உப்பஜ்ஜிஸ்ஸதி நோ ச தம் சித்தம் உப்பன்னம், தம் சித்தம் உப்பஜ்ஜித்தா²தி? நோ.

(க) யம் சித்தம் ந உப்பஜ்ஜித்த² நோ ச தம் சித்தம் ந உப்பன்னம், தம் சித்தம் ந உப்பஜ்ஜிஸ்ஸதீதி? ஆமந்தா.

(க²) யம் வா பன சித்தம் ந உப்பஜ்ஜிஸ்ஸதி நோ ச தம் சித்தம் ந உப்பன்னம், தம் சித்தம் ந உப்பஜ்ஜித்தா²தி? ஆமந்தா.

(12) உப்பன்னுப்பஜ்ஜமானவாரோ

102. (க) உப்பன்னம் உப்பஜ்ஜமானந்தி?

ப⁴ங்க³க்க²ணே உப்பன்னம், நோ ச உப்பஜ்ஜமானம். உப்பாத³க்க²ணே உப்பன்னஞ்சேவ உப்பஜ்ஜமானஞ்ச.

(க²) உப்பஜ்ஜமானம் உப்பன்னந்தி? ஆமந்தா.

(க) ந உப்பன்னம் ந உப்பஜ்ஜமானந்தி? ஆமந்தா.

(க²) ந உப்பஜ்ஜமானம் ந உப்பன்னந்தி?

ப⁴ங்க³க்க²ணே ந உப்பஜ்ஜமானம், நோ ச ந உப்பன்னம். அதீதானாக³தம் சித்தம் ந சேவ உப்பஜ்ஜமானம் ந ச உப்பன்னம்.

(13) நிருத்³த⁴னிருஜ்ஜ²மானவாரோ

103. (க) நிருத்³த⁴ம் நிருஜ்ஜ²மானந்தி? நோ.

(க²) நிருஜ்ஜ²மானம் நிருத்³த⁴ந்தி? நோ.

(க) ந நிருத்³த⁴ம் ந நிருஜ்ஜ²மானந்தி?

ப⁴ங்க³க்க²ணே ந நிருத்³த⁴ம், நோ ச ந நிருஜ்ஜ²மானம். உப்பாத³க்க²ணே அனாக³தஞ்ச சித்தம் ந சேவ நிருத்³த⁴ம் ந ச நிருஜ்ஜ²மானம்.

(க²) ந நிருஜ்ஜ²மானம் ந நிருத்³த⁴ந்தி?

அதீதம் சித்தம் ந நிருஜ்ஜ²மானம், நோ ச ந நிருத்³த⁴ம். உப்பாத³க்க²ணே அனாக³தஞ்ச சித்தம் ந சேவ நிருஜ்ஜ²மானம் ந ச நிருத்³த⁴ம்.

(14) அதிக்கந்தகாலவாரோ

104. (க) யம் சித்தம் உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தம் சித்தந்தி?

ப⁴ங்க³க்க²ணே சித்தம் உப்பாத³க்க²ணம் வீதிக்கந்தம் ப⁴ங்க³க்க²ணம் அவீதிக்கந்தம், அதீதம் சித்தம் உப்பாத³க்க²ணஞ்ச வீதிக்கந்தம் ப⁴ங்க³க்க²ணஞ்ச வீதிக்கந்தம்.

(க²) யம் வா பன சித்தம் நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தம் சித்தந்தி?

அதீதம் சித்தம்.

(க) யம் சித்தம் ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம், ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம் தம் சித்தந்தி?

உப்பாத³க்க²ணே அனாக³தம் சித்தம்.

(க²) யம் வா பன சித்தம் ந நிருஜ்ஜ²மானம் க²ணம் க²ணம் வீதிக்கந்தம் அதிக்கந்தகாலம், ந உப்பஜ்ஜமானம் க²ணம் க²ணம் வீதிக்கந்தம் அதிக்கந்தகாலம் தம் சித்தந்தி?

ப⁴ங்க³க்க²ணே சித்தம் ப⁴ங்க³க்க²ணம் அவீதிக்கந்தம் நோ ச உப்பாத³க்க²ணம் அவீதிக்கந்தம், உப்பாத³க்க²ணே அனாக³தஞ்ச சித்தம் ப⁴ங்க³க்க²ணஞ்ச அவீதிக்கந்தம் உப்பாத³க்க²ணஞ்ச அவீதிக்கந்தம்.