(1) பச்சுப்பன்னவாரோ

(க) அனுலோமபுக்³க³லோ

19. (க) யஸ்ஸ காயஸங்கா²ரோ உப்பஜ்ஜதி தஸ்ஸ வசீஸங்கா²ரோ உப்பஜ்ஜதீதி?

வினா விதக்கவிசாரேஹி அஸ்ஸாஸபஸ்ஸாஸானம் உப்பாத³க்க²ணே தேஸம் காயஸங்கா²ரோ உப்பஜ்ஜதி, நோ ச தேஸம் வசீஸங்கா²ரோ உப்பஜ்ஜதி. பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் உப்பாத³க்க²ணே தேஸம் காயஸங்கா²ரோ ச உப்பஜ்ஜதி வசீஸங்கா²ரோ ச உப்பஜ்ஜதி.

(க²) யஸ்ஸ வா பன வசீஸங்கா²ரோ உப்பஜ்ஜதி தஸ்ஸ காயஸங்கா²ரோ உப்பஜ்ஜதீதி?

வினா அஸ்ஸாஸபஸ்ஸாஸேஹி விதக்கவிசாரானம் உப்பாத³க்க²ணே தேஸம் வசீஸங்கா²ரோ உப்பஜ்ஜதி, நோ ச தேஸம் காயஸங்கா²ரோ உப்பஜ்ஜதி. பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் உப்பாத³க்க²ணே தேஸம் வசீஸங்கா²ரோ ச உப்பஜ்ஜதி காயஸங்கா²ரோ ச உப்பஜ்ஜதி.

(க) யஸ்ஸ காயஸங்கா²ரோ உப்பஜ்ஜதி தஸ்ஸ சித்தஸங்கா²ரோ உப்பஜ்ஜதீதி? ஆமந்தா.

(க²) யஸ்ஸ வா பன சித்தஸங்கா²ரோ உப்பஜ்ஜதி தஸ்ஸ காயஸங்கா²ரோ உப்பஜ்ஜதீதி?

வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே தேஸம் சித்தஸங்கா²ரோ உப்பஜ்ஜதி, நோ ச தேஸம் காயஸங்கா²ரோ உப்பஜ்ஜதி. அஸ்ஸாஸபஸ்ஸாஸானம் உப்பாத³க்க²ணே தேஸம் சித்தஸங்கா²ரோ ச உப்பஜ்ஜதி காயஸங்கா²ரோ ச உப்பஜ்ஜதி.

20. (க) யஸ்ஸ வசீஸங்கா²ரோ உப்பஜ்ஜதி தஸ்ஸ சித்தஸங்கா²ரோ உப்பஜ்ஜதீதி? ஆமந்தா.

(க²) யஸ்ஸ வா பன சித்தஸங்கா²ரோ உப்பஜ்ஜதி தஸ்ஸ வசீஸங்கா²ரோ உப்பஜ்ஜதீதி?

வினா விதக்கவிசாரேஹி சித்தஸ்ஸ உப்பாத³க்க²ணே தேஸம் சித்தஸங்கா²ரோ உப்பஜ்ஜதி, நோ ச தேஸம் வசீஸங்கா²ரோ உப்பஜ்ஜதி. விதக்கவிசாரானம் உப்பாத³க்க²ணே தேஸம் சித்தஸங்கா²ரோ ச உப்பஜ்ஜதி வசீஸங்கா²ரோ ச உப்பஜ்ஜதி.

(க²) அனுலோமஓகாஸோ

21. (க) யத்த² காயஸங்கா²ரோ உப்பஜ்ஜதி தத்த² வசீஸங்கா²ரோ உப்பஜ்ஜதீதி?

து³தியஜ்ஜா²னே ததியஜ்ஜா²னே தத்த² காயஸங்கா²ரோ உப்பஜ்ஜதி, நோ ச தத்த² வசீஸங்கா²ரோ உப்பஜ்ஜதி. பட²மஜ்ஜா²னே காமாவசரே தத்த² காயஸங்கா²ரோ ச உப்பஜ்ஜதி வசீஸங்கா²ரோ ச உப்பஜ்ஜதி.

(க²) யத்த² வா பன வசீஸங்கா²ரோ உப்பஜ்ஜதி தத்த² காயஸங்கா²ரோ உப்பஜ்ஜதீதி?

ரூபாவசரே அரூபாவசரே தத்த² வசீஸங்கா²ரோ உப்பஜ்ஜதி, நோ ச தத்த² காயஸங்கா²ரோ உப்பஜ்ஜதி. பட²மஜ்ஜா²னே காமாவசரே தத்த² வசீஸங்கா²ரோ ச உப்பஜ்ஜதி காயஸங்கா²ரோ ச உப்பஜ்ஜதி.

(க) யத்த² காயஸங்கா²ரோ உப்பஜ்ஜதி தத்த² சித்தஸங்கா²ரோ உப்பஜ்ஜதீதி? ஆமந்தா.

(க²) யத்த² வா பன சித்தஸங்கா²ரோ உப்பஜ்ஜதி தத்த² காயஸங்கா²ரோ உப்பஜ்ஜதீதி?

சதுத்த²ஜ்ஜா²னே ரூபாவசரே அரூபாவசரே தத்த² சித்தஸங்கா²ரோ உப்பஜ்ஜதி, நோ ச தத்த² காயஸங்கா²ரோ உப்பஜ்ஜதி. பட²மஜ்ஜா²னே து³தியஜ்ஜா²னே ததியஜ்ஜா²னே காமாவசரே தத்த² சித்தஸங்கா²ரோ ச உப்பஜ்ஜதி காயஸங்கா²ரோ ச உப்பஜ்ஜதி.

22. (க) யத்த² வசீஸங்கா²ரோ உப்பஜ்ஜதி தத்த² சித்தஸங்கா²ரோ உப்பஜ்ஜதீதி? ஆமந்தா.

(க²) யத்த² வா பன சித்தஸங்கா²ரோ உப்பஜ்ஜதி தத்த² வசீஸங்கா²ரோ உப்பஜ்ஜதீதி?

து³தியஜ்ஜா²னே ததியஜ்ஜா²னே சதுத்த²ஜ்ஜா²னே தத்த² சித்தஸங்கா²ரோ உப்பஜ்ஜதி, நோ ச தத்த² வசீஸங்கா²ரோ உப்பஜ்ஜதி. பட²மஜ்ஜா²னே காமாவசரே ரூபாவசரே அரூபாவசரே தத்த² சித்தஸங்கா²ரோ ச உப்பஜ்ஜதி வசீஸங்கா²ரோ ச உப்பஜ்ஜதி.

(க³) அனுலோமபுக்³க³லோகாஸா

23. யஸ்ஸ யத்த² காயஸங்கா²ரோ உப்பஜ்ஜதி…பே….

(யஸ்ஸகம்பி யஸ்ஸயத்த²கம்பி ஸதி³ஸம்.)

(க⁴) பச்சனீகபுக்³க³லோ

24. (க) யஸ்ஸ காயஸங்கா²ரோ நுப்பஜ்ஜதி தஸ்ஸ வசீஸங்கா²ரோ நுப்பஜ்ஜதீதி?

வினா அஸ்ஸாஸபஸ்ஸாஸேஹி விதக்கவிசாரானம் உப்பாத³க்க²ணே தேஸம் காயஸங்கா²ரோ நுப்பஜ்ஜதி, நோ ச தேஸம் வசீஸங்கா²ரோ நுப்பஜ்ஜதி. ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி அவிதக்கஅவிசாரசித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் காயஸங்கா²ரோ ச நுப்பஜ்ஜதி வசீஸங்கா²ரோ ச நுப்பஜ்ஜதி.

(க²) யஸ்ஸ வா பன வசீஸங்கா²ரோ நுப்பஜ்ஜதி தஸ்ஸ காயஸங்கா²ரோ நுப்பஜ்ஜதீதி?

வினா விதக்கவிசாரேஹி அஸ்ஸாஸபஸ்ஸாஸானம் உப்பாத³க்க²ணே தேஸம் வசீஸங்கா²ரோ நுப்பஜ்ஜதி, நோ ச தேஸம் காயஸங்கா²ரோ நுப்பஜ்ஜதி. ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி அவிதக்கஅவிசாரசித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் வசீஸங்கா²ரோ ச நுப்பஜ்ஜதி காயஸங்கா²ரோ ச நுப்பஜ்ஜதி.

(க) யஸ்ஸ காயஸங்கா²ரோ நுப்பஜ்ஜதி தஸ்ஸ சித்தஸங்கா²ரோ நுப்பஜ்ஜதீதி?

வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே தேஸம் காயஸங்கா²ரோ நுப்பஜ்ஜதி, நோ ச தேஸம் சித்தஸங்கா²ரோ நுப்பஜ்ஜதி. ஸப்³பே³ஸம் சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் காயஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜதி.

(க²) யஸ்ஸ வா பன சித்தஸங்கா²ரோ நுப்பஜ்ஜதி தஸ்ஸ காயஸங்கா²ரோ நுப்பஜ்ஜதீதி? ஆமந்தா.

25. (க) யஸ்ஸ வசீஸங்கா²ரோ நுப்பஜ்ஜதி தஸ்ஸ சித்தஸங்கா²ரோ நுப்பஜ்ஜதீதி?

வினா விதக்கவிசாரேஹி சித்தஸ்ஸ உப்பாத³க்க²ணே தேஸம் வசீஸங்கா²ரோ நுப்பஜ்ஜதி, நோ ச தேஸம் சித்தஸங்கா²ரோ நுப்பஜ்ஜதி. ஸப்³பே³ஸம் சித்தஸ்ஸ ப⁴ங்க³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் வசீஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜதி.

(க²) யஸ்ஸ வா பன சித்தஸங்கா²ரோ நுப்பஜ்ஜதி தஸ்ஸ வசீஸங்கா²ரோ நுப்பஜ்ஜதீதி? ஆமந்தா.

(ங) பச்சனீகஓகாஸோ

26. (க) யத்த² காயஸங்கா²ரோ நுப்பஜ்ஜதி தத்த² வசீஸங்கா²ரோ நுப்பஜ்ஜதீதி?

ரூபாவசரே அரூபாவசரே தத்த² காயஸங்கா²ரோ நுப்பஜ்ஜதி, நோ ச தத்த² வசீஸங்கா²ரோ நுப்பஜ்ஜதி. சதுத்த²ஜ்ஜா²னே அஸஞ்ஞஸத்தே தத்த² காயஸங்கா²ரோ ச நுப்பஜ்ஜதி வசீஸங்கா²ரோ ச நுப்பஜ்ஜதி.

(க²) யத்த² வா பன வசீஸங்கா²ரோ நுப்பஜ்ஜதி தத்த² காயஸங்கா²ரோ நுப்பஜ்ஜதீதி?

து³தியஜ்ஜா²னே ததியஜ்ஜா²னே தத்த² வசீஸங்கா²ரோ நுப்பஜ்ஜதி, நோ ச தத்த² காயஸங்கா²ரோ நுப்பஜ்ஜதி. சதுத்த²ஜ்ஜா²னே அஸஞ்ஞஸத்தே தத்த² வசீஸங்கா²ரோ ச நுப்பஜ்ஜதி காயஸங்கா²ரோ ச நுப்பஜ்ஜதி.

(க) யத்த² காயஸங்கா²ரோ நுப்பஜ்ஜதி தத்த² சித்தஸங்கா²ரோ நுப்பஜ்ஜதீதி?

சதுத்த²ஜ்ஜா²னே ரூபாவசரே அரூபாவசரே தத்த² காயஸங்கா²ரோ நுப்பஜ்ஜதி, நோ ச தத்த² சித்தஸங்கா²ரோ நுப்பஜ்ஜதி. அஸஞ்ஞஸத்தே தத்த² காயஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜதி.

(க²) யத்த² வா பன…பே…? ஆமந்தா.

27. (க) யத்த² வசீஸங்கா²ரோ நுப்பஜ்ஜதி தத்த² சித்தஸங்கா²ரோ நுப்பஜ்ஜதீதி?

து³தியஜ்ஜா²னே ததியஜ்ஜா²னே சதுத்த²ஜ்ஜா²னே தத்த² வசீஸங்கா²ரோ நுப்பஜ்ஜதி, நோ ச தத்த² சித்தஸங்கா²ரோ நுப்பஜ்ஜதி. அஸஞ்ஞஸத்தே தத்த² வசீஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜதி.

(க²) யத்த² வா பன…பே…? ஆமந்தா.

(ச) பச்சனீகபுக்³க³லோகாஸா

28. (க) யஸ்ஸ யத்த² காயஸங்கா²ரோ நுப்பஜ்ஜதி தஸ்ஸ தத்த² வசீஸங்கா²ரோ நுப்பஜ்ஜதீதி?

வினா அஸ்ஸாஸபஸ்ஸாஸேஹி விதக்கவிசாரானம் உப்பாத³க்க²ணே தேஸம் தத்த² காயஸங்கா²ரோ நுப்பஜ்ஜதி, நோ ச தேஸம் தத்த² வசீஸங்கா²ரோ நுப்பஜ்ஜதி. ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி அவிதக்கஅவிசாரசித்தஸ்ஸ உப்பாத³க்க²ணே அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜதி வசீஸங்கா²ரோ ச நுப்பஜ்ஜதி.

(க²) யஸ்ஸ வா பன யத்த²…பே…? ஆமந்தா.

(யஸ்ஸகம்பி யஸ்ஸயத்த²கம்பி ஸதி³ஸம் வித்தா²ரேதப்³ப³ம், யஸ்ஸயத்த²கே நிரோத⁴ஸமாபன்னானந்தி ந லப்³ப⁴தி.)