(6) அதீதானாக³தவாரோ

(க) அனுலோமபுக்³க³லோ

158. (க) யஸ்ஸ காயஸங்கா²ரோ உப்பஜ்ஜித்த² தஸ்ஸ வசீஸங்கா²ரோ நிருஜ்ஜி²ஸ்ஸதீதி?

ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் காயஸங்கா²ரோ உப்பஜ்ஜித்த², நோ ச தேஸம் வசீஸங்கா²ரோ நிருஜ்ஜி²ஸ்ஸதி. இதரேஸம் தேஸம் காயஸங்கா²ரோ ச உப்பஜ்ஜித்த² வசீஸங்கா²ரோ ச நிருஜ்ஜி²ஸ்ஸதி.

(க²) யஸ்ஸ வா பன வசீஸங்கா²ரோ நிருஜ்ஜி²ஸ்ஸதி தஸ்ஸ காயஸங்கா²ரோ உப்பஜ்ஜித்தா²தி? ஆமந்தா.

(க) யஸ்ஸ காயஸங்கா²ரோ உப்பஜ்ஜித்த² தஸ்ஸ சித்தஸங்கா²ரோ நிருஜ்ஜி²ஸ்ஸதீதி?

பச்சி²மசித்தஸ்ஸ ப⁴ங்க³க்க²ணே தேஸம் காயஸங்கா²ரோ உப்பஜ்ஜித்த², நோ ச தேஸம் சித்தஸங்கா²ரோ நிருஜ்ஜி²ஸ்ஸதி. இதரேஸம் தேஸம் காயஸங்கா²ரோ ச உப்பஜ்ஜித்த² சித்தஸங்கா²ரோ ச நிருஜ்ஜி²ஸ்ஸதி.

(க²) யஸ்ஸ வா பன சித்தஸங்கா²ரோ நிருஜ்ஜி²ஸ்ஸதி தஸ்ஸ காயஸங்கா²ரோ உப்பஜ்ஜித்தா²தி? ஆமந்தா.

(யதா² நிரோத⁴வாரே அதீதானாக³தா புச்சா² அனுலோமம்பி பச்சனீகம்பி ஏவம் உப்பாத³னிரோத⁴வாரேபி அதீதானாக³தா புச்சா² அனுலோமம்பி பச்சனீகம்பி விப⁴ஜிதப்³ப³ம் அஸம்மோஹந்தேன நிரோத⁴வாரேன ஸதி³ஸம், நத்தி² நானாகரணம்.)

உப்பாத³னிரோத⁴வாரோ.