(3) அனாக³தவாரோ

(க) அனுலோமபுக்³க³லோ

137. (க) யஸ்ஸ காயஸங்கா²ரோ உப்பஜ்ஜிஸ்ஸதி தஸ்ஸ வசீஸங்கா²ரோ நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன வசீஸங்கா²ரோ நிருஜ்ஜி²ஸ்ஸதி தஸ்ஸ காயஸங்கா²ரோ உப்பஜ்ஜிஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் வசீஸங்கா²ரோ நிருஜ்ஜி²ஸ்ஸதி, நோ ச தேஸம் காயஸங்கா²ரோ உப்பஜ்ஜிஸ்ஸதி. இதரேஸம் தேஸம் வசீஸங்கா²ரோ ச நிருஜ்ஜி²ஸ்ஸதி காயஸங்கா²ரோ ச உப்பஜ்ஜிஸ்ஸதி.

(க) யஸ்ஸ காயஸங்கா²ரோ உப்பஜ்ஜிஸ்ஸதி தஸ்ஸ சித்தஸங்கா²ரோ நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன சித்தஸங்கா²ரோ நிருஜ்ஜி²ஸ்ஸதி தஸ்ஸ காயஸங்கா²ரோ உப்பஜ்ஜிஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் சித்தஸங்கா²ரோ நிருஜ்ஜி²ஸ்ஸதி, நோ ச தேஸம் காயஸங்கா²ரோ உப்பஜ்ஜிஸ்ஸதி. இதரேஸம் தேஸம் சித்தஸங்கா²ரோ ச நிருஜ்ஜி²ஸ்ஸதி காயஸங்கா²ரோ ச உப்பஜ்ஜிஸ்ஸதி.

138. (க) யஸ்ஸ வசீஸங்கா²ரோ உப்பஜ்ஜிஸ்ஸதி தஸ்ஸ சித்தஸங்கா²ரோ நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன சித்தஸங்கா²ரோ நிருஜ்ஜி²ஸ்ஸதி தஸ்ஸ வசீஸங்கா²ரோ உப்பஜ்ஜிஸ்ஸதீதி?

பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் சித்தஸங்கா²ரோ நிருஜ்ஜி²ஸ்ஸதி, நோ ச தேஸம் வசீஸங்கா²ரோ உப்பஜ்ஜிஸ்ஸதி. இதரேஸம் தேஸம் சித்தஸங்கா²ரோ ச நிருஜ்ஜி²ஸ்ஸதி வசீஸங்கா²ரோ ச உப்பஜ்ஜிஸ்ஸதி.

(க²) அனுலோமஓகாஸோ

139. யத்த² காயஸங்கா²ரோ உப்பஜ்ஜிஸ்ஸதி…பே….

(க³) அனுலோமபுக்³க³லோகாஸா

140. (க) யஸ்ஸ யத்த² காயஸங்கா²ரோ உப்பஜ்ஜிஸ்ஸதி தஸ்ஸ தத்த² வசீஸங்கா²ரோ நிருஜ்ஜி²ஸ்ஸதீதி?

து³தியஜ்ஜா²னம் ததியஜ்ஜா²னம் ஸமாபன்னானம் தேஸம் தத்த² காயஸங்கா²ரோ உப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ நிருஜ்ஜி²ஸ்ஸதி. பட²மஜ்ஜா²னம் ஸமாபன்னானம் காமாவசரானம் தேஸம் தத்த² காயஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச நிருஜ்ஜி²ஸ்ஸதி.

(க²) யஸ்ஸ வா பன யத்த² வசீஸங்கா²ரோ நிருஜ்ஜி²ஸ்ஸதி தஸ்ஸ தத்த² காயஸங்கா²ரோ உப்பஜ்ஜிஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரானம் அரூபாவசரானம் தேஸம் தத்த² வசீஸங்கா²ரோ நிருஜ்ஜி²ஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் இதரேஸம் காமாவசரானம் தேஸம் தத்த² வசீஸங்கா²ரோ ச நிருஜ்ஜி²ஸ்ஸதி காயஸங்கா²ரோ ச உப்பஜ்ஜிஸ்ஸதி.

(க) யஸ்ஸ யத்த² காயஸங்கா²ரோ உப்பஜ்ஜிஸ்ஸதி தஸ்ஸ தத்த² சித்தஸங்கா²ரோ நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன யத்த² சித்தஸங்கா²ரோ நிருஜ்ஜி²ஸ்ஸதி தஸ்ஸ தத்த² காயஸங்கா²ரோ உப்பஜ்ஜிஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் ரூபாவசரானம் அரூபாவசரானம் தேஸம் தத்த² சித்தஸங்கா²ரோ நிருஜ்ஜி²ஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜிஸ்ஸதி. பட²மஜ்ஜா²னம் து³தியஜ்ஜா²னம் ததியஜ்ஜா²னம் ஸமாபன்னானம் இதரேஸம் காமாவசரானம் தேஸம் தத்த² சித்தஸங்கா²ரோ ச நிருஜ்ஜி²ஸ்ஸதி காயஸங்கா²ரோ ச உப்பஜ்ஜிஸ்ஸதி.

141. (க) யஸ்ஸ யத்த² வசீஸங்கா²ரோ உப்பஜ்ஜிஸ்ஸதி தஸ்ஸ தத்த² சித்தஸங்கா²ரோ நிருஜ்ஜி²ஸ்ஸதீதி? ஆமந்தா.

(க²) யஸ்ஸ வா பன யத்த² சித்தஸங்கா²ரோ நிருஜ்ஜி²ஸ்ஸதி தஸ்ஸ தத்த² வசீஸங்கா²ரோ உப்பஜ்ஜிஸ்ஸதீதி?

பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் சதுத்த²ஜ்ஜா²னம் ஸமாபன்னானம் தேஸம் தத்த² சித்தஸங்கா²ரோ நிருஜ்ஜி²ஸ்ஸதி, நோ ச தேஸம் தத்த² வசீஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் காமாவசரானம் இதரேஸம் ரூபாவசரானம் அரூபாவசரானம் தேஸம் தத்த² சித்தஸங்கா²ரோ ச நிருஜ்ஜி²ஸ்ஸதி வசீஸங்கா²ரோ ச உப்பஜ்ஜிஸ்ஸதி.

(க⁴) பச்சனீகபுக்³க³லோ

142. (க) யஸ்ஸ காயஸங்கா²ரோ நுப்பஜ்ஜிஸ்ஸதி தஸ்ஸ வசீஸங்கா²ரோ ந நிருஜ்ஜி²ஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் காயஸங்கா²ரோ நுப்பஜ்ஜிஸ்ஸதி, நோ ச தேஸம் வசீஸங்கா²ரோ ந நிருஜ்ஜி²ஸ்ஸதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் காயஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன…பே…? ஆமந்தா.

(க) யஸ்ஸ காயஸங்கா²ரோ நுப்பஜ்ஜிஸ்ஸதி தஸ்ஸ சித்தஸங்கா²ரோ ந நிருஜ்ஜி²ஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் காயஸங்கா²ரோ நுப்பஜ்ஜிஸ்ஸதி, நோ ச தேஸம் சித்தஸங்கா²ரோ ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸம் காயஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன…பே…? ஆமந்தா.

143. (க) யஸ்ஸ வசீஸங்கா²ரோ நுப்பஜ்ஜிஸ்ஸதி தஸ்ஸ சித்தஸங்கா²ரோ ந நிருஜ்ஜி²ஸ்ஸதீதி?

பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் வசீஸங்கா²ரோ நுப்பஜ்ஜிஸ்ஸதி, நோ ச தேஸம் சித்தஸங்கா²ரோ ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே தேஸம் வசீஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன…பே…? ஆமந்தா.

(ங) பச்சனீகஓகாஸோ

144. யத்த² காயஸங்கா²ரோ நுப்பஜ்ஜிஸ்ஸதி…பே….

(ச) பச்சனீகபுக்³க³லோகாஸா

145. (க) யஸ்ஸ யத்த² காயஸங்கா²ரோ நுப்பஜ்ஜிஸ்ஸதி தஸ்ஸ தத்த² வசீஸங்கா²ரோ ந நிருஜ்ஜி²ஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரானம் அரூபாவசரானம் தேஸம் தத்த² காயஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ ந நிருஜ்ஜி²ஸ்ஸதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன யத்த² வசீஸங்கா²ரோ ந நிருஜ்ஜி²ஸ்ஸதி தஸ்ஸ தத்த² காயஸங்கா²ரோ நுப்பஜ்ஜிஸ்ஸதீதி?

து³தியஜ்ஜா²னம் ததியஜ்ஜா²னம் ஸமாபன்னானம் தேஸம் தத்த² வசீஸங்கா²ரோ ந நிருஜ்ஜி²ஸ்ஸதி, நோ ச தேஸம் தத்த² காயஸங்கா²ரோ நுப்பஜ்ஜிஸ்ஸதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² வசீஸங்கா²ரோ ச ந நிருஜ்ஜி²ஸ்ஸதி காயஸங்கா²ரோ ச நுப்பஜ்ஜிஸ்ஸதி.

(க) யஸ்ஸ யத்த² காயஸங்கா²ரோ நுப்பஜ்ஜிஸ்ஸதி தஸ்ஸ தத்த² சித்தஸங்கா²ரோ ந நிருஜ்ஜி²ஸ்ஸதீதி?

காமாவசரானம் பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் ரூபாவசரானம் அரூபாவசரானம் தேஸம் தத்த² காயஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² சித்தஸங்கா²ரோ ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன யத்த²…பே…? ஆமந்தா.

146. (க) யஸ்ஸ யத்த² வசீஸங்கா²ரோ நுப்பஜ்ஜிஸ்ஸதி தஸ்ஸ தத்த² சித்தஸங்கா²ரோ ந நிருஜ்ஜி²ஸ்ஸதீதி?

பச்சி²மசித்தஸ்ஸ உப்பாத³க்க²ணே யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் சதுத்த²ஜ்ஜா²னம் ஸமாபன்னானம் தேஸம் தத்த² வசீஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² சித்தஸங்கா²ரோ ந நிருஜ்ஜி²ஸ்ஸதி. பச்சி²மசித்தஸ்ஸ ப⁴ங்க³க்க²ணே அஸஞ்ஞஸத்தானம் தேஸம் தத்த² வசீஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச ந நிருஜ்ஜி²ஸ்ஸதி.

(க²) யஸ்ஸ வா பன யத்த²…பே…? ஆமந்தா.