(5) பச்சுப்பன்னானாக³தவாரோ

(க) அனுலோமபுக்³க³லோ

59. (க) யஸ்ஸ காயஸங்கா²ரோ உப்பஜ்ஜதி தஸ்ஸ வசீஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன வசீஸங்கா²ரோ உப்பஜ்ஜிஸ்ஸதி தஸ்ஸ காயஸங்கா²ரோ உப்பஜ்ஜதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் வசீஸங்கா²ரோ உப்பஜ்ஜிஸ்ஸதி, நோ ச தேஸம் காயஸங்கா²ரோ உப்பஜ்ஜதி. அஸ்ஸாஸபஸ்ஸாஸானம் உப்பாத³க்க²ணே தேஸம் வசீஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜதி.

(க) யஸ்ஸ காயஸங்கா²ரோ உப்பஜ்ஜதி தஸ்ஸ சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன சித்தஸங்கா²ரோ உப்பஜ்ஜிஸ்ஸதி தஸ்ஸ காயஸங்கா²ரோ உப்பஜ்ஜதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தஸங்கா²ரோ உப்பஜ்ஜிஸ்ஸதி, நோ ச தேஸம் காயஸங்கா²ரோ உப்பஜ்ஜதி. அஸ்ஸாஸபஸ்ஸாஸானம் உப்பாத³க்க²ணே தேஸம் சித்தஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜதி.

60. (க) யஸ்ஸ வசீஸங்கா²ரோ உப்பஜ்ஜதி தஸ்ஸ சித்தஸங்கா²ரோ உப்பஜ்ஜிஸ்ஸதீதி?

ஸவிதக்கஸவிசாரபச்சி²மசித்தஸ்ஸ உப்பாத³க்க²ணே தேஸம் வசீஸங்கா²ரோ உப்பஜ்ஜதி, நோ ச தேஸம் சித்தஸங்கா²ரோ உப்பஜ்ஜிஸ்ஸதி. இதரேஸம் விதக்கவிசாரானம் உப்பாத³க்க²ணே தேஸம் வசீஸங்கா²ரோ ச உப்பஜ்ஜதி சித்தஸங்கா²ரோ ச உப்பஜ்ஜிஸ்ஸதி.

(க²) யஸ்ஸ வா பன சித்தஸங்கா²ரோ உப்பஜ்ஜிஸ்ஸதி தஸ்ஸ வசீஸங்கா²ரோ உப்பஜ்ஜதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா விதக்கவிசாரேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் சித்தஸங்கா²ரோ உப்பஜ்ஜிஸ்ஸதி, நோ ச தேஸம் வசீஸங்கா²ரோ உப்பஜ்ஜதி. விதக்கவிசாரானம் உப்பாத³க்க²ணே தேஸம் சித்தஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச உப்பஜ்ஜதி.

(க²) அனுலோமஓகாஸோ

61. யத்த² காயஸங்கா²ரோ உப்பஜ்ஜதி…பே….

(க³) அனுலோமபுக்³க³லோகாஸா

62. (க) யஸ்ஸ யத்த² காயஸங்கா²ரோ உப்பஜ்ஜதி தஸ்ஸ தத்த² வசீஸங்கா²ரோ உப்பஜ்ஜிஸ்ஸதீதி?

து³தியஜ்ஜா²னம் ததியஜ்ஜா²னம் ஸமாபன்னானம் அஸ்ஸாஸபஸ்ஸாஸானம் உப்பாத³க்க²ணே தேஸம் தத்த² காயஸங்கா²ரோ உப்பஜ்ஜதி, நோ ச தேஸம் தத்த² வசீஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் உப்பாத³க்க²ணே தேஸம் தத்த² காயஸங்கா²ரோ ச உப்பஜ்ஜதி வசீஸங்கா²ரோ ச உப்பஜ்ஜிஸ்ஸதி.

(க²) யஸ்ஸ வா பன யத்த² வசீஸங்கா²ரோ உப்பஜ்ஜிஸ்ஸதி தஸ்ஸ தத்த² காயஸங்கா²ரோ உப்பஜ்ஜதீதி?

பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் ப⁴ங்க³க்க²ணே தேஸம்யேவ வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே ரூபாவசரானம் அரூபாவசரானம் தேஸம் தத்த² வசீஸங்கா²ரோ உப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜதி. பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் உப்பாத³க்க²ணே தேஸம் தத்த² வசீஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜதி.

(க) யஸ்ஸ யத்த² காயஸங்கா²ரோ உப்பஜ்ஜதி தஸ்ஸ தத்த² சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன யத்த² சித்தஸங்கா²ரோ உப்பஜ்ஜிஸ்ஸதி தஸ்ஸ தத்த² காயஸங்கா²ரோ உப்பஜ்ஜதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே தேஸம் தத்த² சித்தஸங்கா²ரோ உப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜதி. அஸ்ஸாஸபஸ்ஸாஸானம் உப்பாத³க்க²ணே தேஸம் தத்த² சித்தஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜதி.

63. (க) யஸ்ஸ யத்த² வசீஸங்கா²ரோ உப்பஜ்ஜதி தஸ்ஸ தத்த² சித்தஸங்கா²ரோ உப்பஜ்ஜிஸ்ஸதீதி?

ஸவிதக்கஸவிசாரபச்சி²மசித்தஸ்ஸ உப்பாத³க்க²ணே தேஸம் தத்த² வசீஸங்கா²ரோ உப்பஜ்ஜதி, நோ ச தேஸம் தத்த² சித்தஸங்கா²ரோ உப்பஜ்ஜிஸ்ஸதி. இதரேஸம் விதக்கவிசாரானம் உப்பாத³க்க²ணே தேஸம் தத்த² வசீஸங்கா²ரோ ச உப்பஜ்ஜதி சித்தஸங்கா²ரோ ச உப்பஜ்ஜிஸ்ஸதி.

(க²) யஸ்ஸ வா பன யத்த² சித்தஸங்கா²ரோ உப்பஜ்ஜிஸ்ஸதி தஸ்ஸ தத்த² வசீஸங்கா²ரோ உப்பஜ்ஜதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா விதக்கவிசாரேஹி சித்தஸ்ஸ உப்பாத³க்க²ணே தேஸம் தத்த² சித்தஸங்கா²ரோ உப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ உப்பஜ்ஜதி. விதக்கவிசாரானம் உப்பாத³க்க²ணே தேஸம் தத்த² சித்தஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச உப்பஜ்ஜதி.

(க⁴) பச்சனீகபுக்³க³லோ

64. (க) யஸ்ஸ காயஸங்கா²ரோ நுப்பஜ்ஜதி தஸ்ஸ வசீஸங்கா²ரோ நுப்பஜ்ஜிஸ்ஸதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் காயஸங்கா²ரோ நுப்பஜ்ஜதி, நோ ச தேஸம் வசீஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் காயஸங்கா²ரோ ச நுப்பஜ்ஜதி வசீஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன வசீஸங்கா²ரோ நுப்பஜ்ஜிஸ்ஸதி தஸ்ஸ காயஸங்கா²ரோ நுப்பஜ்ஜதீதி? ஆமந்தா.

(க) யஸ்ஸ காயஸங்கா²ரோ நுப்பஜ்ஜதி தஸ்ஸ சித்தஸங்கா²ரோ நுப்பஜ்ஜிஸ்ஸதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் காயஸங்கா²ரோ நுப்பஜ்ஜதி, நோ ச தேஸம் சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் தேஸம் காயஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன…பே…? ஆமந்தா.

65. (க) யஸ்ஸ வசீஸங்கா²ரோ நுப்பஜ்ஜதி தஸ்ஸ சித்தஸங்கா²ரோ நுப்பஜ்ஜிஸ்ஸதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா விதக்கவிசாரேஹி சித்தஸ்ஸ உப்பாத³க்க²ணே நிரோத⁴ஸமாபன்னானம் அஸஞ்ஞஸத்தானம் தேஸம் வசீஸங்கா²ரோ நுப்பஜ்ஜதி, நோ ச தேஸம் சித்தஸங்கா²ரோ நுப்பஜ்ஜிஸ்ஸதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் தேஸம் வசீஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன சித்தஸங்கா²ரோ நுப்பஜ்ஜிஸ்ஸதி தஸ்ஸ வசீஸங்கா²ரோ நுப்பஜ்ஜதீதி?

ஸவிதக்கஸவிசாரபச்சி²மசித்தஸ்ஸ உப்பாத³க்க²ணே தேஸம் சித்தஸங்கா²ரோ நுப்பஜ்ஜிஸ்ஸதி, நோ ச தேஸம் வசீஸங்கா²ரோ நுப்பஜ்ஜதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் தேஸம் சித்தஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச நுப்பஜ்ஜதி.

4. (ங) பச்சனீகஓகாஸோ

66. யத்த² காயஸங்கா²ரோ நுப்பஜ்ஜதி…பே….

(ச) பச்சனீகபுக்³க³லோகாஸா

67. (க) யஸ்ஸ யத்த² காயஸங்கா²ரோ நுப்பஜ்ஜதி தஸ்ஸ தத்த² வசீஸங்கா²ரோ நுப்பஜ்ஜிஸ்ஸதீதி?

பட²மஜ்ஜா²னம் ஸமாபன்னானம் காமாவசரானம் அஸ்ஸாஸபஸ்ஸாஸானம் ப⁴ங்க³க்க²ணே தேஸம்யேவ வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே ரூபாவசரானம் அரூபாவசரானம் தேஸம் தத்த² காயஸங்கா²ரோ நுப்பஜ்ஜதி, நோ ச தேஸம் தத்த² வசீஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் ஸமாபன்னானம் அஸ்ஸாஸபஸ்ஸாஸானம் ப⁴ங்க³க்க²ணே தேஸம்யேவ வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜதி வசீஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த² வசீஸங்கா²ரோ நுப்பஜ்ஜிஸ்ஸதி தஸ்ஸ தத்த² காயஸங்கா²ரோ நுப்பஜ்ஜதீதி?

து³தியஜ்ஜா²னம் ததியஜ்ஜா²னம் ஸமாபன்னானம் அஸ்ஸாஸபஸ்ஸாஸானம் உப்பாத³க்க²ணே தேஸம் தத்த² வசீஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ நுப்பஜ்ஜதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் ஸமாபன்னானம் அஸ்ஸாஸபஸ்ஸாஸானம் ப⁴ங்க³க்க²ணே தேஸம்யேவ வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² வசீஸங்கா²ரோ ச நுப்பஜ்ஜிஸ்ஸதி காயஸங்கா²ரோ ச நுப்பஜ்ஜதி.

(க) யஸ்ஸ யத்த² காயஸங்கா²ரோ நுப்பஜ்ஜதி தஸ்ஸ தத்த² சித்தஸங்கா²ரோ நுப்பஜ்ஜிஸ்ஸதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி சித்தஸ்ஸ உப்பாத³க்க²ணே தேஸம் தத்த² காயஸங்கா²ரோ நுப்பஜ்ஜதி, நோ ச தேஸம் தத்த² சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த² சித்தஸங்கா²ரோ நுப்பஜ்ஜிஸ்ஸதி தஸ்ஸ தத்த² காயஸங்கா²ரோ நுப்பஜ்ஜதீதி? ஆமந்தா.

68. (க) யஸ்ஸ யத்த² வசீஸங்கா²ரோ நுப்பஜ்ஜதி தஸ்ஸ தத்த² சித்தஸங்கா²ரோ நுப்பஜ்ஜிஸ்ஸதீதி?

ஸப்³பே³ஸம் சித்தஸ்ஸ ப⁴ங்க³க்க²ணே வினா விதக்கவிசாரேஹி சித்தஸ்ஸ உப்பாத³க்க²ணே தேஸம் தத்த² வசீஸங்கா²ரோ நுப்பஜ்ஜதி, நோ ச தேஸம் தத்த² சித்தஸங்கா²ரோ நுப்பஜ்ஜிஸ்ஸதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் அஸஞ்ஞஸத்தானம் தேஸம் தத்த² வசீஸங்கா²ரோ ச நுப்பஜ்ஜதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த² சித்தஸங்கா²ரோ நுப்பஜ்ஜிஸ்ஸதி தஸ்ஸ தத்த² வசீஸங்கா²ரோ நுப்பஜ்ஜதீதி?

ஸவிதக்கஸவிசாரபச்சி²மசித்தஸ்ஸ உப்பாத³க்க²ணே தேஸம் தத்த² சித்தஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ நுப்பஜ்ஜதி. ஸவிதக்கஸவிசாரபச்சி²மசித்தஸ்ஸ ப⁴ங்க³க்க²ணே அவிதக்கஅவிசாரபச்சி²மசித்தஸமங்கீ³னம் அஸஞ்ஞஸத்தானம் தேஸம் தத்த² சித்தஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச நுப்பஜ்ஜதி.