(3) அனாக³தவாரோ

(க) அனுலோமபுக்³க³லோ

39. (க) யஸ்ஸ காயஸங்கா²ரோ உப்பஜ்ஜிஸ்ஸதி தஸ்ஸ வசீஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன வசீஸங்கா²ரோ உப்பஜ்ஜிஸ்ஸதி தஸ்ஸ காயஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் வசீஸங்கா²ரோ உப்பஜ்ஜிஸ்ஸதி, நோ ச தேஸம் காயஸங்கா²ரோ உப்பஜ்ஜிஸ்ஸதி. இதரேஸம் தேஸம் வசீஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜிஸ்ஸதி.

(க) யஸ்ஸ காயஸங்கா²ரோ உப்பஜ்ஜிஸ்ஸதி தஸ்ஸ சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன சித்தஸங்கா²ரோ உப்பஜ்ஜிஸ்ஸதி தஸ்ஸ காயஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் சித்தஸங்கா²ரோ உப்பஜ்ஜிஸ்ஸதி, நோ ச தேஸம் காயஸங்கா²ரோ உப்பஜ்ஜிஸ்ஸதி. இதரேஸம் தேஸம் சித்தஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜிஸ்ஸதி.

40. (க) யஸ்ஸ வசீஸங்கா²ரோ உப்பஜ்ஜிஸ்ஸதி தஸ்ஸ சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன சித்தஸங்கா²ரோ உப்பஜ்ஜிஸ்ஸதி தஸ்ஸ வசீஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் சித்தஸங்கா²ரோ உப்பஜ்ஜிஸ்ஸதி, நோ ச தேஸம் வசீஸங்கா²ரோ உப்பஜ்ஜிஸ்ஸதி. இதரேஸம் தேஸம் சித்தஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச உப்பஜ்ஜிஸ்ஸதி.

(க²) அனுலோமஓகாஸோ

41. யத்த² காயஸங்கா²ரோ உப்பஜ்ஜிஸ்ஸதி…பே….

(க³) அனுலோமபுக்³க³லோகாஸா

42. (க) யஸ்ஸ யத்த² காயஸங்கா²ரோ உப்பஜ்ஜிஸ்ஸதி தஸ்ஸ தத்த² வசீஸங்கா²ரோ உப்பஜ்ஜிஸ்ஸதீதி?

து³தியஜ்ஜா²னம் ததியஜ்ஜா²னம் ஸமாபன்னானம் தேஸம் தத்த² காயஸங்கா²ரோ உப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் காமாவசரானம் தேஸம் தத்த² காயஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச உப்பஜ்ஜிஸ்ஸதி.

(க²) யஸ்ஸ வா பன யத்த² வசீஸங்கா²ரோ உப்பஜ்ஜிஸ்ஸதி தஸ்ஸ தத்த² காயஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரானம் அரூபாவசரானம் தேஸம் தத்த² வசீஸங்கா²ரோ உப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் இதரேஸம் காமாவசரானம் தேஸம் தத்த² வசீஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜிஸ்ஸதி.

(க) யஸ்ஸ யத்த² காயஸங்கா²ரோ உப்பஜ்ஜிஸ்ஸதி தஸ்ஸ தத்த² சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன யத்த² சித்தஸங்கா²ரோ உப்பஜ்ஜிஸ்ஸதி தஸ்ஸ தத்த² காயஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் ரூபாவசரானம் அரூபாவசரானம் தேஸம் தத்த² சித்தஸங்கா²ரோ உப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ உப்பஜ்ஜிஸ்ஸதி. பட²மஜ்ஜா²னம் து³தியஜ்ஜா²னம் ததியஜ்ஜா²னம் ஸமாபன்னானம் இதரேஸம் காமாவசரானம் தேஸம் தத்த² சித்தஸங்கா²ரோ ச உப்பஜ்ஜிஸ்ஸதி காயஸங்கா²ரோ ச உப்பஜ்ஜிஸ்ஸதி.

43. (க) யஸ்ஸ யத்த² வசீஸங்கா²ரோ உப்பஜ்ஜிஸ்ஸதி தஸ்ஸ தத்த² சித்தஸங்கா²ரோ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன யத்த² சித்தஸங்கா²ரோ உப்பஜ்ஜிஸ்ஸதி தஸ்ஸ தத்த² வசீஸங்கா²ரோ உப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் சதுத்த²ஜ்ஜா²னம் ஸமாபன்னானம் தேஸம் தத்த² சித்தஸங்கா²ரோ உப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ உப்பஜ்ஜிஸ்ஸதி. பட²மஜ்ஜா²னம் ஸமாபன்னானம் காமாவசரானம் இதரேஸம் ரூபாவசரானம் அரூபாவசரானம் தேஸம் தத்த² சித்தஸங்கா²ரோ ச உப்பஜ்ஜிஸ்ஸதி வசீஸங்கா²ரோ ச உப்பஜ்ஜிஸ்ஸதி.

(க⁴) பச்சனீகபுக்³க³லோ

44. (க) யஸ்ஸ காயஸங்கா²ரோ நுப்பஜ்ஜிஸ்ஸதி தஸ்ஸ வசீஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் காயஸங்கா²ரோ நுப்பஜ்ஜிஸ்ஸதி, நோ ச தேஸம் வசீஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் காயஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன…பே…? ஆமந்தா.

(க) யஸ்ஸ காயஸங்கா²ரோ நுப்பஜ்ஜிஸ்ஸதி தஸ்ஸ சித்தஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரே அரூபாவசரே பச்சி²மப⁴விகானம் யே ச ரூபாவசரம் அரூபாவசரம் உபபஜ்ஜித்வா பரினிப்³பா³யிஸ்ஸந்தி தேஸம் சவந்தானம் தேஸம் காயஸங்கா²ரோ நுப்பஜ்ஜிஸ்ஸதி, நோ ச தேஸம் சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் தேஸம் காயஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன சித்தஸங்கா²ரோ…பே…? ஆமந்தா.

45. (க) யஸ்ஸ வசீஸங்கா²ரோ நுப்பஜ்ஜிஸ்ஸதி தஸ்ஸ சித்தஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி தேஸம் வசீஸங்கா²ரோ நுப்பஜ்ஜிஸ்ஸதி, நோ ச தேஸம் சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் தேஸம் வசீஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன…பே…? ஆமந்தா.

(ங) பச்சனீகஓகாஸோ

46. யத்த² காயஸங்கா²ரோ நுப்பஜ்ஜிஸ்ஸதி…பே….

(ச) பச்சனீகபுக்³க³லோகாஸா

47. (க) யஸ்ஸ யத்த² காயஸங்கா²ரோ நுப்பஜ்ஜிஸ்ஸதி தஸ்ஸ தத்த² வசீஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி ரூபாவசரானம் அரூபாவசரானம் தேஸம் தத்த² காயஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² வசீஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜிஸ்ஸதி வசீஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த² வசீஸங்கா²ரோ நுப்பஜ்ஜிஸ்ஸதி தஸ்ஸ தத்த² காயஸங்கா²ரோ நுப்பஜ்ஜிஸ்ஸதீதி?

து³தியஜ்ஜா²னம் ததியஜ்ஜா²னம் ஸமாபன்னானம் தேஸம் தத்த² வசீஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² காயஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் அஸஞ்ஞஸத்தானம் தேஸம் தத்த² வசீஸங்கா²ரோ ச நுப்பஜ்ஜிஸ்ஸதி காயஸங்கா²ரோ ச நுப்பஜ்ஜிஸ்ஸதி.

(க) யஸ்ஸ யத்த² காயஸங்கா²ரோ நுப்பஜ்ஜிஸ்ஸதி தஸ்ஸ தத்த² சித்தஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா காமாவசரானம் பச்சி²மசித்தம் உப்பஜ்ஜிஸ்ஸதி சதுத்த²ஜ்ஜா²னம் ஸமாபன்னானம் ரூபாவசரானம் அரூபாவசரானம் தேஸம் தத்த² காயஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் அஸஞ்ஞஸத்தானம் தேஸம் தத்த² காயஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த²…பே…? ஆமந்தா.

48. (க) யஸ்ஸ யத்த² வசீஸங்கா²ரோ நுப்பஜ்ஜிஸ்ஸதி தஸ்ஸ தத்த² சித்தஸங்கா²ரோ நுப்பஜ்ஜிஸ்ஸதீதி?

யஸ்ஸ சித்தஸ்ஸ அனந்தரா அவிதக்கஅவிசாரம் பச்சி²மசித்தம் உப்பஜ்ஜிஸ்ஸதி து³தியஜ்ஜா²னம் ததியஜ்ஜா²னம் சதுத்த²ஜ்ஜா²னம் ஸமாபன்னானம் தேஸம் தத்த² வசீஸங்கா²ரோ நுப்பஜ்ஜிஸ்ஸதி, நோ ச தேஸம் தத்த² சித்தஸங்கா²ரோ நுப்பஜ்ஜிஸ்ஸதி. பச்சி²மசித்தஸமங்கீ³னம் அஸஞ்ஞஸத்தானம் தேஸம் தத்த² வசீஸங்கா²ரோ ச நுப்பஜ்ஜிஸ்ஸதி சித்தஸங்கா²ரோ ச நுப்பஜ்ஜிஸ்ஸதி.

(க²) யஸ்ஸ வா பன யத்த²…பே…? ஆமந்தா.