(2) அதீதவாரோ

(க) அனுலோமபுக்³க³லோ

110. (க) யஸ்ஸ ரூபக்க²ந்தோ⁴ நிருஜ்ஜி²த்த² தஸ்ஸ வேத³னாக்க²ந்தோ⁴ நிருஜ்ஜி²த்தா²தி? ஆமந்தா.

(க²) யஸ்ஸ வா பன வேத³னாக்க²ந்தோ⁴ நிருஜ்ஜி²த்த² தஸ்ஸ ரூபக்க²ந்தோ⁴ நிருஜ்ஜி²த்தா²தி? ஆமந்தா.

(க²) அனுலோமஓகாஸோ

111. (க) யத்த² ரூபக்க²ந்தோ⁴ நிருஜ்ஜி²த்த² தத்த² வேத³னாக்க²ந்தோ⁴ நிருஜ்ஜி²த்தா²தி?

அஸஞ்ஞஸத்தே தத்த² ரூபக்க²ந்தோ⁴ நிருஜ்ஜ²த்த², நோ ச தத்த² வேத³னாக்க²ந்தோ⁴ நிருஜ்ஜி²த்த². பஞ்சவோகாரே தத்த² ரூபக்க²ந்தோ⁴ ச நிருஜ்ஜி²த்த² வேத³னாக்க²ந்தோ⁴ ச நிருஜ்ஜி²த்த².

(க²) யத்த² வா பன வேத³னாக்க²ந்தோ⁴ நிருஜ்ஜி²த்த² தத்த² ரூபக்க²ந்தோ⁴ நிருஜ்ஜி²த்தா²தி?

அரூபே தத்த² வேத³னாக்க²ந்தோ⁴ நிருஜ்ஜி²த்த², நோ ச தத்த² ரூபக்க²ந்தோ⁴ நிருஜ்ஜி²த்த². பஞ்சவோகாரே தத்த² வேத³னாக்க²ந்தோ⁴ ச நிருஜ்ஜி²த்த² ரூபக்க²ந்தோ⁴ ச நிருஜ்ஜி²த்த².

(க³) அனுலோமபுக்³க³லோகாஸா

112. (க) யஸ்ஸ யத்த² ரூபக்க²ந்தோ⁴ நிருஜ்ஜி²த்த² தஸ்ஸ தத்த² வேத³னாக்க²ந்தோ⁴ நிருஜ்ஜி²த்தா²தி?

அஸஞ்ஞஸத்தானம் தேஸம் தத்த² ரூபக்க²ந்தோ⁴ நிருஜ்ஜி²த்த², நோ ச தேஸம் தத்த² வேத³னாக்க²ந்தோ⁴ நிருஜ்ஜி²த்த². பஞ்சவோகாரானம் தேஸம் தத்த² ரூபக்க²ந்தோ⁴ ச நிருஜ்ஜி²த்த² வேத³னாக்க²ந்தோ⁴ ச நிருஜ்ஜி²த்த².

(க²) யஸ்ஸ வா பன யத்த² வேத³னாக்க²ந்தோ⁴ நிருஜ்ஜி²த்த² தஸ்ஸ தத்த² ரூபக்க²ந்தோ⁴ நிருஜ்ஜி²த்தா²தி?

அரூபானம் தேஸம் தத்த² வேத³னாக்க²ந்தோ⁴ நிருஜ்ஜி²த்த², நோ ச தேஸம் தத்த² ரூபக்க²ந்தோ⁴ நிருஜ்ஜி²த்த². பஞ்சவோகாரானம் தேஸம் தத்த² வேத³னாக்க²ந்தோ⁴ ச நிருஜ்ஜி²த்த² ரூபக்க²ந்தோ⁴ ச நிருஜ்ஜி²த்த².

(க⁴) பச்சனீகபுக்³க³லோ

113. (க) யஸ்ஸ ரூபக்க²ந்தோ⁴ ந நிருஜ்ஜி²த்த² தஸ்ஸ வேத³னாக்க²ந்தோ⁴ ந நிருஜ்ஜி²த்தா²தி? நத்தி².

(க²) யஸ்ஸ வா பன வேத³னாக்க²ந்தோ⁴ ந நிருஜ்ஜி²த்த² தஸ்ஸ ரூபக்க²ந்தோ⁴ ந நிருஜ்ஜி²த்தா²தி? நத்தி².

(ங) பச்சனீகஓகாஸோ

114. (க) யத்த² ரூபக்க²ந்தோ⁴ ந நிருஜ்ஜி²த்த² தத்த² வேத³னாக்க²ந்தோ⁴ ந நிருஜ்ஜி²த்தா²தி? நிருஜ்ஜி²த்த².

(க²) யத்த² வா பன வேத³னாக்க²ந்தோ⁴ ந நிருஜ்ஜி²த்த² தத்த² ரூபக்க²ந்தோ⁴ ந நிருஜ்ஜி²த்தா²தி? நிருஜ்ஜி²த்த².

(ச) பச்சனீகபுக்³க³லோகாஸா

115. (க) யஸ்ஸ யத்த² ரூபக்க²ந்தோ⁴ ந நிருஜ்ஜி²த்த² தஸ்ஸ தத்த² வேத³னாக்க²ந்தோ⁴ ந நிருஜ்ஜி²த்தா²தி?

அரூபானம் தேஸம் தத்த² ரூபக்க²ந்தோ⁴ ந நிருஜ்ஜி²த்த², நோ ச தேஸம் தத்த² வேத³னாக்க²ந்தோ⁴ ந நிருஜ்ஜி²த்த². ஸுத்³தா⁴வாஸானம் தேஸம் தத்த² ரூபக்க²ந்தோ⁴ ச ந நிருஜ்ஜி²த்த² வேத³னாக்க²ந்தோ⁴ ச ந நிருஜ்ஜி²த்த².

(க²) யஸ்ஸ வா பன யத்த² வேத³னாக்க²ந்தோ⁴ ந நிருஜ்ஜி²த்த² தஸ்ஸ தத்த² ரூபக்க²ந்தோ⁴ ந நிருஜ்ஜி²த்தா²தி?

அஸஞ்ஞஸத்தானம் தேஸம் தத்த² வேத³னாக்க²ந்தோ⁴ ந நிருஜ்ஜி²த்த², நோ ச தேஸம் தத்த² ரூபக்க²ந்தோ⁴ ந நிருஜ்ஜி²த்த². ஸுத்³தா⁴வாஸானம் தேஸம் தத்த² வேத³னாக்க²ந்தோ⁴ ச ந நிருஜ்ஜி²த்த² ரூபக்க²ந்தோ⁴ ச ந நிருஜ்ஜி²த்த².