(6) அதீதானாக³தவாரோ

(க) அனுலோமபுக்³க³லோ

92. (க) யஸ்ஸ ரூபக்க²ந்தோ⁴ உப்பஜ்ஜித்த² தஸ்ஸ வேத³னாக்க²ந்தோ⁴ உப்பஜ்ஜிஸ்ஸதீதி?

பச்சி²மப⁴விகானம் தேஸம் ரூபக்க²ந்தோ⁴ உப்பஜ்ஜித்த², நோ ச தேஸம் வேத³னாக்க²ந்தோ⁴ உப்பஜ்ஜிஸ்ஸதி. இதரேஸம் தேஸம் ரூபக்க²ந்தோ⁴ ச உப்பஜ்ஜித்த² வேத³னாக்க²ந்தோ⁴ ச உப்பஜ்ஜிஸ்ஸதி.

(க²) யஸ்ஸ வா பன வேத³னாக்க²ந்தோ⁴ உப்பஜ்ஜிஸ்ஸதி தஸ்ஸ ரூபக்க²ந்தோ⁴ உப்பஜ்ஜித்தா²தி? ஆமந்தா.

93. (க) யஸ்ஸ வேத³னாக்க²ந்தோ⁴ உப்பஜ்ஜித்த² தஸ்ஸ ஸஞ்ஞாக்க²ந்தோ⁴ உப்பஜ்ஜிஸ்ஸதீதி?

பச்சி²மப⁴விகானம் தேஸம் வேத³னாக்க²ந்தோ⁴ உப்பஜ்ஜித்த², நோ ச தேஸம் ஸஞ்ஞாக்க²ந்தோ⁴ உப்பஜ்ஜிஸ்ஸதி. இதரேஸம் தேஸம் வேத³னாக்க²ந்தோ⁴ ச உப்பஜ்ஜித்த² ஸஞ்ஞாக்க²ந்தோ⁴ ச உப்பஜ்ஜிஸ்ஸதி.

(க²) யஸ்ஸ வா பன ஸஞ்ஞாக்க²ந்தோ⁴ உப்பஜ்ஜிஸ்ஸதி தஸ்ஸ வேத³னாக்க²ந்தோ⁴ உப்பஜ்ஜித்தா²தி? ஆமந்தா.

(க²) அனுலோமஓகாஸோ

94. (க) யத்த² ரூபக்க²ந்தோ⁴ உப்பஜ்ஜித்த² தத்த² வேத³னாக்க²ந்தோ⁴ உப்பஜ்ஜிஸ்ஸதீதி?

அஸஞ்ஞஸத்தே தத்த² ரூபக்க²ந்தோ⁴ உப்பஜ்ஜித்த², நோ ச தத்த² வேத³னாக்க²ந்தோ⁴ உப்பஜ்ஜிஸ்ஸதி. பஞ்சவோகாரே தத்த² ரூபக்க²ந்தோ⁴ ச உப்பஜ்ஜித்த² வேத³னாக்க²ந்தோ⁴ ச உப்பஜ்ஜிஸ்ஸதி.

(க²) யத்த² வா பன வேத³னாக்க²ந்தோ⁴ உப்பஜ்ஜிஸ்ஸதி தத்த² ரூபக்க²ந்தோ⁴ உப்பஜ்ஜித்தா²தி?

அரூபே தத்த² வேத³னாக்க²ந்தோ⁴ உப்பஜ்ஜிஸ்ஸதி, நோ ச தத்த² ரூபக்க²ந்தோ⁴ உப்பஜ்ஜித்த². பஞ்சவோகாரே தத்த² வேத³னாக்க²ந்தோ⁴ ச உப்பஜ்ஜிஸ்ஸதி ரூபக்க²ந்தோ⁴ ச உப்பஜ்ஜித்த².

95. (க) யத்த² வேத³னாக்க²ந்தோ⁴ உப்பஜ்ஜித்த² தத்த² ஸஞ்ஞாக்க²ந்தோ⁴ உப்பஜ்ஜிஸ்ஸதீதி? ஆமந்தா.

(க²) யத்த² வா பன ஸஞ்ஞாக்க²ந்தோ⁴ உப்பஜ்ஜிஸ்ஸதி தத்த² வேத³னாக்க²ந்தோ⁴ உப்பஜ்ஜித்தா²தி? ஆமந்தா.

(க³) அனுலோமபுக்³க³லோகாஸா

96. (க) யஸ்ஸ யத்த² ரூபக்க²ந்தோ⁴ உப்பஜ்ஜித்த² தஸ்ஸ தத்த² வேத³னாக்க²ந்தோ⁴ உப்பஜ்ஜிஸ்ஸதீதி?

பஞ்சவோகாரே பச்சி²மப⁴விகானம் அஸஞ்ஞஸத்தானம் தேஸம் தத்த² ரூபக்க²ந்தோ⁴ உப்பஜ்ஜித்த², நோ ச தேஸம் தத்த² வேத³னாக்க²ந்தோ⁴ உப்பஜ்ஜிஸ்ஸதி. இதரேஸம் பஞ்சவோகாரானம் தேஸம் தத்த² ரூபக்க²ந்தோ⁴ ச உப்பஜ்ஜித்த² வேத³னாக்க²ந்தோ⁴ ச உப்பஜ்ஜிஸ்ஸதி.

(க²) யஸ்ஸ வா பன யத்த² வேத³னாக்க²ந்தோ⁴ உப்பஜ்ஜிஸ்ஸதி தஸ்ஸ தத்த² ரூபக்க²ந்தோ⁴ உப்பஜ்ஜித்தா²தி?

அரூபானம் தேஸம் தத்த² வேத³னாக்க²ந்தோ⁴ உப்பஜ்ஜிஸ்ஸதி, நோ ச தேஸம் தத்த² ரூபக்க²ந்தோ⁴ உப்பஜ்ஜித்த². பஞ்சவோகாரானம் தேஸம் தத்த² வேத³னாக்க²ந்தோ⁴ ச உப்பஜ்ஜிஸ்ஸதி ரூபக்க²ந்தோ⁴ ச உப்பஜ்ஜித்த².

97. (க) யஸ்ஸ யத்த² வேத³னாக்க²ந்தோ⁴ உப்பஜ்ஜித்த² தஸ்ஸ தத்த² ஸஞ்ஞாக்க²ந்தோ⁴ உப்பஜ்ஜிஸ்ஸதீதி?

பச்சி²மப⁴விகானம் தேஸம் தத்த² வேத³னாக்க²ந்தோ⁴ உப்பஜ்ஜித்த², நோ ச தேஸம் தத்த² ஸஞ்ஞாக்க²ந்தோ⁴ உப்பஜ்ஜிஸ்ஸதி. இதரேஸம் சதுவோகாரானம் பஞ்சவோகாரானம் தேஸம் தத்த² வேத³னாக்க²ந்தோ⁴ ச உப்பஜ்ஜித்த² ஸஞ்ஞாக்க²ந்தோ⁴ ச உப்பஜ்ஜிஸ்ஸதி.

(க²) யஸ்ஸ வா பன யத்த² ஸஞ்ஞாக்க²ந்தோ⁴ உப்பஜ்ஜிஸ்ஸதி தஸ்ஸ தத்த² வேத³னாக்க²ந்தோ⁴ உப்பஜ்ஜித்தா²தி? ஆமந்தா.

(க⁴) பச்சனீகபுக்³க³லோ

98. (க) யஸ்ஸ ரூபக்க²ந்தோ⁴ நுப்பஜ்ஜித்த² தஸ்ஸ வேத³னாக்க²ந்தோ⁴ நுப்பஜ்ஜிஸ்ஸதீதி? நத்தி².

(க²) யஸ்ஸ வா பன வேத³னாக்க²ந்தோ⁴ நுப்பஜ்ஜிஸ்ஸதி தஸ்ஸ ரூபக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

99. (க) யஸ்ஸ வேத³னாக்க²ந்தோ⁴ நுப்பஜ்ஜித்த² தஸ்ஸ ஸஞ்ஞாக்க²ந்தோ⁴ நுப்பஜ்ஜிஸ்ஸதீதி? நத்தி².

(க²) யஸ்ஸ வா பன ஸஞ்ஞாக்க²ந்தோ⁴ நுப்பஜ்ஜிஸ்ஸதி தஸ்ஸ வேத³னாக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

(ங) பச்சனீகஓகாஸோ

100. (க) யத்த² ரூபக்க²ந்தோ⁴ நுப்பஜ்ஜித்த² தத்த² வேத³னாக்க²ந்தோ⁴ நுப்பஜ்ஜிஸ்ஸதீதி? உப்பஜ்ஜிஸ்ஸதி.

(க²) யத்த² வா பன வேத³னாக்க²ந்தோ⁴ நுப்பஜ்ஜிஸ்ஸதி தத்த² ரூபக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

101. (க) யத்த² வேத³னாக்க²ந்தோ⁴ நுப்பஜ்ஜித்த² தத்த² ஸஞ்ஞாக்க²ந்தோ⁴ நுப்பஜ்ஜிஸ்ஸதீதி? ஆமந்தா.

(க²) யத்த² வா பன ஸஞ்ஞாக்க²ந்தோ⁴ நுப்பஜ்ஜிஸ்ஸதி தத்த² வேத³னாக்க²ந்தோ⁴ நுப்பஜ்ஜித்தா²தி? ஆமந்தா.

(ச) பச்சனீகபுக்³க³லோகாஸா

102. (க) யஸ்ஸ யத்த² ரூபக்க²ந்தோ⁴ நுப்பஜ்ஜித்த² தஸ்ஸ தத்த² வேத³னாக்க²ந்தோ⁴ நுப்பஜ்ஜிஸ்ஸதீதி?

அரூபானம் தேஸம் தத்த² ரூபக்க²ந்தோ⁴ நுப்பஜ்ஜித்த², நோ ச தேஸம் தத்த² வேத³னாக்க²ந்தோ⁴ நுப்பஜ்ஜிஸ்ஸதி. ஸுத்³தா⁴வாஸானம் அரூபே பச்சி²மப⁴விகானம் தேஸம் தத்த² ரூபக்க²ந்தோ⁴ ச நுப்பஜ்ஜித்த² வேத³னாக்க²ந்தோ⁴ ச நுப்பஜ்ஜிஸ்ஸதி.

(க²) யஸ்ஸ வா பன யத்த² வேத³னாக்க²ந்தோ⁴ நுப்பஜ்ஜிஸ்ஸதி தஸ்ஸ தத்த² ரூபக்க²ந்தோ⁴ நுப்பஜ்ஜித்தா²தி?

பஞ்சவோகாரே பச்சி²மப⁴விகானம் அஸஞ்ஞஸத்தானம் தேஸம் தத்த² வேத³னாக்க²ந்தோ⁴ நுப்பஜ்ஜிஸ்ஸதி, நோ ச தேஸம் தத்த² ரூபக்க²ந்தோ⁴ நுப்பஜ்ஜித்த². ஸுத்³தா⁴வாஸானம் அரூபே பச்சி²மப⁴விகானம் தேஸம் தத்த² வேத³னாக்க²ந்தோ⁴ ச நுப்பஜ்ஜிஸ்ஸதி ரூபக்க²ந்தோ⁴ ச நுப்பஜ்ஜித்த².

103. (க) யஸ்ஸ யத்த² வேத³னாக்க²ந்தோ⁴ நுப்பஜ்ஜித்த² தஸ்ஸ தத்த² ஸஞ்ஞாக்க²ந்தோ⁴ நுப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன யத்த² ஸஞ்ஞாக்க²ந்தோ⁴ நுப்பஜ்ஜிஸ்ஸதி தஸ்ஸ தத்த² வேத³னாக்க²ந்தோ⁴ நுப்பஜ்ஜித்தா²தி?

பச்சி²மப⁴விகானம் தேஸம் தத்த² ஸஞ்ஞாக்க²ந்தோ⁴ நுப்பஜ்ஜிஸ்ஸதி, நோ ச தேஸம் தத்த² வேத³னாக்க²ந்தோ⁴ நுப்பஜ்ஜித்த². ஸுத்³தா⁴வாஸானம் அஸஞ்ஞஸத்தானம் தேஸம் தத்த² ஸஞ்ஞாக்க²ந்தோ⁴ ச நுப்பஜ்ஜிஸ்ஸதி வேத³னாக்க²ந்தோ⁴ ச நுப்பஜ்ஜித்த².

உப்பாத³வாரோ நிட்டி²தோ.