(3) மூலகனயோ

68. (க) யே கேசி அகுஸலா த⁴ம்மா, ஸப்³பே³ தே அகுஸலமூலகாதி?

அஹேதுகம் அகுஸலம் ந அகுஸலமூலகம். ஸஹேதுகம் அகுஸலம் அகுஸலமூலகம்.

(க²) யே வா பன அகுஸலமூலகா, ஸப்³பே³ தே த⁴ம்மா அகுஸலாதி?

அகுஸலஸமுட்டா²னம் ரூபம் அகுஸலமூலகம் ந அகுஸலம். அகுஸலம் அகுஸலமூலகஞ்சேவ அகுஸலஞ்ச.

69. (க) யே கேசி அகுஸலா த⁴ம்மா, ஸப்³பே³ தே அகுஸலமூலேன ஏகமூலகாதி?

அஹேதுகம் அகுஸலம் அகுஸலமூலேன ந ஏகமூலகம். ஸஹேதுகம் அகுஸலம் அகுஸலமூலேன ஏகமூலகம்.

(க²) யே வா பன அகுஸலமூலேன ஏகமூலகா, ஸப்³பே³ தே த⁴ம்மா அகுஸலாதி?

அகுஸலஸமுட்டா²னம் ரூபம் அகுஸலமூலேன ஏகமூலகம், ந அகுஸலம். அகுஸலம் அகுஸலமூலேன ஏகமூலகஞ்சேவ அகுஸலஞ்ச.

70. (க) யே கேசி அகுஸலமூலேன ஏகமூலகா த⁴ம்மா, ஸப்³பே³ தே அகுஸலமூலேன அஞ்ஞமஞ்ஞமூலகாதி?

மூலானி யானி ஏகதோ உப்பஜ்ஜந்தி அகுஸலமூலானி ஏகமூலகானி சேவ அஞ்ஞமஞ்ஞமூலகானி ச. அவஸேஸா அகுஸலமூலஸஹஜாதா த⁴ம்மா அகுஸலமூலேன ஏகமூலகா ந ச அஞ்ஞமஞ்ஞமூலகா.

(க²) யே வா பன அகுஸலமூலேன அஞ்ஞமஞ்ஞமூலகா, ஸப்³பே³ தே த⁴ம்மா அகுஸலாதி? ஆமந்தா.