1. குஸலா த⁴ம்மா (1) மூலனயோ

50. (க) யே கேசி குஸலா த⁴ம்மா, ஸப்³பே³ தே குஸலமூலாதி? தீணேவ குஸலமூலானி. அவஸேஸா குஸலா த⁴ம்மா ந குஸலமூலா.

(க²) யே வா பன குஸலமூலா, ஸப்³பே³ தே த⁴ம்மா குஸலாதி? ஆமந்தா.

51. (க) யே கேசி குஸலா த⁴ம்மா, ஸப்³பே³ தே குஸலமூலேன ஏகமூலாதி? ஆமந்தா.

(க²) யே வா பன குஸலமூலேன ஏகமூலா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலேன ஏகமூலம், ந குஸலம். குஸலம் குஸலமூலேன ஏகமூலஞ்சேவ குஸலஞ்ச.

52. (க) யே கேசி குஸலமூலேன ஏகமூலா த⁴ம்மா, ஸப்³பே³ தே குஸலமூலேன அஞ்ஞமஞ்ஞமூலாதி?

மூலானி யானி ஏகதோ உப்பஜ்ஜந்தி குஸலமூலானி ஏகமூலானி சேவ அஞ்ஞமஞ்ஞமூலானி ச. அவஸேஸா குஸலமூலஸஹஜாதா த⁴ம்மா குஸலமூலேன ஏகமூலா, ந ச அஞ்ஞமஞ்ஞமூலா.

(க²) யே வா பன குஸலமூலேன அஞ்ஞமஞ்ஞமூலா, ஸப்³பே³ தே த⁴ம்மா குஸலாதி? ஆமந்தா.

(2) மூலமூலனயோ

53. (க) யே கேசி குஸலா த⁴ம்மா, ஸப்³பே³ தே குஸலமூலமூலாதி? தீணேவ குஸலமூலமூலானி. அவஸேஸா குஸலா த⁴ம்மா ந குஸலமூலமூலா.

(க²) யே வா பன குஸலமூலமூலா, ஸப்³பே³ தே த⁴ம்மா குஸலாதி? ஆமந்தா.

54. (க) யே கேசி குஸலா த⁴ம்மா, ஸப்³பே³ தே குஸலமூலேன ஏகமூலமூலாதி? ஆமந்தா.

(க²) யே வா பன குஸலமூலேன ஏகமூலமூலா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலேன ஏகமூலமூலம், ந குஸலம். குஸலம் குஸலமூலேன ஏகமூலமூலஞ்சேவ குஸலஞ்ச.

55. (க) யே கேசி குஸலமூலேன ஏகமூலமூலா த⁴ம்மா, ஸப்³பே³ தே குஸலமூலேன அஞ்ஞமஞ்ஞமூலமூலாதி?

மூலானி யானி ஏகதோ உப்பஜ்ஜந்தி குஸலமூலானி ஏகமூலமூலானி சேவ அஞ்ஞமஞ்ஞமூலமூலானி ச. அவஸேஸா குஸலமூலஸஹஜாதா த⁴ம்மா குஸலமூலேன ஏகமூலமூலா, ந ச அஞ்ஞமஞ்ஞமூலமூலா.

(க²) யே வா பன குஸலமூலேன அஞ்ஞமஞ்ஞமூலமூலா, ஸப்³பே³ தே த⁴ம்மா குஸலாதி? ஆமந்தா.

(3) மூலகனயோ

56. (க) யே கேசி குஸலா த⁴ம்மா, ஸப்³பே³ தே குஸலமூலகாதி? ஆமந்தா.

(க²) யே வா பன குஸலமூலகா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலகம் ந குஸலம். குஸலம் குஸலமூலகஞ்சேவ குஸலஞ்ச.

57. (க) யே கேசி குஸலா த⁴ம்மா, ஸப்³பே³ தே குஸலமூலேன ஏகமூலகாதி? ஆமந்தா.

(க²) யே வா பன குஸலமூலேன ஏகமூலகா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலேன ஏகமூலகம், ந குஸலம். குஸலம் குஸலமூலேன ஏகமூலகஞ்சேவ குஸலஞ்ச.

58. (க) யே கேசி குஸலமூலேன ஏகமூலகா த⁴ம்மா, ஸப்³பே³ தே குஸலமூலேன அஞ்ஞமஞ்ஞமூலகாதி?

மூலானி யானி ஏகதோ உப்பஜ்ஜந்தி குஸலமூலானி ஏகமூலகானி சேவ அஞ்ஞமஞ்ஞமூலகானி ச. அவஸேஸா குஸலமூலஸஹஜாதா த⁴ம்மா குஸலமூலேன ஏகமூலகா, ந ச அஞ்ஞமஞ்ஞமூலகா.

(க²) யே வா பன குஸலமூலேன அஞ்ஞமஞ்ஞமூலகா, ஸப்³பே³ தே த⁴ம்மா குஸலாதி? ஆமந்தா.

(4) மூலமூலகனயோ

59. (க) யே கேசி குஸலா த⁴ம்மா, ஸப்³பே³ தே குஸலமூலமூலகாதி? ஆமந்தா.

(க²) யே வா பன குஸலமூலமூலகா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலமூலகம் ந குஸலம். குஸலம் குஸலமூலமூலகஞ்சேவ குஸலஞ்ச.

60. (க) யே கேசி குஸலா த⁴ம்மா, ஸப்³பே³ தே குஸலமூலேன ஏகமூலமூலகாதி? ஆமந்தா.

(க²) யே வா பன குஸலமூலேன ஏகமூலமூலகா, ஸப்³பே³ தே த⁴ம்மா குஸலாதி?

குஸலஸமுட்டா²னம் ரூபம் குஸலமூலேன ஏகமூலமூலகம், ந குஸலம். குஸலம் குஸலமூலேன ஏகமூலமூலகஞ்சேவ குஸலஞ்ச.

61. (க) யே கேசி குஸலமூலேன ஏகமூலமூலகா த⁴ம்மா, ஸப்³பே³ தே குஸலமூலேன அஞ்ஞமஞ்ஞமூலமூலகாதி?

மூலானி யானி ஏகதோ உப்பஜ்ஜந்தி குஸலமூலானி ஏகமூலமூலகானி சேவ அஞ்ஞமஞ்ஞமூலமூலகானி ச. அவஸேஸா குஸலமூலஸஹஜாதா த⁴ம்மா குஸலமூலேன ஏகமூலமூலகா, ந ச அஞ்ஞமஞ்ஞமூலமூலகா.

(க²) யே வா பன குஸலமூலேன அஞ்ஞமஞ்ஞமூலமூலகா, ஸப்³பே³ தே த⁴ம்மா குஸலாதி? ஆமந்தா.