1. பச்சயானுலோமம்

ஹேதுபச்சயோ

36. த³ஸ்ஸனேன பஹாதப்³ப³ம் த⁴ம்மம் படிச்ச நத³ஸ்ஸனேன பஹாதப்³போ³ த⁴ம்மோ உப்பஜ்ஜதி ஹேதுபச்சயா. த³ஸ்ஸனேன பஹாதப்³ப³ம் த⁴ம்மம் படிச்ச நபா⁴வனாய பஹாதப்³போ³ த⁴ம்மோ உப்பஜ்ஜதி ஹேதுபச்சயா. த³ஸ்ஸனேன பஹாதப்³ப³ம் த⁴ம்மம் படிச்ச நனேவத³ஸ்ஸனேன நபா⁴வனாய பஹாதப்³போ³ த⁴ம்மோ உப்பஜ்ஜதி ஹேதுபச்சயா. த³ஸ்ஸனேன பஹாதப்³ப³ம் த⁴ம்மம் படிச்ச நபா⁴வனாய பஹாதப்³போ³ ச நனேவத³ஸ்ஸனேன நபா⁴வனாய பஹாதப்³போ³ ச த⁴ம்மா உப்பஜ்ஜந்தி ஹேதுபச்சயா. த³ஸ்ஸனேன பஹாதப்³ப³ம் த⁴ம்மம் படிச்ச நத³ஸ்ஸனேன பஹாதப்³போ³ ச நபா⁴வனாய பஹாதப்³போ³ ச த⁴ம்மா உப்பஜ்ஜந்தி ஹேதுபச்சயா. (5)

பா⁴வனாய பஹாதப்³ப³ம் த⁴ம்மம் படிச்ச நபா⁴வனாய பஹாதப்³போ³ த⁴ம்மோ உப்பஜ்ஜதி ஹேதுபச்சயா… பஞ்ச.

நேவத³ஸ்ஸனேன நபா⁴வனாய பஹாதப்³ப³ம் த⁴ம்மம் படிச்ச நத³ஸ்ஸனேன பஹாதப்³போ³ த⁴ம்மோ உப்பஜ்ஜதி ஹேதுபச்சயா… தீணி.

த³ஸ்ஸனேன பஹாதப்³ப³ஞ்ச நேவத³ஸ்ஸனேன நபா⁴வனாய பஹாதப்³ப³ஞ்ச த⁴ம்மம் படிச்ச நத³ஸ்ஸனேன பஹாதப்³போ³ த⁴ம்மோ உப்பஜ்ஜதி ஹேதுபச்சயா… தீணி.

பா⁴வனாய பஹாதப்³ப³ஞ்ச நேவத³ஸ்ஸனேன நபா⁴வனாய பஹாதப்³ப³ஞ்ச த⁴ம்மம் படிச்ச நத³ஸ்ஸனேன பஹாதப்³போ³ த⁴ம்மோ உப்பஜ்ஜதி ஹேதுபச்சயா… தீணி. (ஸம்கி²த்தம்.)

ஹேதுயா ஏகூனவீஸ…பே… அவிக³தே ஏகூனவீஸ. (ஸஹஜாதவாரம்பி…பே… ஸம்பயுத்தவாரம்பி பஞ்ஹாவாரம்பி வித்தா²ரேதப்³ப³ம்.)