பச்சயசதுக்கம்

ஹேதுபச்சயோ

1. குஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா – குஸலே க²ந்தே⁴ படிச்ச சித்தஸமுட்டா²னம் ரூபம். குஸலம் த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஹேதுபச்சயா – குஸலம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… குஸலம் த⁴ம்மம் படிச்ச நஅப்³யாகதோ த⁴ம்மோ உப்பஜ்ஜதி ஹேதுபச்சயா – குஸலம் ஏகம் க²ந்த⁴ம் படிச்ச தயோ க²ந்தா⁴…பே… குஸலம் த⁴ம்மம் படிச்ச நஅகுஸலோ ச நஅப்³யாகதோ ச த⁴ம்மா உப்பஜ்ஜந்தி ஹேதுபச்சயா – குஸலம் ஏகம் க²ந்த⁴ம் படிச்ச தயோ க²ந்தா⁴…பே… குஸலம் த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஹேதுபச்சயா – குஸலே க²ந்தே⁴ படிச்ச சித்தஸமுட்டா²னம் ரூபம். (5)

2. அகுஸலம் த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஹேதுபச்சயா – அகுஸலே க²ந்தே⁴ படிச்ச சித்தஸமுட்டா²னம் ரூபம். அகுஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா – அகுஸலம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… அகுஸலம் த⁴ம்மம் படிச்ச நஅப்³யாகதோ த⁴ம்மோ உப்பஜ்ஜதி ஹேதுபச்சயா. அகுஸலம் த⁴ம்மம் படிச்ச நகுஸலோ ச நஅப்³யாகதோ ச த⁴ம்மா உப்பஜ்ஜந்தி ஹேதுபச்சயா. அகுஸலம் த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஹேதுபச்சயா. (5)

3. அப்³யாகதம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா – விபாகாப்³யாகதம் கிரியாப்³யாகதம் ஏகம் க²ந்த⁴ம் படிச்ச தயோ க²ந்தா⁴ சித்தஸமுட்டா²னஞ்ச ரூபம்…பே… படிஸந்தி⁴க்க²ணே…பே… ஏகம் மஹாபூ⁴தம் படிச்ச தயோ மஹாபூ⁴தா…பே… த்³வே மஹாபூ⁴தே படிச்ச த்³வே மஹாபூ⁴தா, மஹாபூ⁴தே படிச்ச சித்தஸமுட்டா²னம் ரூபம். அப்³யாகதம் த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஹேதுபச்சயா – விபாகாப்³யாகதம்…பே… படிஸந்தி⁴க்க²ணே…பே… மஹாபூ⁴தம்…பே… அப்³யாகதம் த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஹேதுபச்சயா – விபாகாப்³யாகதம் கிரியாப்³யாகதம்…பே…. (3) (ஸம்கி²த்தம்.)

4. குஸலஞ்ச அப்³யாகதஞ்ச த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா – குஸலே க²ந்தே⁴ ச மஹாபூ⁴தே ச படிச்ச சித்தஸமுட்டா²னம் ரூபம். குஸலஞ்ச அப்³யாகதஞ்ச த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஹேதுபச்சயா. குஸலஞ்ச அப்³யாகதஞ்ச த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஹேதுபச்சயா. (3)

அகுஸலஞ்ச அப்³யாகதஞ்ச த⁴ம்மம் படிச்ச நகுஸலோ த⁴ம்மோ உப்பஜ்ஜதி ஹேதுபச்சயா. அகுஸலஞ்ச அப்³யாகதஞ்ச த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஹேதுபச்சயா. அகுஸலஞ்ச அப்³யாகதஞ்ச த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஹேதுபச்சயா. (3) (சித்தஸமுட்டா²னரூபமேவ ஏத்த² வத்ததி, ஏகூனவீஸதி பஞ்ஹா காதப்³பா³.)

ஆரம்மணபச்சயோ

5. குஸலம் த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஆரம்மணபச்சயா. குஸலம் த⁴ம்மம் படிச்ச நஅப்³யாகதோ த⁴ம்மோ உப்பஜ்ஜதி ஆரம்மணபச்சயா. குஸலம் த⁴ம்மம் படிச்ச நஅகுஸலோ ச நஅப்³யாகதோ ச த⁴ம்மா உப்பஜ்ஜந்தி ஆரம்மணபச்சயா. (3)

அகுஸலம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஆரம்மணபச்சயா. அகுஸலம் த⁴ம்மம் படிச்ச நஅப்³யாகதோ த⁴ம்மோ உப்பஜ்ஜதி ஆரம்மணபச்சயா. அகுஸலம் த⁴ம்மம் படிச்ச நகுஸலோ ச நஅப்³யாகதோ ச த⁴ம்மா உப்பஜ்ஜந்தி ஆரம்மணபச்சயா. (3)

அப்³யாகதம் த⁴ம்மம் படிச்ச நகுஸலோ த⁴ம்மோ உப்பஜ்ஜதி ஆரம்மணபச்சயா. அப்³யாகதம் த⁴ம்மம் படிச்ச நஅகுஸலோ த⁴ம்மோ உப்பஜ்ஜதி ஆரம்மணபச்சயா. அப்³யாகதம் த⁴ம்மம் படிச்ச நகுஸலோ ச நஅகுஸலோ ச த⁴ம்மா உப்பஜ்ஜந்தி ஆரம்மணபச்சயா. (3) (ஸம்கி²த்தம்.)

ஹேதுயா ஏகூனவீஸ, ஆரம்மணே நவ, அதி⁴பதியா ஏகூனவீஸ, அனந்தரே நவ, ஸமனந்தரே நவ, ஸஹஜாதே ஏகூனவீஸ…பே… அவிக³தே ஏகூனவீஸ.