4-5-1. ஹேதுஸஹேதுகது³காதி³-குஸலத்திகம்

36. நஹேதுஞ்சேவ நஅஹேதுகஞ்ச நகுஸலம் த⁴ம்மம் படிச்ச நஹேது சேவ நஅஹேதுகோ ச நகுஸலோ த⁴ம்மோ உப்பஜ்ஜதி ஹேதுபச்சயா. நஹேதுஞ்சேவ நஅஹேதுகஞ்ச நகுஸலம் த⁴ம்மம் படிச்ச நஅஹேதுகோ சேவ நன ச ஹேது நகுஸலோ த⁴ம்மோ உப்பஜ்ஜதி ஹேதுபச்சயா. நஹேதுஞ்சேவ நஅஹேதுகஞ்ச நகுஸலம் த⁴ம்மம் படிச்ச நஹேது சேவ நஅஹேதுகோ ச நகுஸலோ ச நஅஹேதுகோ சேவ நன ச ஹேது நகுஸலோ ச த⁴ம்மா உப்பஜ்ஜந்தி ஹேதுபச்சயா. (3)

நஅஹேதுகஞ்சேவ நன ச ஹேதும் நகுஸலம் த⁴ம்மம் படிச்ச நஅஹேதுகோ சேவ நன ச ஹேது நகுஸலோ த⁴ம்மோ உப்பஜ்ஜதி ஹேதுபச்சயா… தீணி.

நஹேதுஞ்சேவ நஅஹேதுகஞ்ச நகுஸலஞ்ச நஅஹேதுகஞ்சேவ நன ச ஹேதும் நகுஸலஞ்ச த⁴ம்மம் படிச்ச நஹேது சேவ நஅஹேதுகோ ச நகுஸலோ த⁴ம்மோ உப்பஜ்ஜதி ஹேதுபச்சயா… தீணி. (ஸம்கி²த்தம்.)

ஹேதுயா நவ.

37. நஹேதுஞ்சேவ நஅஹேதுகஞ்ச நஅகுஸலம் த⁴ம்மம் படிச்ச நஹேது சேவ நஅஹேதுகோ ச நஅகுஸலோ த⁴ம்மோ உப்பஜ்ஜதி ஹேதுபச்சயா. (ஸம்கி²த்தம்.)

ஹேதுயா நவ.

38. நஹேதுஞ்சேவ நஅஹேதுகஞ்ச நஅப்³யாகதம் த⁴ம்மம் படிச்ச நஹேது சேவ நஅஹேதுகோ ச நஅப்³யாகதோ த⁴ம்மோ உப்பஜ்ஜதி ஹேதுபச்சயா. (ஸம்கி²த்தம்.)

ஹேதுயா நவ.

(ஹேதுஹேதுஸம்பயுத்தது³கம் ஹேதுஸஹேதுகது³கஸதி³ஸம்.)