7. பஞ்ஹாவாரோ

பச்சயசதுக்கம்

ஹேதுஆரம்மணபச்சயாதி³

8. நகுஸலோ த⁴ம்மோ நகுஸலஸ்ஸ த⁴ம்மஸ்ஸ ஹேதுபச்சயேன பச்சயோ…பே…. நகுஸலோ த⁴ம்மோ நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ. நகுஸலோ த⁴ம்மோ நஅகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ. நகுஸலோ த⁴ம்மோ நஅப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ. நகுஸலோ த⁴ம்மோ நகுஸலஸ்ஸ ச நஅப்³யாகதஸ்ஸ ச த⁴ம்மஸ்ஸ ஆரம்மணபச்சயேன பச்சயோ. நகுஸலோ த⁴ம்மோ நஅகுஸலஸ்ஸ ச நஅப்³யாகதஸ்ஸ ச த⁴ம்மஸ்ஸ ஆரம்மணபச்சயேன பச்சயோ. நகுஸலோ த⁴ம்மோ நகுஸலஸ்ஸ ச நஅகுஸலஸ்ஸ ச த⁴ம்மஸ்ஸ ஆரம்மணபச்சயேன பச்சயோ. ச².

நஅகுஸலோ த⁴ம்மோ நஅகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ…. ச².

நஅப்³யாகதோ த⁴ம்மோ நஅப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ…. ச².

நகுஸலோ ச நஅப்³யாகதோ ச த⁴ம்மா நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ…. ச².

நஅகுஸலோ ச நஅப்³யாகதோ ச த⁴ம்மா நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ…. ச².

நகுஸலோ ச நஅகுஸலோ ச த⁴ம்மா நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ…. ச².

9. நகுஸலோ த⁴ம்மோ நகுஸலஸ்ஸ த⁴ம்மஸ்ஸ அதி⁴பதிபச்சயேன பச்சயோ… அனந்தரபச்சயேன பச்சயோ… ஸமனந்தரபச்சயேன பச்சயோ… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ… உபனிஸ்ஸயபச்சயேன பச்சயோ… புரேஜாதபச்சயேன பச்சயோ. நகுஸலோ த⁴ம்மோ நஅகுஸலஸ்ஸ த⁴ம்மஸ்ஸ புரேஜாதபச்சயேன பச்சயோ…பே… நகுஸலோ த⁴ம்மோ நகுஸலஸ்ஸ ச நஅகுஸலஸ்ஸ ச த⁴ம்மஸ்ஸ புரேஜாதபச்சயேன பச்சயோ. ச².

நஅகுஸலோ த⁴ம்மோ நஅகுஸலஸ்ஸ த⁴ம்மஸ்ஸ புரேஜாதபச்சயேன பச்சயோ. நஅகுஸலோ த⁴ம்மோ நகுஸலஸ்ஸ த⁴ம்மஸ்ஸ புரேஜாதபச்சயேன பச்சயோ…பே… நஅகுஸலோ த⁴ம்மோ நகுஸலஸ்ஸ ச நஅகுஸலஸ்ஸ ச த⁴ம்மஸ்ஸ புரேஜாதபச்சயேன பச்சயோ. ச².

நகுஸலோ ச நஅகுஸலோ ச த⁴ம்மா நகுஸலஸ்ஸ த⁴ம்மஸ்ஸ புரேஜாதபச்சயேன பச்சயோ. நகுஸலோ ச நஅகுஸலோ ச த⁴ம்மா நஅகுஸலஸ்ஸ த⁴ம்மஸ்ஸ புரேஜாதபச்சயேன பச்சயோ…பே… நகுஸலோ ச நஅகுஸலோ ச த⁴ம்மா நகுஸலஸ்ஸ ச நஅகுஸலஸ்ஸ ச த⁴ம்மஸ்ஸ புரேஜாதபச்சயேன பச்சயோ. ச². (ஸம்கி²த்தம்.)

10. ஹேதுயா ஏகூனதிம்ஸ, ஆரம்மணே ச²த்திம்ஸ, அதி⁴பதியா பஞ்சதிம்ஸ, அனந்தரே சதுத்திம்ஸ, ஸமனந்தரே சதுத்திம்ஸ, ஸஹஜாதே ஏகூனதிம்ஸ, அஞ்ஞமஞ்ஞே சதுவீஸ, நிஸ்ஸயே சதுத்திம்ஸ, உபனிஸ்ஸயே ச²த்திம்ஸ, புரேஜாதே அட்டா²ரஸ, பச்சா²ஜாதே அட்டா²ரஸ, ஆஸேவனே சதுவீஸ, கம்மே ஏகூனதிம்ஸ, விபாகே நவ, ஆஹாரே ஏகூனதிம்ஸ…பே… அவிக³தே சதுத்திம்ஸ.

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம் ஏவம் க³ணேதப்³ப³ம்.)