1-6. ஹேதுகோ³ச்ச²கம்

1-7. படிச்சவாராதி³

1. நஹேதும் த⁴ம்மம் படிச்ச ஹேது த⁴ம்மோ உப்பஜ்ஜதி ஹேதுபச்சயா. நஹேதும் த⁴ம்மம் படிச்ச நஹேது த⁴ம்மோ உப்பஜ்ஜதி ஹேதுபச்சயா. நஹேதும் த⁴ம்மம் படிச்ச ஹேது ச நஹேது ச த⁴ம்மா உப்பஜ்ஜந்தி ஹேதுபச்சயா. (3)

நனஹேதும் த⁴ம்மம் படிச்ச ஹேது த⁴ம்மோ உப்பஜ்ஜதி ஹேதுபச்சயா. நனஹேதும் த⁴ம்மம் படிச்ச நஹேது த⁴ம்மோ உப்பஜ்ஜதி ஹேதுபச்சயா. நனஹேதும் த⁴ம்மம் படிச்ச ஹேது ச நஹேது ச த⁴ம்மா உப்பஜ்ஜந்தி ஹேதுபச்சயா. (3)

நஹேதுஞ்ச நனஹேதுஞ்ச த⁴ம்மம் படிச்ச ஹேது த⁴ம்மோ உப்பஜ்ஜதி ஹேதுபச்சயா. நஹேதுஞ்ச நனஹேதுஞ்ச த⁴ம்மம் படிச்ச நஹேது த⁴ம்மோ உப்பஜ்ஜதி ஹேதுபச்சயா. நஹேதுஞ்ச நனஹேதுஞ்ச த⁴ம்மம் படிச்ச ஹேது ச நஹேது ச த⁴ம்மா உப்பஜ்ஜந்தி ஹேதுபச்சயா. (3) (ஸம்கி²த்தம்.) ஹேதுயா நவ, ஆரம்மணே நவ…பே… அவிக³தே நவ.

(ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்.)

2. நஸஹேதுகம் த⁴ம்மம் படிச்ச ஸஹேதுகோ த⁴ம்மோ உப்பஜ்ஜதி ஹேதுபச்சயா. நஸஹேதுகம் த⁴ம்மம் படிச்ச அஹேதுகோ த⁴ம்மோ உப்பஜ்ஜதி ஹேதுபச்சயா. நஸஹேதுகம் த⁴ம்மம் படிச்ச ஸஹேதுகோ ச அஹேதுகோ ச த⁴ம்மா உப்பஜ்ஜந்தி ஹேதுபச்சயா. தீணி.

நஅஹேதுகம் த⁴ம்மம் படிச்ச அஹேதுகோ த⁴ம்மோ உப்பஜ்ஜதி ஹேதுபச்சயா. நஅஹேதுகம் த⁴ம்மம் படிச்ச ஸஹேதுகோ த⁴ம்மோ உப்பஜ்ஜதி ஹேதுபச்சயா. நஅஹேதுகம் த⁴ம்மம் படிச்ச ஸஹேதுகோ ச அஹேதுகோ ச த⁴ம்மா உப்பஜ்ஜந்தி ஹேதுபச்சயா. தீணி.

நஸஹேதுகஞ்ச நஅஹேதுகஞ்ச த⁴ம்மம் படிச்ச ஸஹேதுகோ த⁴ம்மோ உப்பஜ்ஜதி ஹேதுபச்சயா. நஸஹேதுகஞ்ச நஅஹேதுகஞ்ச த⁴ம்மம் படிச்ச அஹேதுகோ த⁴ம்மோ உப்பஜ்ஜதி ஹேதுபச்சயா. நஸஹேதுகஞ்ச நஅஹேதுகஞ்ச த⁴ம்மம் படிச்ச ஸஹேதுகோ ச அஹேதுகோ ச த⁴ம்மா உப்பஜ்ஜந்தி ஹேதுபச்சயா. தீணி. ஹேதுயா நவ.

3. நஹேதுஸம்பயுத்தம் த⁴ம்மம் படிச்ச ஹேதுஸம்பயுத்தோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

4. நஹேதுஞ்சேவ நஅஹேதுகஞ்ச த⁴ம்மம் படிச்ச ஹேது சேவ ஸஹேதுகோ ச த⁴ம்மோ உப்பஜ்ஜதி ஹேதுபச்சயா… ஹேதுயா நவ.

5. நஹேதுஞ்சேவ நஹேதுவிப்பயுத்தஞ்ச த⁴ம்மம் படிச்ச ஹேது சேவ ஹேதுஸம்பயுத்தோ ச த⁴ம்மோ உப்பஜ்ஜதி ஹேதுபச்சயா… ஹேதுயா நவ.

6. நஹேதும் நஸஹேதுகம் த⁴ம்மம் படிச்ச நஹேது ஸஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.