18-19. அதீதத்திகத்³வயம்

1-7. படிச்சவாராதி³

26. நஅதீதோ த⁴ம்மோ பச்சுப்பன்னஸ்ஸ த⁴ம்மஸ்ஸ ஹேதுபச்சயேன பச்சயோ. நஅனாக³தோ த⁴ம்மோ பச்சுப்பன்னஸ்ஸ த⁴ம்மஸ்ஸ ஹேதுபச்சயேன பச்சயோ. நஅதீதோ ச நஅனாக³தோ ச த⁴ம்மா பச்சுப்பன்னஸ்ஸ த⁴ம்மஸ்ஸ ஹேதுபச்சயேன பச்சயோ. ஹேதுயா தீணி.

27. நஅதீதாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி ஹேதுபச்சயா. நஅதீதாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி ஹேதுபச்சயா. நஅதீதாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி ஹேதுபச்சயா. தீணி.

நஅனாக³தாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி ஹேதுபச்சயா. நஅனாக³தாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி ஹேதுபச்சயா. த்³வே.

நபச்சுப்பன்னாரம்மணம் த⁴ம்மம் படிச்ச பச்சுப்பன்னாரம்மணோ த⁴ம்மோ உப்பஜ்ஜதி ஹேதுபச்சயா. நபச்சுப்பன்னாரம்மணம் த⁴ம்மம் படிச்ச அதீதாரம்மணோ த⁴ம்மோ உப்பஜ்ஜதி ஹேதுபச்சயா. நபச்சுப்பன்னாரம்மணம் த⁴ம்மம் படிச்ச அனாக³தாரம்மணோ த⁴ம்மோ உப்பஜ்ஜதி ஹேதுபச்சயா. தீணி. (ஸம்கி²த்தம்.) ஹேதுயா ஸத்தரஸ.