த⁴ம்மானுலோமபச்சனீயே திகதிகபட்டா²னம்

1-1. குஸலத்திக-வேத³னாத்திகம்

1. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா…பே… குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ ச நஅகுஸலோ நஸுகா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி ஹேதுபச்சயா. பஞ்ச.

அகுஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. அகுஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா…பே… அகுஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ ச நஅகுஸலோ நஸுகா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி ஹேதுபச்சயா. பஞ்ச.

அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ ச நஅகுஸலோ நஸுகா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி ஹேதுபச்சயா. தீணி. (ஸம்கி²த்தம்.)

ஹேதுயா தேரஸ, ஆரம்மணே நவ…பே… அவிக³தே தேரஸ.

பச்சனீயம்

நஹேதுனஆரம்மணபச்சயாதி³

2. அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஹேதுபச்சயா … தீணி.

3. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஆரம்மணபச்சயா. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஆரம்மணபச்சயா. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ ச நஅகுஸலோ நஸுகா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி நஆரம்மணபச்சயா. தீணி.

அகுஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஆரம்மணபச்சயா… தீணி.

அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஆரம்மணபச்சயா. அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஆரம்மணபச்சயா. அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஸுகா²ய வேத³னாய ஸம்பயுத்தோ ச நஅகுஸலோ நஸுகா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி நஆரம்மணபச்சயா. தீணி.

4. நஹேதுயா தீணி, நஆரம்மணே நவ, நஅதி⁴பதியா தேரஸ…பே… நோவிக³தே நவ.

ஹேதுபச்சயா நஆரம்மணே நவ.

நஹேதுபச்சயா ஆரம்மணே தீணி.

(ஸஹஜாதவாரம்பி பச்சயவாரம்பி நிஸ்ஸயவாரம்பி ஸம்ஸட்ட²வாரம்பி ஸம்பயுத்தவாரம்பி படிச்சவாரஸதி³ஸம்.)

5. குஸலோ ஸுகா²ய வேத³னாய ஸம்பயுத்தோ த⁴ம்மோ நகுஸலஸ்ஸ நஸுகா²ய வேத³னாய ஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ…பே….

ஆரம்மணே அட்டா²ரஸ. (பஞ்ஹாவாரம்பி வித்தா²ரேதப்³ப³ம்.)

அகுஸலபத³ம்

ஹேதுபச்சயோ

6. அகுஸலம் து³க்கா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நது³க்கா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. அகுஸலம் து³க்கா²ய வேத³னாய ஸம்பயுத்தம் த⁴ம்மம் படிச்ச நகுஸலோ நது³க்கா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா…பே… அகுஸலம் து³க்கா²ய வேத³னாய ஸம்பயுத்தம் த⁴ம்மம் படிச்ச நகுஸலோ நது³க்கா²ய வேத³னாய ஸம்பயுத்தோ ச நஅகுஸலோ நது³க்கா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி ஹேதுபச்சயா. ஹேதுயா பஞ்ச, ஆரம்மணே ச²…பே… அவிக³தே அட்ட².

அப்³யாகதபத³ம்

பச்சனீயம்

7. அப்³யாகதம் து³க்கா²ய வேத³னாய ஸம்பயுத்தம் த⁴ம்மம் படிச்ச நகுஸலோ நது³க்கா²ய வேத³னாய ஸம்பயுத்தோ த⁴ம்மோ உப்பஜ்ஜதி நஹேதுபச்சயா. அப்³யாகதம் து³க்கா²ய வேத³னாய ஸம்பயுத்தம் த⁴ம்மம் படிச்ச நஅகுஸலோ நது³க்கா²ய வேத³னாய ஸம்பயுத்தோ த⁴ம்மோ உப்பஜ்ஜதி நஹேதுபச்சயா. அப்³யாகதம் து³க்கா²ய வேத³னாய ஸம்பயுத்தம் த⁴ம்மம் படிச்ச நகுஸலோ நது³க்கா²ய வேத³னாய ஸம்பயுத்தோ ச நஅகுஸலோ நது³க்கா²ய வேத³னாய ஸம்பயுத்தோ ச த⁴ம்மா உப்பஜ்ஜந்தி நஹேதுபச்சயா.

நஹேதுயா தீணி. (ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்.)

8. குஸலம் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச நகுஸலோ நஅது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. (ஸம்கி²த்தம்.) ஹேதுயா தேரஸ. (ஸப்³ப³த்த² வித்தா²ரோ).

1-2. குஸலத்திக-விபாகத்திகம்

9. அப்³யாகதம் விபாகம் த⁴ம்மம் படிச்ச நகுஸலோ நவிபாகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

10. குஸலம் விபாகத⁴ம்மத⁴ம்மம் படிச்ச நகுஸலோ நவிபாகத⁴ம்மத⁴ம்மோ உப்பஜ்ஜதி ஹேதுபச்சயா. குஸலம் விபாகத⁴ம்மத⁴ம்மம் படிச்ச நஅகுஸலோ நவிபாகத⁴ம்மத⁴ம்மோ உப்பஜ்ஜதி ஹேதுபச்சயா. குஸலம் விபாகத⁴ம்மத⁴ம்மம் படிச்ச நகுஸலோ நவிபாகத⁴ம்மத⁴ம்மோ ச நஅகுஸலோ நவிபாகத⁴ம்மத⁴ம்மோ ச த⁴ம்மா உப்பஜ்ஜந்தி ஹேதுபச்சயா. தீணி.

அகுஸலம் விபாகத⁴ம்மத⁴ம்மம் படிச்ச நஅகுஸலோ நவிபாகத⁴ம்மத⁴ம்மோ உப்பஜ்ஜதி ஹேதுபச்சயா. அகுஸலம் விபாகத⁴ம்மத⁴ம்மம் படிச்ச நகுஸலோ நவிபாகத⁴ம்மத⁴ம்மோ உப்பஜ்ஜதி ஹேதுபச்சயா. அகுஸலம் விபாகத⁴ம்மத⁴ம்மம் படிச்ச நகுஸலோ நவிபாகத⁴ம்மத⁴ம்மோ ச நஅகுஸலோ நவிபாகத⁴ம்மத⁴ம்மோ ச த⁴ம்மா உப்பஜ்ஜந்தி ஹேதுபச்சயா. (3) …ஹேதுயா ச².

11. அப்³யாகதம் நேவவிபாகனவிபாகத⁴ம்மத⁴ம்மம் படிச்ச நகுஸலோ நனேவவிபாகனவிபாகத⁴ம்மத⁴ம்மோ உப்பஜ்ஜதி ஹேதுபச்சயா. அப்³யாகதம் நேவவிபாகனவிபாகத⁴ம்மத⁴ம்மம் படிச்ச நஅகுஸலோ நனேவவிபாகனவிபாகத⁴ம்மத⁴ம்மோ உப்பஜ்ஜதி ஹேதுபச்சயா. அப்³யாகதம் நேவவிபாகனவிபாகத⁴ம்மத⁴ம்மம் படிச்ச நகுஸலோ நனேவவிபாகனவிபாகத⁴ம்மத⁴ம்மோ ச நஅகுஸலோ நேவவிபாகனவிபாகத⁴ம்மத⁴ம்மோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

1-3. குஸலத்திக-உபாதி³ன்னத்திகம்

12. அப்³யாகதம் உபாதி³ன்னுபாதா³னியம் த⁴ம்மம் படிச்ச நகுஸலோ நஉபாதி³ன்னுபாதா³னியோ த⁴ம்மோ உப்பஜ்ஜதி ஹேதுபச்சயா. அப்³யாகதம் உபாதி³ன்னுபாதா³னியம் த⁴ம்மம் படிச்ச நஅகுஸலோ நஉபாதி³ன்னுபாதா³னியோ த⁴ம்மோ உப்பஜ்ஜதி ஹேதுபச்சயா. அப்³யாகதம் உபாதி³ன்னுபாதா³னியம் த⁴ம்மம் படிச்ச நகுஸலோ நஉபாதி³ன்னுபாதா³னியோ ச நஅகுஸலோ நஉபாதி³ன்னுபாதா³னியோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

13. குஸலோ அனுபாதி³ன்னுபாதா³னியோ த⁴ம்மோ நகுஸலஸ்ஸ நஅனுபாதி³ன்னுபாதா³னியஸ்ஸ த⁴ம்மஸ்ஸ ஆரம்மணபச்சயேன பச்சயோ. குஸலோ அனுபாதி³ன்னுபாதா³னியோ த⁴ம்மோ நஅகுஸலஸ்ஸ நஅனுபாதி³ன்னுபாதா³னியஸ்ஸ த⁴ம்மஸ்ஸ ஆரம்மணபச்சயேன பச்சயோ. குஸலோ அனுபாதி³ன்னுபாதா³னியோ த⁴ம்மோ நகுஸலஸ்ஸ நஅனுபாதி³ன்னுபாதா³னியஸ்ஸ ச நஅகுஸலஸ்ஸ நஅனுபாதி³ன்னுபாதா³னியஸ்ஸ ச த⁴ம்மஸ்ஸ ஆரம்மணபச்சயேன பச்சயோ. தீணி.

அகுஸலே தீணி. அப்³யாகதம் அனுபாதி³ன்னுபாதா³னியே தீணியேவ…பே….

14. குஸலம் அனுபாதி³ன்னஅனுபாதா³னியம் த⁴ம்மம் படிச்ச நகுஸலோ நஅனுபாதி³ன்னஅனுபாதா³னியோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் அனுபாதி³ன்னஅனுபாதா³னியம் த⁴ம்மம் படிச்ச நகுஸலோ நஅனுபாதி³ன்னஅனுபாதா³னியோ த⁴ம்மோ உப்பஜ்ஜதி ஹேதுபச்சயா… தீணி. …ஹேதுயா ச².

1-4. குஸலத்திக-ஸம்கிலிட்ட²த்திகம்

15. அகுஸலம் ஸம்கிலிட்ட²ஸம்கிலேஸிகம் த⁴ம்மம் படிச்ச நஅகுஸலோ நஸம்கிலிட்ட²ஸம்கிலேஸிகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நஅப்³யாகதோ நஅஸம்கிலிட்ட²ஸம்கிலேஸிகோ த⁴ம்மோ உப்பஜ்ஜதி ஹேதுபச்சயா. அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நகுஸலோ நஅஸம்கிலிட்ட²ஸம்கிலேஸிகோ த⁴ம்மோ உப்பஜ்ஜதி ஹேதுபச்சயா. அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நஅகுஸலோ நஅஸம்கிலிட்ட²ஸம்கிலேஸிகோ த⁴ம்மோ உப்பஜ்ஜதி ஹேதுபச்சயா. அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நகுஸலோ நஅஸம்கிலிட்ட²ஸம்கிலேஸிகோ ச நஅப்³யாகதோ நஅஸம்கிலிட்ட²ஸம்கிலேஸிகோ ச த⁴ம்மா உப்பஜ்ஜந்தி ஹேதுபச்சயா. அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நஅகுஸலோ நஅஸம்கிலிட்ட²ஸம்கிலேஸிகோ ச நஅப்³யாகதோ நஅஸம்கிலிட்ட²ஸம்கிலேஸிகோ ச த⁴ம்மா உப்பஜ்ஜந்தி ஹேதுபச்சயா. அப்³யாகதம் அஸம்கிலிட்ட²ஸம்கிலேஸிகம் த⁴ம்மம் பச்சயா நகுஸலோ நஅஸம்கிலிட்ட²ஸம்கிலேஸிகோ ச நஅகுஸலோ நஅஸம்கிலிட்ட²ஸம்கிலேஸிகோ ச த⁴ம்மா உப்பஜ்ஜந்தி ஹேதுபச்சயா. ஹேதுயா ச².

16. குஸலம் அஸம்கிலிட்ட²அஸம்கிலேஸிகம் த⁴ம்மம் படிச்ச நகுஸலோ நஅஸம்கிலிட்ட²அஸம்கிலேஸிகோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் அஸம்கிலிட்ட²அஸம்கிலேஸிகம் த⁴ம்மம் படிச்ச நகுஸலோ நஅஸம்கிலிட்ட²அஸம்கிலேஸிகோ த⁴ம்மோ உப்பஜ்ஜதி ஹேதுபச்சயா… தீணி… ஹேதுயா ச².

1-5. குஸலத்திக-விதக்கத்திகம்

17. குஸலம் ஸவிதக்கஸவிசாரம் த⁴ம்மம் படிச்ச நகுஸலோ நஸவிதக்கஸவிசாரோ த⁴ம்மோ உப்பஜ்ஜதி ஹேதுபச்சயா… ஹேதுயா தேரஸ. (குஸலே பஞ்ச, அகுஸலே பஞ்ச, அப்³யாகதே தீணி.)

குஸலம் அவிதக்கவிசாரமத்தம் த⁴ம்மம் படிச்ச நகுஸலோ நஅவிதக்கவிசாரமத்தோ த⁴ம்மோ உப்பஜ்ஜதி ஹேதுபச்சயா… ஹேதுயா தேரஸ.

குஸலம் அவிதக்கஅவிசாரம் த⁴ம்மம் படிச்ச நகுஸலோ நஅவிதக்கஅவிசாரோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் அவிதக்கஅவிசாரம் த⁴ம்மம் படிச்ச நகுஸலோ நஅவிதக்கஅவிசாரோ த⁴ம்மோ உப்பஜ்ஜதி ஹேதுபச்சயா… தீணி… ஹேதுயா ச².

1-6. குஸலத்திக-பீதித்திகம்

18. குஸலம் பீதிஸஹக³தம் த⁴ம்மம் படிச்ச நகுஸலோ நபீதிஸஹக³தோ த⁴ம்மோ உப்பஜ்ஜதி ஹேதுபச்சயா… பஞ்ச… ஹேதுயா தேரஸ.

குஸலம் ஸுக²ஸஹக³தம் த⁴ம்மம் படிச்ச நகுஸலோ நஸுக²ஸஹக³தோ த⁴ம்மோ உப்பஜ்ஜதி ஹேதுபச்சயா… பஞ்ச… ஹேதுயா தேரஸ.

குஸலம் உபேக்கா²ஸஹக³தம் த⁴ம்மம் படிச்ச நகுஸலோ நஉபேக்கா²ஸஹக³தோ த⁴ம்மோ உப்பஜ்ஜதி ஹேதுபச்சயா… பஞ்ச… ஹேதுயா தேரஸ.

1-7. குஸலத்திக-த³ஸ்ஸனத்திகம்

19. அகுஸலம் த³ஸ்ஸனேன பஹாதப்³ப³ம் த⁴ம்மம் படிச்ச நஅகுஸலோ நத³ஸ்ஸனேன பஹாதப்³போ³ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அகுஸலம் பா⁴வனாய பஹாதப்³ப³ம் த⁴ம்மம் படிச்ச நஅகுஸலோ நபா⁴வனாய பஹாதப்³போ³ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் நேவத³ஸ்ஸனேன நபா⁴வனாய பஹாதப்³ப³ம் த⁴ம்மம் பச்சயா நஅப்³யாகதோ நனேவத³ஸ்ஸனேன நபா⁴வனாய பஹாதப்³போ³ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

1-8. குஸலத்திக-த³ஸ்ஸனஹேதுத்திகம்

20. அகுஸலம் த³ஸ்ஸனேன பஹாதப்³ப³ஹேதுகம் த⁴ம்மம் படிச்ச நஅகுஸலோ நத³ஸ்ஸனேன பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அகுஸலம் பா⁴வனாய பஹாதப்³ப³ஹேதுகம் த⁴ம்மம் படிச்ச நஅகுஸலோ நபா⁴வனாய பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அகுஸலம் நேவத³ஸ்ஸனேன நபா⁴வனாய பஹாதப்³ப³ஹேதுகம் த⁴ம்மம் படிச்ச நகுஸலோ நனேவத³ஸ்ஸனேன நபா⁴வனாய பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் நேவத³ஸ்ஸனேன நபா⁴வனாய பஹாதப்³ப³ஹேதுகம் த⁴ம்மம் பச்சயா நஅப்³யாகதோ நனேவத³ஸ்ஸனேன நபா⁴வனாய பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

1-9. குஸலத்திக-ஆசயகா³மித்திகம்

21. குஸலம் ஆசயகா³மிம் த⁴ம்மம் படிச்ச நகுஸலோ நஆசயகா³மீ த⁴ம்மோ உப்பஜ்ஜதி ஹேதுபச்சயா… ஹேதுயா ச².

குஸலம் அபசயகா³மிம் த⁴ம்மம் படிச்ச நகுஸலோ நஅபசயகா³மீ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் நேவாசயகா³மினாபசயகா³மிம் த⁴ம்மம் பச்சயா நஅப்³யாகதோ நனேவாசயகா³மினாபசயகா³மீ த⁴ம்மோ உப்பஜ்ஜதி ஹேதுபச்சயா… ஹேதுயா பஞ்ச.

1-10. குஸலத்திக-ஸேக்க²த்திகம்

22. குஸலம் ஸேக்க²ம் த⁴ம்மம் படிச்ச நகுஸலோ நஸேக்கோ² த⁴ம்மோ உப்பஜ்ஜதி ஹேதுபச்சயா. (த்³வே மூலானி.)… ஹேதுயா ச².

அப்³யாகதம் அஸேக்க²ம் த⁴ம்மம் படிச்ச நகுஸலோ நஅஸேக்கோ² த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் நேவஸேக்க²னாஸேக்க²ம் த⁴ம்மம் பச்சயா நஅப்³யாகதோ நனேவஸேக்க²னாஸேக்கோ² த⁴ம்மோ உப்பஜ்ஜதி ஹேதுபச்சயா… ஹேதுயா பஞ்ச.

1-11. குஸலத்திக-பரித்தத்திகம்

23. அப்³யாகதம் பரித்தம் த⁴ம்மம் படிச்ச நகுஸலோ நபரித்தோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

குஸலம் மஹக்³க³தம் த⁴ம்மம் படிச்ச நகுஸலோ நமஹக்³க³தோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

குஸலம் அப்பமாணம் த⁴ம்மம் படிச்ச நகுஸலோ நஅப்பமாணோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

1-12. குஸலத்திக-பரித்தாரம்மணத்திகம்

24. குஸலம் பரித்தாரம்மணம் த⁴ம்மம் படிச்ச நகுஸலோ நபரித்தாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

குஸலம் மஹக்³க³தாரம்மணம் த⁴ம்மம் படிச்ச நகுஸலோ நமஹக்³க³தாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

குஸலம் அப்பமாணாரம்மணம் த⁴ம்மம் படிச்ச நகுஸலோ நஅப்பமாணாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

1-13. குஸலத்திக-ஹீனத்திகம்

25. அகுஸலம் ஹீனம் த⁴ம்மம் படிச்ச நஅகுஸலோ நஹீனோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் மஜ்ஜி²மம் த⁴ம்மம் பச்சயா நஅப்³யாகதோ நமஜ்ஜி²மோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

குஸலம் பணீதம் த⁴ம்மம் படிச்ச நகுஸலோ நபணீதோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

1-14. குஸலத்திக-மிச்ச²த்தனியதத்திகம்

26. அகுஸலம் மிச்ச²த்தனியதம் த⁴ம்மம் படிச்ச நஅகுஸலோ நமிச்ச²த்தனியதோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

குஸலம் ஸம்மத்தனியதம் த⁴ம்மம் படிச்ச நகுஸலோ நஸம்மத்தனியதோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

அப்³யாகதம் அனியதம் த⁴ம்மம் பச்சயா நஅப்³யாகதோ நஅனியதோ த⁴ம்மோ உப்பஜ்ஜதி ஹேதுபச்சயா… ஹேதுயா பஞ்ச.

1-15. குஸலத்திக-மக்³கா³ரம்மணத்திகம்

27. குஸலம் மக்³கா³ரம்மணம் த⁴ம்மம் படிச்ச நகுஸலோ நமக்³கா³ரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

குஸலம் மக்³க³ஹேதுகம் த⁴ம்மம் படிச்ச நகுஸலோ நமக்³க³ஹேதுகோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

குஸலம் மக்³கா³தி⁴பதிம் த⁴ம்மம் படிச்ச நகுஸலோ நமக்³கா³தி⁴பதி த⁴ம்மோ உப்பஜ்ஜதி ஹேதுபச்சயா… ஹேதுயா ச².

1-16. குஸலத்திக-உப்பன்னத்திகம்

28. குஸலோ அனுப்பன்னோ த⁴ம்மோ நகுஸலஸ்ஸ நஅனுப்பன்னஸ்ஸ த⁴ம்மஸ்ஸ ஆரம்மணபச்சயேன பச்சயோ… ஆரம்மணே அட்டா²ரஸ. (உப்பாதீ³ அனுப்பன்னஸதி³ஸம்.)

1-17. குஸலத்திக-அதீதத்திகம்

29. குஸலோ அதீதோ த⁴ம்மோ நகுஸலஸ்ஸ நஅதீதஸ்ஸ த⁴ம்மஸ்ஸ ஆரம்மணபச்சயேன பச்சயோ.

ஆரம்மணே அட்டா²ரஸ. (அனாக³தம் அதீதஸதி³ஸம்.)

1-18. குஸலத்திக-அதீதாரம்மணத்திகம்

30. குஸலம் அதீதாரம்மணம் த⁴ம்மம் படிச்ச நகுஸலோ நஅதீதாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

குஸலம் அனாக³தாரம்மணம் த⁴ம்மம் படிச்ச நகுஸலோ நஅனாக³தாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

குஸலம் பச்சுப்பன்னாரம்மணம் த⁴ம்மம் படிச்ச நகுஸலோ நபச்சுப்பன்னாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

1-19-20. குஸலத்திக-அஜ்ஜ²த்தத்திகத்³வயம்

31. குஸலோ அஜ்ஜ²த்தோ த⁴ம்மோ நஅஜ்ஜ²த்தஸ்ஸ நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ. (ஸம்கி²த்தம்.)… ஆரம்மணே அட்டா²ரஸ.

குஸலோ ப³ஹித்³தா⁴ த⁴ம்மோ நப³ஹித்³தா⁴ நகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ. (ஸம்கி²த்தம்.)… ஆரம்மணே அட்டா²ரஸ.

32. குஸலம் அஜ்ஜ²த்தாரம்மணம் த⁴ம்மம் படிச்ச நகுஸலோ நஅஜ்ஜ²த்தாரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

குஸலம் ப³ஹித்³தா⁴ரம்மணம் த⁴ம்மம் படிச்ச நகுஸலோ நப³ஹித்³தா⁴ரம்மணோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

1-21. குஸலத்திக-ஸனித³ஸ்ஸனத்திகம்

33. அப்³யாகதோ ஸனித³ஸ்ஸனஸப்படிகோ⁴ த⁴ம்மோ நஅப்³யாகதஸ்ஸ நஸனித³ஸ்ஸனஸப்படிக⁴ஸ்ஸ த⁴ம்மஸ்ஸ ஆரம்மணபச்சயேன பச்சயோ… ஆரம்மணே ச². (தீணி வேதி³தகம் காதப்³ப³ம்.)

34. அப்³யாகதம் அனித³ஸ்ஸனஸப்படிக⁴ம் த⁴ம்மம் படிச்ச குஸலோ நஅனித³ஸ்ஸனஸப்படிகோ⁴ த⁴ம்மோ உப்பஜ்ஜதி ஹேதுபச்சயா. அப்³யாகதம் அனித³ஸ்ஸனஸப்படிக⁴ம் த⁴ம்மம் படிச்ச நஅகுஸலோ நஅனித³ஸ்ஸனஸப்படிகோ⁴ த⁴ம்மோ உப்பஜ்ஜதி ஹேதுபச்சயா. அப்³யாகதம் அனித³ஸ்ஸனஸப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஸப்படிகோ⁴ ச நஅகுஸலோ நஅனித³ஸ்ஸனஸப்படிகோ⁴ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

35. குஸலம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. குஸலம் அனித³ஸ்ஸனஅப்படிக⁴ம் த⁴ம்மம் படிச்ச நஅகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. குஸலம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ ச நஅகுஸலோ நஅனித³ஸ்ஸனஅப்படிகோ⁴ ச த⁴ம்மா உப்பஜ்ஜந்தி ஹேதுபச்சயா. தீணி.

அகுஸலம் அனித³ஸ்ஸனஅப்படிக⁴ம் த⁴ம்மம் படிச்ச நஅகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. அகுஸலம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. அகுஸலம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ ச நஅகுஸலோ நஅனித³ஸ்ஸனஅப்படிகோ⁴ ச த⁴ம்மா உப்பஜ்ஜந்தி ஹேதுபச்சயா. தீணி.

அப்³யாகதம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. அப்³யாகதம் அனித³ஸ்ஸனஅப்படிக⁴ம் த⁴ம்மம் படிச்ச நஅகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா. அப்³யாகதம் அனித³ஸ்ஸனஅப்படிக⁴ம் த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ ச நஅகுஸலோ நஅனித³ஸ்ஸனஅப்படிகோ⁴ ச த⁴ம்மா உப்பஜ்ஜந்தி ஹேதுபச்சயா. தீணி.

குஸலம் அனித³ஸ்ஸனஅப்படிக⁴ஞ்ச அப்³யாகதம் அனித³ஸ்ஸனஅப்படிக⁴ஞ்ச த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா… தீணி.

அகுஸலம் அனித³ஸ்ஸனஅப்படிக⁴ஞ்ச அப்³யாகதம் அனித³ஸ்ஸனஅப்படிக⁴ஞ்ச த⁴ம்மம் படிச்ச நகுஸலோ நஅனித³ஸ்ஸனஅப்படிகோ⁴ த⁴ம்மோ உப்பஜ்ஜதி ஹேதுபச்சயா… தீணி… ஹேதுயா பன்னரஸ.

2-1. வேத³னாத்திக-குஸலத்திகம்

36. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஸுகா²ய வேத³னாய ஸம்பயுத்தோ நகுஸலோ த⁴ம்மோ உப்பஜ்ஜதி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நது³க்கா²ய வேத³னாய ஸம்பயுத்தோ நகுஸலோ த⁴ம்மோ உப்பஜ்ஜதி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஅது³க்க²மஸுகா²ய வேத³னாய ஸம்பயுத்தோ நகுஸலோ த⁴ம்மோ உப்பஜ்ஜதி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஸுகா²ய வேத³னாய ஸம்பயுத்தோ நகுஸலோ ச நஅது³க்க²மஸுகா²ய வேத³னாய ஸம்பயுத்தோ நகுஸலோ ச த⁴ம்மா உப்பஜ்ஜந்தி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நது³க்கா²ய வேத³னாய ஸம்பயுத்தோ நகுஸலோ ச நஅது³க்க²மஸுகா²ய வேத³னாய ஸம்பயுத்தோ நகுஸலோ ச த⁴ம்மா உப்பஜ்ஜந்தி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஸுகா²ய வேத³னாய ஸம்பயுத்தோ நகுஸலோ ச நது³க்கா²ய வேத³னாய ஸம்பயுத்தோ நகுஸலோ ச த⁴ம்மா உப்பஜ்ஜந்தி ஹேதுபச்சயா. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஸுகா²ய வேத³னாய ஸம்பயுத்தோ நகுஸலோ ச நது³க்கா²ய வேத³னாய ஸம்பயுத்தோ நகுஸலோ ச நஅது³க்க²மஸுகா²ய வேத³னாய ஸம்பயுத்தோ நகுஸலோ ச த⁴ம்மா உப்பஜ்ஜந்தி ஹேதுபச்சயா. ஸத்த.

அது³க்க²மஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச நஅது³க்க²மஸுகா²ய வேத³னாய ஸம்பயுத்தோ நகுஸலோ த⁴ம்மோ உப்பஜ்ஜதி ஹேதுபச்சயா… ஸத்த… ஹேதுயா சுத்³த³ஸ.

37. ஸுகா²ய வேத³னாய ஸம்பயுத்தம் அகுஸலம் த⁴ம்மம் படிச்ச நஸுகா²ய வேத³னாய ஸம்பயுத்தோ நகுஸலோ த⁴ம்மோ உப்பஜ்ஜதி ஹேதுபச்சயா… ஸத்த.

து³க்கா²ய வேத³னாய ஸம்பயுத்தம் அகுஸலம் த⁴ம்மம் படிச்ச நது³க்கா²ய வேத³னாய ஸம்பயுத்தோ நஅகுஸலோ த⁴ம்மோ உப்பஜ்ஜதி ஹேதுபச்சயா… ஸத்த.

அது³க்க²மஸுகா²ய வேத³னாய ஸம்பயுத்தம் அகுஸலம் த⁴ம்மம் படிச்ச நஅது³க்க²மஸுகா²ய வேத³னாய ஸம்பயுத்தோ நஅகுஸலோ த⁴ம்மோ உப்பஜ்ஜதி ஹேதுபச்சயா… ஸத்த. (ஏகவீஸதி பஞ்ஹா.)

38. ஸுகா²ய வேத³னாய ஸம்பயுத்தோ அப்³யாகதோ த⁴ம்மோ நஸுகா²ய வேத³னாய ஸம்பயுத்தஸ்ஸ நஅப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ. (ஸம்கி²த்தம்.)

ஆரம்மணே ஏகவீஸதி. (து³க்கா²ய வேத³னாய ஸம்பயுத்தஅப்³யாகதமூலம் அது³க்க²மஸுகா²ய வேத³னாய ஸம்பயுத்தஅப்³யாகதமூலம்பி காதப்³ப³ம்.)

3-1. விபாகத்திக-குஸலத்திகம்

39. விபாகத⁴ம்மத⁴ம்மம் குஸலம் த⁴ம்மம் படிச்ச நவிபாகத⁴ம்மத⁴ம்மோ நகுஸலோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

விபாகத⁴ம்மத⁴ம்மம் அகுஸலம் த⁴ம்மம் படிச்ச நவிபாகத⁴ம்மத⁴ம்மோ நஅகுஸலோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

நேவவிபாகனவிபாகத⁴ம்மத⁴ம்மம் அப்³யாகதம் த⁴ம்மம் பச்சயா நனேவவிபாகனவிபாகத⁴ம்மத⁴ம்மோ நஅப்³யாகதோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

4-1. உபாதி³ன்னத்திக-குஸலத்திகம்

40. அனுபாதி³ன்னுபாதா³னியம் குஸலம் த⁴ம்மம் படிச்ச நஉபாதி³ன்னுபாதா³னியோ நகுஸலோ த⁴ம்மோ உப்பஜ்ஜதி ஹேதுபச்சயா… தீணி.

அனுபாதி³ன்னஅனுபாதா³னியம் குஸலம் த⁴ம்மம் படிச்ச நஅனுபாதி³ன்னஅனுபாதா³னியோ நகுஸலோ த⁴ம்மோ உப்பஜ்ஜதி ஹேதுபச்சயா… தீணி ஹேதுயா ச².

அனுபாதி³ன்னுபாதா³னியம் அகுஸலம் த⁴ம்மம் படிச்ச நஉபாதி³ன்னுபாதா³னியோ நஅகுஸலோ த⁴ம்மோ உப்பஜ்ஜதி ஹேதுபச்சயா… ஹேதுயா தீணி.

உபாதி³ன்னுபாதா³னியம் அப்³யாகதம் த⁴ம்மம் பச்சயா நஉபாதி³ன்னுபாதா³னியோ நஅப்³யாகதோ த⁴ம்மோ உப்பஜ்ஜதி ஹேதுபச்சயா… ஹேதுயா பஞ்ச.

5-1. ஸம்கிலிட்ட²த்திக-குஸலத்திகம்

41. அஸம்கிலிட்ட²ஸம்கிலேஸிகம் குஸலம் த⁴ம்மம் படிச்ச நஸம்கிலிட்ட²ஸம்கிலேஸிகோ நகுஸலோ த⁴ம்மோ உப்பஜ்ஜதி ஹேதுபச்சயா… தீணி.

அஸம்கிலிட்ட²அஸம்கிலேஸிகம் குஸலம் த⁴ம்மம் படிச்ச நஅஸம்கிலிட்ட²அஸம்கிலேஸிகோ நகுஸலோ த⁴ம்மோ உப்பஜ்ஜதி ஹேதுபச்சயா… தீணி… ஹேதுயா ச².

ஸம்கிலிட்ட²ஸம்கிலேஸிகம் அகுஸலம் த⁴ம்மம் படிச்ச நஸம்கிலிட்ட²ஸம்கிலேஸிகோ நஅகுஸலோ த⁴ம்மோ உப்பஜ்ஜதி ஹேதுபச்சயா… தீணி.

அஸம்கிலிட்ட²ஸம்கிலேஸிகம் அப்³யாகதம் த⁴ம்மம் பச்சயா நஅஸம்கிலிட்ட²ஸம்கிலேஸிகோ நஅப்³யாகதோ த⁴ம்மோ உப்பஜ்ஜதி ஹேதுபச்சயா… (ஸம்கி²த்தம்.) ஹேதுயா ச²…பே… அவிக³தே ச².

6-1. விதக்கத்திக-குஸலத்திகம்

42. ஸவிதக்கஸவிசாரம் குஸலம் த⁴ம்மம் படிச்ச நஸவிதக்கஸவிசாரோ நகுஸலோ த⁴ம்மோ உப்பஜ்ஜதி ஹேதுபச்சயா… தீணி.

அவிதக்கவிசாரமத்தம் குஸலம் த⁴ம்மம் படிச்ச நஅவிதக்கவிசாரமத்தோ நகுஸலோ த⁴ம்மோ உப்பஜ்ஜதி ஹேதுபச்சயா… ஹேதுயா பன்னரஸ.

ஸவிதக்கஸவிசாரம் அகுஸலம் த⁴ம்மம் படிச்ச நஸவிதக்கஸவிசாரோ நஅகுஸலோ த⁴ம்மோ உப்பஜ்ஜதி ஹேதுபச்சயா… ஹேதுயா நவ.

7-1. பீதித்திக-குஸலத்திகம்

43. பீதிஸஹக³தம் குஸலம் த⁴ம்மம் படிச்ச நபீதிஸஹக³தோ நகுஸலோ த⁴ம்மோ உப்பஜ்ஜதி ஹேதுபச்சயா… ஸத்த.

ஸுக²ஸஹக³தம் குஸலம் த⁴ம்மம் படிச்ச நஸுக²ஸஹக³தோ நகுஸலோ த⁴ம்மோ உப்பஜ்ஜதி ஹேதுபச்சயா… ஸத்த.

உபேக்கா²ஸஹக³தம் குஸலம் த⁴ம்மம் படிச்ச நஉபேக்கா²ஸஹக³தோ நகுஸலோ த⁴ம்மோ உப்பஜ்ஜதி ஹேதுபச்சயா… ஸத்த. (வேத³னாத்திகஸதி³ஸம். ஸம்கி²த்தம்.)

22-1. ஸனித³ஸ்ஸனத்திக-குஸலத்திகம்

44. அனித³ஸ்ஸனஅப்படிக⁴ம் குஸலம் த⁴ம்மம் படிச்ச நஅனித³ஸ்ஸனஅப்படிகோ⁴ நகுஸலோ த⁴ம்மோ உப்பஜ்ஜதி ஹேதுபச்சயா. அனித³ஸ்ஸனஅப்படிக⁴ம் குஸலம் த⁴ம்மம் படிச்ச நஸனித³ஸ்ஸனஸப்படிகோ⁴ நகுஸலோ த⁴ம்மோ உப்பஜ்ஜதி ஹேதுபச்சயா…பே… அனித³ஸ்ஸனஅப்படிக⁴ம் குஸலம் த⁴ம்மம் படிச்ச நஸனித³ஸ்ஸனஸப்படிகோ⁴ நகுஸலோ ச நஅனித³ஸ்ஸனஸப்படிகோ⁴ நகுஸலோ ச த⁴ம்மா உப்பஜ்ஜந்தி ஹேதுபச்சயா… ஹேதுயா ச².

அனித³ஸ்ஸனஅப்படிக⁴ம் அகுஸலம் த⁴ம்மம் படிச்ச நஅனித³ஸ்ஸனஅப்படிகோ⁴ நஅகுஸலோ த⁴ம்மோ உப்பஜ்ஜதி ஹேதுபச்சயா. அனித³ஸ்ஸனஅப்படிக⁴ம் அகுஸலம் த⁴ம்மம் படிச்ச நஸனித³ஸ்ஸனஸப்படிகோ⁴ நகுஸலோ த⁴ம்மோ உப்பஜ்ஜதி ஹேதுபச்சயா…பே… அனித³ஸ்ஸனஅப்படிக⁴ம் அகுஸலம் த⁴ம்மம் படிச்ச நஸனித³ஸ்ஸனஸப்படிகோ⁴ நகுஸலோ ச நஅனித³ஸ்ஸனஸப்படிகோ⁴ நஅகுஸலோ ச த⁴ம்மா உப்பஜ்ஜந்தி ஹேதுபச்சயா (ஸம்கி²த்தம்.) ஹேதுயா ச²…பே… அவிக³தே ச².

அனித³ஸ்ஸனஅப்படிக⁴ம் அப்³யாகதம் த⁴ம்மம் பச்சயா நஸனித³ஸ்ஸனஸப்படிகோ⁴ நஅப்³யாகதோ த⁴ம்மோ உப்பஜ்ஜதி ஹேதுபச்சயா. அனித³ஸ்ஸனஅப்படிக⁴ம் அப்³யாகதம் த⁴ம்மம் பச்சயா நஅனித³ஸ்ஸனஸப்படிகோ⁴ நஅப்³யாகதோ த⁴ம்மோ உப்பஜ்ஜதி ஹேதுபச்சயா. அனித³ஸ்ஸனஅப்படிக⁴ம் அப்³யாகதம் த⁴ம்மம் பச்சயா நஸனித³ஸ்ஸனஸப்படிகோ⁴ நஅப்³யாகதோ ச நஅனித³ஸ்ஸனஸப்படிகோ⁴ நஅப்³யாகதோ ச த⁴ம்மா உப்பஜ்ஜந்தி ஹேதுபச்சயா… ஹேதுயா தீணி…பே… அவிக³தே தீணி.

22-2. ஸனித³ஸ்ஸனத்திக-வேத³னாத்திகம்

45. அனித³ஸ்ஸனஅப்படிக⁴ம் ஸுகா²ய வேத³னாய ஸம்பயுத்தம் த⁴ம்மம் படிச்ச நஅனித³ஸ்ஸனஅப்படிகோ⁴ நஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

அனித³ஸ்ஸனஅப்படிக⁴ம் து³க்கா²ய வேத³னாய ஸம்பயுத்தம் த⁴ம்மம் படிச்ச நஅனித³ஸ்ஸனஅப்படிகோ⁴ நது³க்கா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

அனித³ஸ்ஸனஅப்படிக⁴ம் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச நஅனித³ஸ்ஸனஅப்படிகோ⁴ நஅது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… ஹேதுயா ச².

22-3. ஸனித³ஸ்ஸனத்திக-விபாகத்திகம்

46. அனித³ஸ்ஸனஅப்படிக⁴ம் விபாகம் த⁴ம்மம் படிச்ச நஅனித³ஸ்ஸனஅப்படிகோ⁴ நவிபாகோ த⁴ம்மோ உப்பஜ்ஜதி ஹேதுபச்சயா… ஹேதுயா ச².