1-14-19. குஸலத்திக-ஆஸவகோ³ச்ச²கம்

24. அகுஸலம் ஆஸவம் த⁴ம்மம் படிச்ச நஅகுஸலோ நஆஸவோ த⁴ம்மோ…பே… நகுஸலோ நஆஸவோ த⁴ம்மோ…பே… நஅப்³யாகதோ நஆஸவோ த⁴ம்மோ…பே… நகுஸலோ நஆஸவோ ச நஅப்³யாகதோ நஆஸவோ ச த⁴ம்மா…பே… நகுஸலோ நஆஸவோ ச நஅகுஸலோ நஆஸவோ ச த⁴ம்மா உப்பஜ்ஜந்தி ஹேதுபச்சயா. ஹேதுயா பஞ்ச, ஆரம்மணே தீணி…பே… அவிக³தே பஞ்ச.

அகுஸலம் நோஆஸவம் த⁴ம்மம் படிச்ச நகுஸலோ நனோஆஸவோ த⁴ம்மோ உப்பஜ்ஜதி ஹேதுபச்சயா. அகுஸலம் நோஆஸவம் த⁴ம்மம் படிச்ச நஅப்³யாகதோ நனோஆஸவோ த⁴ம்மோ…பே… நகுஸலோ நனோஆஸவோ ச நஅப்³யாகதோ நனோஆஸவோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி…பே… அவிக³தே தீணி.

25. அப்³யாகதம் ஸாஸவம் த⁴ம்மம் படிச்ச…பே… (லோகியது³கஸதி³ஸம்).

26. அகுஸலம் ஆஸவஸம்பயுத்தம் த⁴ம்மம் படிச்ச நஅகுஸலோ நஆஸவஸம்பயுத்தோ த⁴ம்மோ …பே… நகுஸலோ நஆஸவஸம்பயுத்தோ த⁴ம்மோ…பே… நஅப்³யாகதோ நஆஸவஸம்பயுத்தோ த⁴ம்மோ…பே… நகுஸலோ நஆஸவஸம்பயுத்தோ ச நஅப்³யாகதோ நஆஸவஸம்பயுத்தோ ச த⁴ம்மா…பே… நகுஸலோ நஆஸவஸம்பயுத்தோ ச நஅகுஸலோ நஆஸவஸம்பயுத்தோ ச த⁴ம்மா உப்பஜ்ஜந்தி ஹேதுபச்சயா. ஹேதுயா பஞ்ச.

அகுஸலம் ஆஸவவிப்பயுத்தம் த⁴ம்மம் படிச்ச நகுஸலோ நஆஸவவிப்பயுத்தோ த⁴ம்மோ…பே… நஅப்³யாகதோ நஆஸவவிப்பயுத்தோ த⁴ம்மோ…பே… நகுஸலோ நஆஸவவிப்பயுத்தோ ச நஅப்³யாகதோ நஆஸவவிப்பயுத்தோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

27. அகுஸலம் ஆஸவஞ்சேவ ஸாஸவஞ்ச த⁴ம்மம் படிச்ச நஅகுஸலோ நஆஸவோ சேவ நஅனாஸவோ ச த⁴ம்மோ…பே… நகுஸலோ நஆஸவோ சேவ நஅனாஸவோ ச த⁴ம்மோ…பே… நஅப்³யாகதோ நஆஸவோ சேவ நஅனாஸவோ ச த⁴ம்மோ…பே… நகுஸலோ நஆஸவோ சேவ நஅனாஸவோ ச நஅப்³யாகதோ நஆஸவோ சேவ நஅனாஸவோ ச த⁴ம்மா…பே… நகுஸலோ நஆஸவோ சேவ நஅனாஸவோ ச நஅகுஸலோ நஆஸவோ சேவ நஅனாஸவோ ச த⁴ம்மா உப்பஜ்ஜந்தி ஹேதுபச்சயா. ஹேதுயா பஞ்ச.

அகுஸலம் ஸாஸவஞ்சேவ நோ ச ஆஸவம் த⁴ம்மம் படிச்ச நஅகுஸலோ நஅனாஸவோ சேவ நனோ ச ஆஸவோ த⁴ம்மோ…பே… நஅப்³யாகதோ நஅனாஸவோ சேவ நனோ ச ஆஸவோ த⁴ம்மோ…பே… நகுஸலோ நஅனாஸவோ சேவ நனோ ச ஆஸவோ நஅப்³யாகதோ நஅனாஸவோ சேவ நனோ ஆஸவோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

28. அகுஸலம் ஆஸவஞ்சேவ ஆஸவஸம்பயுத்தஞ்ச த⁴ம்மம் படிச்ச நகுஸலோ நஆஸவோ சேவ நஆஸவவிப்பயுத்தோ ச த⁴ம்மோ…பே… நஅப்³யாகதோ நஆஸவோ சேவ நஆஸவவிப்பயுத்தோ ச த⁴ம்மோ…பே… நகுஸலோ நஆஸவோ சேவ நஆஸவவிப்பயுத்தோ ச நஅப்³யாகதோ நஆஸவோ சேவ நஆஸவவிப்பயுத்தோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

அகுஸலம் ஆஸவஸம்பயுத்தஞ்சேவ நோ ச ஆஸவம் த⁴ம்மம் படிச்ச நகுஸலோ நஆஸவவிப்பயுத்தோ சேவ நனோ ச ஆஸவோ த⁴ம்மோ…பே… நஅப்³யாகதோ நஆஸவவிப்பயுத்தோ சேவ நனோ ச ஆஸவோ த⁴ம்மோ …பே… நகுஸலோ நஆஸவவிப்பயுத்தோ சேவ நனோஆஸவோ ச நஅப்³யாகதோ நஆஸவவிப்பயுத்தோ சேவ நனோ ச ஆஸவோ ச த⁴ம்மா உப்பஜ்ஜந்தி ஹேதுபச்சயா. ஹேதுயா தீணி.

29. அப்³யாகதம் ஆஸவவிப்பயுத்தம் ஸாஸவம் த⁴ம்மம் படிச்ச…பே… (லோகியது³கஸதி³ஸம்).