1-7. படிச்சவாராதி³

ஹேதுபச்சயோ

93. அனுபாதி³ன்னுபாதா³னியம் குஸலம் த⁴ம்மம் படிச்ச அனுபாதி³ன்னுபாதா³னியோ குஸலோ த⁴ம்மோ உப்பஜ்ஜதி ஹேதுபச்சயா.

அனுபாதி³ன்னஅனுபாதா³னியம் குஸலம் த⁴ம்மம் படிச்ச அனுபாதி³ன்னஅனுபாதா³னியோ குஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே. (ஸப்³ப³த்த² வித்தா²ரோ.)

அனுபாதி³ன்னுபாதா³னியம் அகுஸலம் த⁴ம்மம் படிச்ச அனுபாதி³ன்னுபாதா³னியோ அகுஸலோ த⁴ம்மோ உப்பஜ்ஜதி ஹேதுபச்சயா. (ஸப்³ப³த்த² ஏகம். ஸப்³ப³த்த² வித்தா²ரோ.)

94. உபாதி³ன்னுபாதா³னியம் அப்³யாகதம் த⁴ம்மம் படிச்ச உபாதி³ன்னுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி. (ஸப்³ப³த்த² வித்தா²ரோ.)

அனுபாதி³ன்னுபாதா³னியம் அப்³யாகதம் த⁴ம்மம் படிச்ச அனுபாதி³ன்னுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா… தீணி.

அனுபாதி³ன்னஅனுபாதா³னியம் அப்³யாகதம் த⁴ம்மம் படிச்ச அனுபாதி³ன்னஅனுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1)

அனுபாதி³ன்னுபாதா³னியம் அப்³யாகதஞ்ச அனுபாதி³ன்னஅனுபாதா³னியம் அப்³யாகதஞ்ச த⁴ம்மம் படிச்ச அனுபாதி³ன்னுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1)

உபாதி³ன்னுபாதா³னியம் அப்³யாகதஞ்ச அனுபாதி³ன்னுபாதா³னியம் அப்³யாகதஞ்ச த⁴ம்மம் படிச்ச அனுபாதி³ன்னுபாதா³னியோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா நவ. (ஸப்³ப³த்த² வித்தா²ரோ.)