1-7. படிச்சவாராதி³

பச்சயசதுக்கம்

86. ஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச ஸுகா²ய வேத³னாய ஸம்பயுத்தோ குஸலோ த⁴ம்மோ உப்பஜ்ஜதி ஹேதுபச்சயா. (1)

அது³க்க²மஸுகா²ய வேத³னாய ஸம்பயுத்தம் குஸலம் த⁴ம்மம் படிச்ச அது³க்க²மஸுகா²ய வேத³னாய ஸம்பயுத்தோ குஸலோ த⁴ம்மோ உப்பஜ்ஜதி ஹேதுபச்சயா. (1)

ஹேதுயா த்³வே…பே… அவிக³தே த்³வே. (ஸம்கி²த்தம்.) (ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்.)

87. ஸுகா²ய வேத³னாய ஸம்பயுத்தோ குஸலோ த⁴ம்மோ ஸுகா²ய வேத³னாய ஸம்பயுத்தஸ்ஸ குஸலஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அது³க்க²மஸுகா²ய வேத³னாய ஸம்பயுத்தோ குஸலோ த⁴ம்மோ அது³க்க²மஸுகா²ய வேத³னாய ஸம்பயுத்தஸ்ஸ குஸலஸ்ஸ த⁴ம்மஸ்ஸ ஹேதுபச்சயேன பச்சயோ. (1) (ஸம்கி²த்தம்.)

ஹேதுயா த்³வே, அவிக³தே த்³வே. (ஸம்கி²த்தம். ஸப்³ப³த்த² வித்தா²ரோ.)

88. ஸுகா²ய வேத³னாய ஸம்பயுத்தம் அகுஸலம் த⁴ம்மம் படிச்ச ஸுகா²ய வேத³னாய ஸம்பயுத்தோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

து³க்கா²ய வேத³னாய ஸம்பயுத்தம் அகுஸலம் த⁴ம்மம் படிச்ச து³க்கா²ய வேத³னாய ஸம்பயுத்தோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

அது³க்க²மஸுகா²ய வேத³னாய ஸம்பயுத்தம் அகுஸலம் த⁴ம்மம் படிச்ச அது³க்க²மஸுகா²ய வேத³னாய ஸம்பயுத்தோ அகுஸலோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா தீணி…பே… அவிக³தே தீணி. (ஸம்கி²த்தம். ஸப்³ப³த்த² வித்தா²ரோ.)

89. ஸுகா²ய வேத³னாய ஸம்பயுத்தம் அப்³யாகதம் த⁴ம்மம் படிச்ச ஸுகா²ய வேத³னாய ஸம்பயுத்தோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1)

அது³க்க²மஸுகா²ய வேத³னாய ஸம்பயுத்தம் அப்³யாகதம் த⁴ம்மம் படிச்ச அது³க்க²மஸுகா²ய வேத³னாய ஸம்பயுத்தோ அப்³யாகதோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே, அவிக³தே தீணி. (ஸம்கி²த்தம்.)