1-7. படிச்சவாராதி³

பச்சயசதுக்கம்

ஹேதுபச்சயோ

1. குஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச குஸலோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. (1)

அகுஸலம் ஸுகா²ய வேத³னாய ஸம்பயுத்தம் த⁴ம்மம் படிச்ச அகுஸலோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் ஸுகா²ய வேத³னாய ஸம்பயுத்தம் த⁴ம்மம் படிச்ச அப்³யாகதோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

2. ஹேதுயா தீணி, ஆரம்மணே தீணி…பே… அவிக³தே தீணி. (ஸம்கி²த்தம்…பே… ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்.)

3. குஸலோ ஸுகா²ய வேத³னாய ஸம்பயுத்தோ த⁴ம்மோ குஸலஸ்ஸ ஸுகா²ய வேத³னாய ஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அகுஸலோ ஸுகா²ய வேத³னாய ஸம்பயுத்தோ த⁴ம்மோ அகுஸலஸ்ஸ ஸுகா²ய வேத³னாய ஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அப்³யாகதோ ஸுகா²ய வேத³னாய ஸம்பயுத்தோ த⁴ம்மோ அப்³யாகதஸ்ஸ ஸுகா²ய வேத³னாய ஸம்பயுத்தஸ்ஸ த⁴ம்மஸ்ஸ ஹேதுபச்சயேன பச்சயோ. (1)

குஸலோ ஸுகா²ய வேத³னாய ஸம்பயுத்தோ த⁴ம்மோ குஸலஸ்ஸ ஸுகா²ய வேத³னாய ஸம்பயுத்தஸ்ஸ த⁴ம்மஸ்ஸ ஆரம்மணபச்சயேன பச்சயோ. (ஸம்கி²த்தம்.)

4. ஹேதுயா தீணி, ஆரம்மணே நவ. (ஸம்கி²த்தம்.)

(யதா² குஸலத்திகே பஞ்ஹாவாரம் ஏவம் வித்தா²ரேதப்³ப³ம்.)