1-7. படிச்சவாராதி³

பச்சயசதுக்கம்

51. குஸலம் பரித்தம் த⁴ம்மம் படிச்ச குஸலோ பரித்தோ த⁴ம்மோ உப்பஜ்ஜதி ஹேதுபச்சயா. குஸலம் பரித்தம் த⁴ம்மம் படிச்ச அப்³யாகதோ பரித்தோ த⁴ம்மோ உப்பஜ்ஜதி ஹேதுபச்சயா. குஸலம் பரித்தம் த⁴ம்மம் படிச்ச குஸலோ பரித்தோ ச அப்³யாகதோ பரித்தோ ச த⁴ம்மா உப்பஜ்ஜந்தி ஹேதுபச்சயா. (3)

அகுஸலம் பரித்தம் த⁴ம்மம் படிச்ச அகுஸலோ பரித்தோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் பரித்தம் த⁴ம்மம் படிச்ச அப்³யாகதோ பரித்தோ த⁴ம்மோ உப்பஜ்ஜதி ஹேதுபச்சயா. (1)

குஸலம் பரித்தஞ்ச அப்³யாகதம் பரித்தஞ்ச த⁴ம்மம் படிச்ச அப்³யாகதோ பரித்தோ த⁴ம்மோ உப்பஜ்ஜதி ஹேதுபச்சயா. (1)

அகுஸலம் பரித்தஞ்ச அப்³யாகதம் பரித்தஞ்ச த⁴ம்மம் படிச்ச அப்³யாகதோ பரித்தோ த⁴ம்மோ உப்பஜ்ஜதி ஹேதுபச்சயா. (ஸம்கி²த்தம்.)

ஹேதுயா நவ, ஆரம்மணே தீணி, அவிக³தே நவ. (ஸம்கி²த்தம். ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்.)

52. குஸலோ பரித்தோ த⁴ம்மோ குஸலஸ்ஸ பரித்தஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

அகுஸலோ பரித்தோ த⁴ம்மோ அகுஸலஸ்ஸ பரித்தஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

அப்³யாகதோ பரித்தோ த⁴ம்மோ அப்³யாகதஸ்ஸ பரித்தஸ்ஸ த⁴ம்மஸ்ஸ ஹேதுபச்சயேன பச்சயோ. (1)

குஸலோ பரித்தோ த⁴ம்மோ குஸலஸ்ஸ பரித்தஸ்ஸ த⁴ம்மஸ்ஸ ஆரம்மணபச்சயேன பச்சயோ. (ஸம்கி²த்தம்.)

ஹேதுயா ஸத்த, ஆரம்மணே நவ, அவிக³தே தேரஸ. (ஸம்கி²த்தம். யதா² குஸலத்திகே பஞ்ஹாவாரம் ஏவம் வித்தா²ரேதப்³ப³ம்.)

மஹக்³க³தாதி³பதா³னி

ஹேதுபச்சயோ

53. குஸலம் மஹக்³க³தம் த⁴ம்மம் படிச்ச குஸலோ மஹக்³க³தோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் மஹக்³க³தம் த⁴ம்மம் படிச்ச அப்³யாகதோ மஹக்³க³தோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே, ஆரம்மணே த்³வே, அவிக³தே த்³வே. (ஸம்கி²த்தம். ஸஹஜாதவாரேபி…பே… பஞ்ஹாவாரேபி ஸப்³ப³த்த² வித்தா²ரோ).

54. குஸலம் அப்பமாணம் த⁴ம்மம் படிச்ச குஸலோ அப்பமாணோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் அப்பமாணம் த⁴ம்மம் படிச்ச அப்³யாகதோ அப்பமாணோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே, அவிக³தே த்³வே. (ஸம்கி²த்தம். ஸஹஜாதவாரேபி…பே… பஞ்ஹாவாரேபி ஸப்³ப³த்த² வித்தா²ரோ.)