1-7. படிச்சவாராதி³

பச்சயசதுக்கம்

ஹேதுபச்சயோ

29. குஸலம் ஸவிதக்கஸவிசாரம் த⁴ம்மம் படிச்ச குஸலோ ஸவிதக்கஸவிசாரோ த⁴ம்மோ உப்பஜ்ஜதி ஹேதுபச்சயா. (1)

அகுஸலம் ஸவிதக்கஸவிசாரம் த⁴ம்மம் படிச்ச அகுஸலோ ஸவிதக்கஸவிசாரோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் ஸவிதக்கஸவிசாரம் த⁴ம்மம் படிச்ச அப்³யாகதோ ஸவிதக்கஸவிசாரோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா தீணி, ஆரம்மணே தீணி, அவிக³தே தீணி. (ஸம்கி²த்தம். ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்.)

30. குஸலோ ஸவிதக்கஸவிசாரோ த⁴ம்மோ குஸலஸ்ஸ ஸவிதக்கஸவிசாரஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அகுஸலோ ஸவிதக்கஸவிசாரோ த⁴ம்மோ அகுஸலஸ்ஸ ஸவிதக்கஸவிசாரஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அப்³யாகதோ ஸவிதக்கஸவிசாரோ த⁴ம்மோ அப்³யாகதஸ்ஸ ஸவிதக்கஸவிசாரஸ்ஸ த⁴ம்மஸ்ஸ ஹேதுபச்சயேன பச்சயோ. (1) (ஸம்கி²த்தம்.)

31. ஹேதுயா தீணி, ஆரம்மணே நவ, அவிக³தே தீணி. (ஸம்கி²த்தம்.) (யதா² குஸலத்திகே பஞ்ஹாவாரம் ஏவம் வித்தா²ரேதப்³ப³ம்).

32. குஸலம் அவிதக்கவிசாரமத்தம் த⁴ம்மம் படிச்ச குஸலோ அவிதக்கவிசாரமத்தோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் அவிதக்கவிசாரமத்தம் த⁴ம்மம் படிச்ச அப்³யாகதோ அவிதக்கவிசாரமத்தோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே, அவிக³தே த்³வே. (ஸம்கி²த்தம்.)

(ஸஹஜாதவாரேபி…பே… ஸம்பயுத்தவாரேபி பஞ்ஹாவாரேபி ஸப்³ப³த்த² வித்தா²ரோ.)

33. குஸலம் அவிதக்கஅவிசாரம் த⁴ம்மம் படிச்ச குஸலோ அவிதக்கஅவிசாரோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் அவிதக்கஅவிசாரம் த⁴ம்மம் படிச்ச அப்³யாகதோ அவிதக்கஅவிசாரோ த⁴ம்மோ உப்பஜ்ஜதி ஹேதுபச்சயா. (1)

குஸலம் அவிதக்கஅவிசாரஞ்ச அப்³யாகதம் அவிதக்கஅவிசாரஞ்ச த⁴ம்மம் படிச்ச அப்³யாகதோ அவிதக்கஅவிசாரோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா பஞ்ச, ஆரம்மணே த்³வே, அவிக³தே பஞ்ச. (ஸம்கி²த்தம். ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்.)