53-1. பராமாஸபராமட்ட²து³க-குஸலத்திகம்

1-7. படிச்சவாராதி³

பச்சயசதுக்கம்

23. பராமட்ட²ஞ்சேவ நோ ச பராமாஸம் குஸலம் த⁴ம்மம் படிச்ச பராமட்டோ² சேவ நோ ச பராமாஸோ குஸலோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

24. ஹேதுயா ஏகம், ஆரம்மணே ஏகம்…பே… அவிக³தே ஏகம் (ஸம்கி²த்தம்).

(ஸஹஜாதவாரேபி…பே… பஞ்ஹாவாரேபி ஸப்³ப³த்த² ஏகம்.)

25. பராமாஸஞ்சேவ பராமட்ட²ஞ்ச அகுஸலம் த⁴ம்மம் படிச்ச பராமட்டோ² சேவ நோ ச பராமாஸோ அகுஸலோ த⁴ம்மோ உப்பஜ்ஜதி ஹேதுபச்சயா… ஏகம்.

பராமட்ட²ஞ்சேவ நோ ச பராமாஸம் அகுஸலம் த⁴ம்மம் படிச்ச பராமட்டோ² சேவ நோ ச பராமாஸோ அகுஸலோ த⁴ம்மோ உப்பஜ்ஜதி ஹேதுபச்சயா… தீணி.

பராமாஸஞ்சேவ பராமட்ட²ம் அகுஸலஞ்ச பராமட்ட²ஞ்சேவ நோ ச பராமாஸம் அகுஸலஞ்ச த⁴ம்மம் படிச்ச பராமட்டோ² சேவ நோ ச பராமாஸோ அகுஸலோ த⁴ம்மோ உப்பஜ்ஜதி ஹேதுபச்சயா… ஏகம் (ஸம்கி²த்தம்).

26. ஹேதுயா பஞ்ச, ஆரம்மணே பஞ்ச…பே… அவிக³தே பஞ்ச (ஸம்கி²த்தம்).

(ஸஹஜாதவாரம்பி…பே… ஸம்பயுத்தவாரம்பி வித்தா²ரேதப்³ப³ம்.)

27. பராமட்டோ² சேவ நோ ச பராமாஸோ அகுஸலோ த⁴ம்மோ பராமட்ட²ஸ்ஸ சேவ நோ ச பராமாஸஸ்ஸ அகுஸலஸ்ஸ த⁴ம்மஸ்ஸ ஹேதுபச்சயேன பச்சயோ (ஸம்கி²த்தம்).

28. ஹேதுயா தீணி, ஆரம்மணே நவ, அதி⁴பதியா நவ…பே… அவிக³தே பஞ்ச (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)

29. பராமட்ட²ஞ்சேவ நோ ச பராமாஸம் அப்³யாகதம் த⁴ம்மம் படிச்ச பராமட்டோ² சேவ நோ ச பராமாஸோ அப்³யாகதோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

30. ஹேதுயா ஏகம், ஆரம்மணே ஏகம்…பே… அவிக³தே ஏகம் (ஸம்கி²த்தம்). (ஸஹஜாதவாரேபி…பே… பஞ்ஹாவாரேபி ஸப்³ப³த்த² ஏகம்.)