1-7. படிச்சவாராதி³

பச்சயசதுக்கம்

ஹேதுபச்சயோ

55. கேனசி விஞ்ஞேய்யம் குஸலம் த⁴ம்மம் படிச்ச கேனசி விஞ்ஞேய்யோ குஸலோ த⁴ம்மோ உப்பஜ்ஜதி ஹேதுபச்சயா. கேனசி விஞ்ஞேய்யம் குஸலம் த⁴ம்மம் படிச்ச கேனசி நவிஞ்ஞேய்யோ குஸலோ த⁴ம்மோ உப்பஜ்ஜதி ஹேதுபச்சயா. கேனசி விஞ்ஞேய்யம் குஸலம் த⁴ம்மம் படிச்ச கேனசி விஞ்ஞேய்யோ குஸலோ ச கேனசி நவிஞ்ஞேய்யோ குஸலோ ச த⁴ம்மா உப்பஜ்ஜந்தி ஹேதுபச்சயா. (3) (ஸம்கி²த்தம்.)

56. ஹேதுயா நவ, ஆரம்மணே நவ…பே… அவிக³தே நவ (ஸம்கி²த்தம்).

பச்சனீயம்

நஅதி⁴பதிபச்சயோ

57. கேனசி விஞ்ஞேய்யம் குஸலம் த⁴ம்மம் படிச்ச கேனசி விஞ்ஞேய்யோ குஸலோ த⁴ம்மோ உப்பஜ்ஜதி நஅதி⁴பதிபச்சயா (ஸம்கி²த்தம்).

58. நஅதி⁴பதியா நவ, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே நவ, நவிபாகே நவ…பே… நவிப்பயுத்தே நவ (ஸம்கி²த்தம்).

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா வித்தா²ரேதப்³பா³.)

பச்சயசதுக்கம்

ஹேதுபச்சயோ

59. கேனசி விஞ்ஞேய்யோ குஸலோ த⁴ம்மோ கேனசி விஞ்ஞேய்யஸ்ஸ குஸலஸ்ஸ த⁴ம்மஸ்ஸ ஹேதுபச்சயேன பச்சயோ (ஸம்கி²த்தம்).

60. ஹேதுயா நவ, ஆரம்மணே நவ, அதி⁴பதியா நவ, அனந்தரே நவ, ஸமனந்தரே நவ…பே… கம்மே நவ…பே… அவிக³தே நவ (ஸம்கி²த்தம்).

நஹேதுயா நவ, நஆரம்மணே நவ (ஸம்கி²த்தம்).

ஹேதுபச்சயா நஆரம்மணே நவ (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம். கேனசி விஞ்ஞேய்யம் அகுஸலம்பி கேனசி விஞ்ஞேய்யம் அப்³யாகதம்பி கேனசி விஞ்ஞேய்யகுஸலஸதி³ஸம் வித்தா²ரேதப்³ப³ம்).

கேனசிவிஞ்ஞேய்யது³ககுஸலத்திகம் நிட்டி²தம்.

சூளந்தரது³கம் நிட்டி²தம்.