7. பஞ்ஹாவாரோ

பச்சயசதுக்கம்

ஹேது-ஆரம்மணபச்சயா

21. ஸஹேதுகோ அப்³யாகதோ த⁴ம்மோ ஸஹேதுகஸ்ஸ அப்³யாகதஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

ஸஹேதுகோ அப்³யாகதோ த⁴ம்மோ ஸஹேதுகஸ்ஸ அப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ (ஸம்கி²த்தம்).

22. ஹேதுயா தீணி, ஆரம்மணே சத்தாரி, அதி⁴பதியா சத்தாரி, அனந்தரே சத்தாரி, ஸமனந்தரே சத்தாரி, ஸஹஜாதே ஸத்த, அஞ்ஞமஞ்ஞே ச², நிஸ்ஸயே ஸத்த, உபனிஸ்ஸயே சத்தாரி, புரேஜாதே த்³வே, பச்சா²ஜாதே த்³வே, ஆஸேவனே த்³வே, கம்மே சத்தாரி, விபாகே சத்தாரி, ஆஹாரே சத்தாரி, இந்த்³ரியே சத்தாரி, ஜா²னே சத்தாரி, மக்³கே³ தீணி, ஸம்பயுத்தே த்³வே, விப்பயுத்தே தீணி, அத்தி²யா ஸத்த…பே… அவிக³தே ஸத்த (ஸம்கி²த்தம்).

பச்சனீயுத்³தா⁴ரோ

23. ஸஹேதுகோ அப்³யாகதோ த⁴ம்மோ ஸஹேதுகஸ்ஸ அப்³யாகதஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ (ஸம்கி²த்தம்).

24. நஹேதுயா ஸத்த, நஆரம்மணே ஸத்த (ஸம்கி²த்தம்).

ஹேதுபச்சயா நஆரம்மணே தீணி (ஸம்கி²த்தம்).

நஹேதுபச்சயா ஆரம்மணே சத்தாரி (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)

ஸஹேதுகது³ககுஸலத்திகம் நிட்டி²தம்.