1-6. படிச்சவாராதி³

பச்சயசதுக்கம்

ஹேது-ஆரம்மணபச்சயாதி³

9. ஸஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

அஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

ஸஹேதுகம் அகுஸலஞ்ச அஹேதுகம் அகுஸலஞ்ச த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஹேதுபச்சயா. (1)

ஸஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஆரம்மணபச்சயா. ஸஹேதுகம் அகுஸலம் த⁴ம்மம் படிச்ச அஹேதுகோ அகுஸலோ த⁴ம்மோ உப்பஜ்ஜதி ஆரம்மணபச்சயா. ஸஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ ச அஹேதுகோ அகுஸலோ ச த⁴ம்மா உப்பஜ்ஜந்தி ஆரம்மணபச்சயா. (3)

அஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஆரம்மணபச்சயா. (1)

ஸஹேதுகம் அகுஸலஞ்ச அஹேதுகம் அகுஸலஞ்ச த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி ஆரம்மணபச்சயா. (1)

ஸஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி அதி⁴பதிபச்சயா (ஸம்கி²த்தம்).

10. ஹேதுயா தீணி, ஆரம்மணே பஞ்ச, அதி⁴பதியா ஏகம், அனந்தரே பஞ்ச, ஸமனந்தரே பஞ்ச, ஸஹஜாதே பஞ்ச, அஞ்ஞமஞ்ஞே பஞ்ச, நிஸ்ஸயே பஞ்ச, உபனிஸ்ஸயே பஞ்ச, புரேஜாதே பஞ்ச, ஆஸேவனே பஞ்ச, கம்மே பஞ்ச, ஆஹாரே பஞ்ச, இந்த்³ரியே பஞ்ச, ஜா²னே பஞ்ச, மக்³கே³ பஞ்ச, ஸம்பயுத்தே பஞ்ச, விப்பயுத்தே பஞ்ச, அத்தி²யா பஞ்ச, நத்தி²யா பஞ்ச, விக³தே பஞ்ச, அவிக³தே பஞ்ச (ஸம்கி²த்தம்).

நஹேது-நஅதி⁴பதிபச்சயா

11. ஸஹேதுகம் அகுஸலம் த⁴ம்மம் படிச்ச அஹேதுகோ அகுஸலோ த⁴ம்மோ உப்பஜ்ஜதி நஹேதுபச்சயா. (1)

ஸஹேதுகம் அகுஸலம் த⁴ம்மம் படிச்ச ஸஹேதுகோ அகுஸலோ த⁴ம்மோ உப்பஜ்ஜதி நஅதி⁴பதிபச்சயா (ஸம்கி²த்தம்).

12. நஹேதுயா ஏகம், நஅதி⁴பதியா பஞ்ச, நபுரேஜாதே பஞ்ச, நபச்சா²ஜாதே பஞ்ச, நஆஸேவனே பஞ்ச, நகம்மே தீணி, நவிபாகே பஞ்ச, நவிப்பயுத்தே பஞ்ச (ஸம்கி²த்தம்).

ஹேதுபச்சயா நஅதி⁴பதியா தீணி (ஸம்கி²த்தம்).

நஹேதுபச்சயா ஆரம்மணே ஏகம் (ஸம்கி²த்தம்).

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா வித்தா²ரேதப்³பா³.)