7. பஞ்ஹாவாரோ

பச்சயசதுக்கம்

ஹேது-ஆரம்மணபச்சயா

35. ஹேதுஸம்பயுத்தோ அகுஸலோ த⁴ம்மோ ஹேதுஸம்பயுத்தஸ்ஸ அகுஸலஸ்ஸ த⁴ம்மஸ்ஸ ஹேதுபச்சயேன பச்சயோ… த்³வே.

ஹேதுஸம்பயுத்தோ அகுஸலோ த⁴ம்மோ ஹேதுஸம்பயுத்தஸ்ஸ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… தீணி.

ஹேதுவிப்பயுத்தோ அகுஸலோ த⁴ம்மோ ஹேதுவிப்பயுத்தஸ்ஸ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… தீணி.

ஹேதுஸம்பயுத்தோ அகுஸலோ ச ஹேதுவிப்பயுத்தோ அகுஸலோ ச த⁴ம்மா ஹேதுஸம்பயுத்தஸ்ஸ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… தீணி (ஸம்கி²த்தம்).

36. ஹேதுயா த்³வே, ஆரம்மணே நவ, அதி⁴பதியா ஏகம், அனந்தரே நவ, ஸமனந்தரே நவ, ஸஹஜாதே பஞ்ச, அஞ்ஞமஞ்ஞே பஞ்ச, நிஸ்ஸயே பஞ்ச, உபனிஸ்ஸயே நவ, ஆஸேவனே நவ, கம்மே தீணி, ஆஹாரே தீணி, இந்த்³ரியே தீணி, ஜா²னே தீணி, மக்³கே³ தீணி, ஸம்பயுத்தே பஞ்ச, அத்தி²யா பஞ்ச…பே… அவிக³தே பஞ்ச (ஸம்கி²த்தம்).

பச்சனீயுத்³தா⁴ரோ

37. ஹேதுஸம்பயுத்தோ அகுஸலோ த⁴ம்மோ ஹேதுஸம்பயுத்தஸ்ஸ அகுஸலஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ (ஸம்கி²த்தம்).

38. நஹேதுயா நவ, நஆரம்மணே நவ (ஸம்கி²த்தம்).

ஹேதுபச்சயா நஆரம்மணே த்³வே (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)