1-7. படிச்சவாராதி³

பச்சயசதுக்கம்

ஹேதுபச்சயோ

87. ஸவிதக்கஸவிசாரம் ஸரணம் த⁴ம்மம் படிச்ச ஸவிதக்கஸவிசாரோ ஸரணோ த⁴ம்மோ உப்பஜ்ஜதி ஹேதுபச்சயா. ஸவிதக்கஸவிசாரம் ஸரணம் த⁴ம்மம் படிச்ச அவிதக்கவிசாரமத்தோ ஸரணோ த⁴ம்மோ உப்பஜ்ஜதி ஹேதுபச்சயா. ஸவிதக்கஸவிசாரம் ஸரணம் த⁴ம்மம் படிச்ச ஸவிதக்கஸவிசாரோ ஸரணோ ச அவிதக்கவிசாரமத்தோ ஸரணோ ச த⁴ம்மா உப்பஜ்ஜந்தி ஹேதுபச்சயா. (3)

அவிதக்கவிசாரமத்தம் ஸரணம் த⁴ம்மம் படிச்ச ஸவிதக்கஸவிசாரோ ஸரணோ த⁴ம்மோ உப்பஜ்ஜதி ஹேதுபச்சயா. (1)

ஸவிதக்கஸவிசாரம் ஸரணஞ்ச அவிதக்கவிசாரமத்தம் ஸரணஞ்ச த⁴ம்மம் படிச்ச ஸவிதக்கஸவிசாரோ ஸரணோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

88. ஹேதுயா பஞ்ச…பே… அவிக³தே பஞ்ச (ஸம்கி²த்தம்).

(ஸஹஜாதவாரேபி…பே… பஞ்ஹாவாரேபி ஸப்³ப³த்த² வித்தா²ரோ.)

89. ஸவிதக்கஸவிசாரம் அரணம் த⁴ம்மம் படிச்ச ஸவிதக்கஸவிசாரோ அரணோ த⁴ம்மோ உப்பஜ்ஜதி ஹேதுபச்சயா… ஸத்த.

அவிதக்கவிசாரமத்தம் அரணம் த⁴ம்மம் படிச்ச அவிதக்கவிசாரமத்தோ அரணோ த⁴ம்மோ உப்பஜ்ஜதி ஹேதுபச்சயா … பஞ்ச.

அவிதக்கஅவிசாரம் அரணம் த⁴ம்மம் படிச்ச அவிதக்கஅவிசாரோ அரணோ த⁴ம்மோ உப்பஜ்ஜதி ஹேதுபச்சயா (ஸம்கி²த்தம்).

90. ஹேதுயா ஸத்ததிம்ஸ…பே… அவிக³தே ஸத்ததிம்ஸ (ஸம்கி²த்தம்). (ஸஹஜாதவாரம்பி…பே… பஞ்ஹாவாரம்பி வித்தா²ரேதப்³ப³ம்).