1-7. படிச்சவாராதி³

பச்சயசதுக்கம்

ஹேதுபச்சயோ

41. குஸலம் பரியாபன்னம் த⁴ம்மம் படிச்ச குஸலோ பரியாபன்னோ த⁴ம்மோ உப்பஜ்ஜதி ஹேதுபச்சயா… தீணி.

அகுஸலம் பரியாபன்னம் த⁴ம்மம் படிச்ச அகுஸலோ பரியாபன்னோ த⁴ம்மோ உப்பஜ்ஜதி ஹேதுபச்சயா… தீணி.

அப்³யாகதம் பரியாபன்னம் த⁴ம்மம் படிச்ச அப்³யாகதோ பரியாபன்னோ த⁴ம்மோ உப்பஜ்ஜதி ஹேதுபச்சயா. (1)

குஸலம் பரியாபன்னஞ்ச அப்³யாகதம் பரியாபன்னஞ்ச த⁴ம்மம் படிச்ச அப்³யாகதோ பரியாபன்னோ த⁴ம்மோ உப்பஜ்ஜதி ஹேதுபச்சயா. (1)

அகுஸலம் பரியாபன்னஞ்ச அப்³யாகதம் பரியாபன்னஞ்ச த⁴ம்மம் படிச்ச அப்³யாகதோ பரியாபன்னோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

42. ஹேதுயா நவ, ஆரம்மணே தீணி…பே… விபாகே ஏகம்…பே… அவிக³தே நவ (ஸம்கி²த்தம். ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்).

43. குஸலோ பரியாபன்னோ த⁴ம்மோ குஸலஸ்ஸ பரியாபன்னஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

அகுஸலோ பரியாபன்னோ த⁴ம்மோ அகுஸலஸ்ஸ பரியாபன்னஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

அப்³யாகதோ பரியாபன்னோ த⁴ம்மோ அப்³யாகதஸ்ஸ பரியாபன்னஸ்ஸ த⁴ம்மஸ்ஸ ஹேதுபச்சயேன பச்சயோ. (1) (ஸம்கி²த்தம்.)

44. ஹேதுயா ஸத்த, ஆரம்மணே நவ, அதி⁴பதியா நவ…பே… அவிக³தே தேரஸ (ஸம்கி²த்தம். யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்).

அபரியாபன்னபத³ம்

ஹேது-ஆரம்மணபச்சயா

45. குஸலம் அபரியாபன்னம் த⁴ம்மம் படிச்ச குஸலோ அபரியாபன்னோ த⁴ம்மோ உப்பஜ்ஜதி ஹேதுபச்சயா. (1)

அப்³யாகதம் அபரியாபன்னம் த⁴ம்மம் படிச்ச அப்³யாகதோ அபரியாபன்னோ த⁴ம்மோ உப்பஜ்ஜதி ஹேதுபச்சயா. (1) (ஸம்கி²த்தம்.)

ஹேதுயா த்³வே, ஆரம்மணே த்³வே…பே… அவிக³தே த்³வே (ஸம்கி²த்தம்.) (ஸஹஜாதவாரம்பி…பே… ஸம்பயுத்தவாரம்பி படிச்சவாரஸதி³ஸம்).

46. குஸலோ அபரியாபன்னோ த⁴ம்மோ குஸலஸ்ஸ அபரியாபன்னஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அப்³யாகதோ அபரியாபன்னோ த⁴ம்மோ அப்³யாகதஸ்ஸ அபரியாபன்னஸ்ஸ த⁴ம்மஸ்ஸ ஹேதுபச்சயேன பச்சயோ. (1)

அப்³யாகதோ அபரியாபன்னோ த⁴ம்மோ அப்³யாகதஸ்ஸ அபரியாபன்னஸ்ஸ த⁴ம்மஸ்ஸ ஆரம்மணபச்சயேன பச்சயோ. அப்³யாகதோ அபரியாபன்னோ த⁴ம்மோ குஸலஸ்ஸ அபரியாபன்னஸ்ஸ த⁴ம்மஸ்ஸ ஆரம்மணபச்சயேன பச்சயோ. (2)

47. ஹேதுயா த்³வே, ஆரம்மணே த்³வே, அதி⁴பதியா தீணி, அனந்தரே த்³வே…பே… உபனிஸ்ஸயே சத்தாரி…பே… அவிக³தே த்³வே. (ஸம்கி²த்தம்.)

(யதா² குஸலத்திகே பஞ்ஹாவாரம், ஏவம் வித்தா²ரேதப்³ப³ம்.)