1. விப⁴ங்க³வாரோ

ஹேதுபச்சயோ

86. கிலேஸோ சேவ ஸம்கிலிட்டோ² ச த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச த⁴ம்மஸ்ஸ ஹேதுபச்சயேன பச்சயோ – கிலேஸா சேவ ஸம்கிலிட்டா² ச ஹேதூ ஸம்பயுத்தகானம் கிலேஸானம் ஹேதுபச்சயேன பச்சயோ. (1)

கிலேஸோ சேவ ஸம்கிலிட்டோ² ச த⁴ம்மோ ஸம்கிலிட்ட²ஸ்ஸ சேவ நோ ச கிலேஸஸ்ஸ த⁴ம்மஸ்ஸ ஹேதுபச்சயேன பச்சயோ – கிலேஸா சேவ ஸம்கிலிட்டா² ச ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ.

கிலேஸோ சேவ ஸம்கிலிட்டோ² ச த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச ஸம்கிலிட்ட²ஸ்ஸ சேவ நோ ச கிலேஸஸ்ஸ ச த⁴ம்மஸ்ஸ ஹேதுபச்சயேன பச்சயோ – கிலேஸா சேவ ஸம்கிலிட்டா² ச ஹேதூ ஸம்பயுத்தகானம் க²ந்தா⁴னம் கிலேஸானஞ்ச ஹேதுபச்சயேன பச்சயோ. (3)

ஆரம்மணபச்சயோ

87. கிலேஸோ சேவ ஸம்கிலிட்டோ² ச த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச த⁴ம்மஸ்ஸ ஆரம்மணபச்சயேன பச்சயோ – கிலேஸே ஆரப்³ப⁴ கிலேஸா உப்பஜ்ஜந்தி. (மூலம் காதப்³ப³ம்.) கிலேஸே ஆரப்³ப⁴ ஸம்கிலிட்டா² சேவ நோ ச கிலேஸா க²ந்தா⁴ உப்பஜ்ஜந்தி. (மூலம் காதப்³ப³ம்.) கிலேஸே ஆரப்³ப⁴ கிலேஸா ச ஸம்பயுத்தகா க²ந்தா⁴ ச உப்பஜ்ஜந்தி. (3)

88. ஸம்கிலிட்டோ² சேவ நோ ச கிலேஸோ த⁴ம்மோ ஸம்கிலிட்ட²ஸ்ஸ சேவ நோ ச கிலேஸஸ்ஸ த⁴ம்மஸ்ஸ ஆரம்மணபச்சயேன பச்சயோ – ஸம்கிலிட்டே² சேவ நோ ச கிலேஸே க²ந்தே⁴ ஆரப்³ப⁴ ஸம்கிலிட்டா² சேவ நோ ச கிலேஸா க²ந்தா⁴ உப்பஜ்ஜந்தி. (மூலம் காதப்³ப³ம்.) ஸம்கிலிட்டே² சேவ நோ ச கிலேஸே க²ந்தே⁴ ஆரப்³ப⁴ கிலேஸா உப்பஜ்ஜந்தி. (மூலம் காதப்³ப³ம்.) ஸம்கிலிட்டே² சேவ நோ ச கிலேஸே க²ந்தே⁴ ஆரப்³ப⁴ கிலேஸா ச ஸம்பயுத்தகா க²ந்தா⁴ ச உப்பஜ்ஜந்தி. (3)

(இதரேபி தீணி காதப்³பா³.)

அதி⁴பதிபச்சயோ

89. கிலேஸோ சேவ ஸம்கிலிட்டோ² ச த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி… தீணி.

ஸம்கிலிட்டோ² சேவ நோ ச கிலேஸோ த⁴ம்மோ ஸம்கிலிட்ட²ஸ்ஸ சேவ நோ ச கிலேஸஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ஸம்கிலிட்டே² சேவ நோ ச கிலேஸே க²ந்தே⁴ க³ரும் கத்வா…பே… தீணி. (த்³வே அதி⁴பதி தீணிபி காதப்³பா³, இதரே த்³வேபி தீணி காதப்³பா³.)

அனந்தரபச்சயாதி³

90. கிலேஸோ சேவ ஸம்கிலிட்டோ² ச த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச த⁴ம்மஸ்ஸ அனந்தரபச்சயேன பச்சயோ (நவபி காதப்³பா³, ஆவஜ்ஜனாபி வுட்டா²னம்பி நத்தி²)… ஸமனந்தரபச்சயேன பச்சயோ… ஸஹஜாதபச்சயேன பச்சயோ… அஞ்ஞமஞ்ஞபச்சயேன பச்சயோ… நிஸ்ஸயபச்சயேன பச்சயோ… உபனிஸ்ஸயபச்சயேன பச்சயோ… நவ பஞ்ஹா (புரேஜாதபச்சயோ பச்சா²ஜாதபச்சயோபி நத்தி²)… ஆஸேவனபச்சயேன பச்சயோ.

கம்மபச்சயாதி³

91. ஸம்கிலிட்டோ² சேவ நோ ச கிலேஸோ த⁴ம்மோ ஸம்கிலிட்ட²ஸ்ஸ சேவ நோ ச கிலேஸஸ்ஸ த⁴ம்மஸ்ஸ கம்மபச்சயேன பச்சயோ – ஸம்கிலிட்டா² சேவ நோ ச கிலேஸா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. (1)

ஸம்கிலிட்டோ² சேவ நோ ச கிலேஸோ த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச த⁴ம்மஸ்ஸ கம்மபச்சயேன பச்சயோ – ஸம்கிலிட்டா² சேவ நோ ச கிலேஸா சேதனா ஸம்பயுத்தகானம் கிலேஸானம் கம்மபச்சயேன பச்சயோ. (2)

ஸம்கிலிட்டோ² சேவ நோ ச கிலேஸோ த⁴ம்மோ கிலேஸஸ்ஸ சேவ ஸம்கிலிட்ட²ஸ்ஸ ச ஸம்கிலிட்ட²ஸ்ஸ சேவ நோ ச கிலேஸஸ்ஸ த⁴ம்மஸ்ஸ கம்மபச்சயேன பச்சயோ – ஸம்கிலிட்டா² சேவ நோ ச கிலேஸா சேதனா ஸம்பயுத்தகானம் க²ந்தா⁴னம் கிலேஸானஞ்ச கம்மபச்சயேன பச்சயோ. (3)

ஆஹாரபச்சயேன பச்சயோ… தீணி… இந்த்³ரியபச்சயேன பச்சயோ… தீணி… ஜா²னபச்சயேன பச்சயோ… தீணி… மக்³க³பச்சயேன பச்சயோ… நவ… ஸம்பயுத்தபச்சயேன பச்சயோ… நவ… அத்தி²பச்சயேன பச்சயோ… நவ… நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ… நவ.