1-6. படிச்சவாராதி³

பச்சயசதுக்கம்

ஹேதுபச்சயோ

282. ஹேதும் த³ஸ்ஸனேன பஹாதப்³ப³ஹேதுகம் த⁴ம்மம் படிச்ச ஹேது த³ஸ்ஸனேன பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… தீணி.

நஹேதும் த³ஸ்ஸனேன பஹாதப்³ப³ஹேதுகம் த⁴ம்மம் படிச்ச நஹேது த³ஸ்ஸனேன பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… தீணி.

ஹேதும் த³ஸ்ஸனேன பஹாதப்³ப³ஹேதுகஞ்ச நஹேதும் த³ஸ்ஸனேன பஹாதப்³ப³ஹேதுகஞ்ச த⁴ம்மம் படிச்ச ஹேது த³ஸ்ஸனேன பஹாதப்³ப³ஹேதுகோ த⁴ம்மோ உப்பஜ்ஜதி ஹேதுபச்சயா… தீணி (ஸம்கி²த்தம்).

283. ஹேதுயா நவ, ஆரம்மணே நவ…பே… அவிக³தே நவ (ஸம்கி²த்தம்).

நஅதி⁴பதிபச்சயோ

284. ஹேதும் த³ஸ்ஸனேன பஹாதப்³ப³ஹேதுகம் த⁴ம்மம் படிச்ச ஹேது த³ஸ்ஸனேன பஹாதப்³ப³ஹேதுகோ த⁴ம்மோ உப்பஜ்ஜதி நஅதி⁴பதிபச்சயா (ஸம்கி²த்தம்).

285. நஅதி⁴பதியா நவ, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நவிப்பயுத்தே நவ (ஸம்கி²த்தம்).

ஹேதுபச்சயா நஅதி⁴பதியா நவ (ஸம்கி²த்தம்).

நஅதி⁴பதிபச்சயா ஹேதுயா நவ (ஸம்கி²த்தம்).

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா வித்தா²ரேதப்³பா³.)