7. பஞ்ஹாவாரோ

பச்சயசதுக்கம்

ஹேதுபச்சயாதி³

144. ஹேது நேவவிபாகனவிபாகத⁴ம்மத⁴ம்மோ ஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ ஹேதுபச்சயேன பச்சயோ… தீணி…பே….

145. ஹேது நேவவிபாகனவிபாகத⁴ம்மத⁴ம்மோ ஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ அதி⁴பதிபச்சயேன பச்சயோ – ஸஹஜாதாதி⁴பதி… தீணி.

நஹேது நேவவிபாகனவிபாகத⁴ம்மத⁴ம்மோ நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி… தீணி…பே….

புரேஜாதபச்சயாதி³

146. நஹேது நேவவிபாகனவிபாகத⁴ம்மத⁴ம்மோ நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம்… தீணி.

147. ஹேது நேவவிபாகனவிபாகத⁴ம்மத⁴ம்மோ நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ பச்சா²ஜாதபச்சயேன பச்சயோ. (1)

நஹேது நேவவிபாகனவிபாகத⁴ம்மத⁴ம்மோ நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ பச்சா²ஜாதபச்சயேன பச்சயோ. (1)

ஹேது நேவவிபாகனவிபாகத⁴ம்மத⁴ம்மோ ச நஹேது நேவவிபாகனவிபாகத⁴ம்மத⁴ம்மோ ச நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ பச்சா²ஜாதபச்சயேன பச்சயோ. (1)

…ஆஸேவனபச்சயேன பச்சயோ… நவ.

148. நஹேது நேவவிபாகனவிபாகத⁴ம்மத⁴ம்மோ நஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ கம்மபச்சயேன பச்சயோ… தீணி (ஸம்கி²த்தம்).

149. ஹேதுயா தீணி, ஆரம்மணே நவ, அதி⁴பதியா ச², அனந்தரே நவ, ஸமனந்தரே நவ, ஸஹஜாதே நவ, அஞ்ஞமஞ்ஞே நவ, நிஸ்ஸயே நவ, உபனிஸ்ஸயே நவ, புரேஜாதே தீணி, பச்சா²ஜாதே தீணி, ஆஸேவனே நவ, கம்மே தீணி, ஆஹாரே தீணி, இந்த்³ரியே நவ, ஜா²னே தீணி, மக்³கே³ நவ, ஸம்பயுத்தே நவ, விப்பயுத்தே பஞ்ச, அத்தி²யா நவ, நத்தி²யா நவ, விக³தே நவ, அவிக³தே நவ.

பச்சனீயுத்³தா⁴ரோ

150. ஹேது நேவவிபாகனவிபாகத⁴ம்மத⁴ம்மோ ஹேதுஸ்ஸ நேவவிபாகனவிபாகத⁴ம்மத⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ (ஸம்கி²த்தம்).

151. நஹேதுயா நவ, நஆரம்மணே நவ, நஅதி⁴பதியா நவ (ஸம்கி²த்தம்).

ஹேதுபச்சயா நஆரம்மணே தீணி (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)

ஹேதுது³கவிபாகத்திகம் நிட்டி²தம்.