1-6. படிச்சவாராதி³

பச்சயசதுக்கம்

ஹேதுபச்சயோ

1. ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி ஹேதுபச்சயா. ஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி ஹேதுபச்சயா. ஹேதும் குஸலம் த⁴ம்மம் படிச்ச ஹேது குஸலோ ச நஹேது குஸலோ ச த⁴ம்மா உப்பஜ்ஜந்தி ஹேதுபச்சயா. (3)

2. நஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி ஹேதுபச்சயா. நஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி ஹேதுபச்சயா. நஹேதும் குஸலம் த⁴ம்மம் படிச்ச ஹேது குஸலோ ச நஹேது குஸலோ ச த⁴ம்மா உப்பஜ்ஜந்தி ஹேதுபச்சயா. (3)

3. ஹேதும் குஸலஞ்ச நஹேதும் குஸலஞ்ச த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி ஹேதுபச்சயா. ஹேதும் குஸலஞ்ச நஹேதும் குஸலஞ்ச த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி ஹேதுபச்சயா. ஹேதும் குஸலஞ்ச நஹேதும் குஸலஞ்ச த⁴ம்மம் படிச்ச ஹேது குஸலோ ச நஹேது குஸலோ ச த⁴ம்மா உப்பஜ்ஜந்தி ஹேதுபச்சயா. (3)

ஆரம்மணபச்சயோ

4. ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி ஆரம்மணபச்சயா (ஸம்கி²த்தம்).

5. ஹேதுயா நவ, ஆரம்மணே நவ, அதி⁴பதியா நவ, அனந்தரே நவ, ஸமனந்தரே நவ, ஸஹஜாதே நவ, அஞ்ஞமஞ்ஞே நவ, நிஸ்ஸயே நவ, உபனிஸ்ஸயே நவ, புரேஜாதே நவ, ஆஸேவனே நவ, கம்மே நவ, ஆஹாரே நவ, இந்த்³ரியே நவ, ஜா²னே நவ, மக்³கே³ நவ, ஸம்பயுத்தே நவ, விப்பயுத்தே நவ, அத்தி²யா நவ, நத்தி²யா நவ, விக³தே நவ, அவிக³தே நவ (அனுலோமம்).

நஅதி⁴பதிபச்சயோ

6. ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி நஅதி⁴பதிபச்சயா. ஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி நஅதி⁴பதிபச்சயா. ஹேதும் குஸலம் த⁴ம்மம் படிச்ச ஹேது குஸலோ ச நஹேது குஸலோ ச த⁴ம்மா உப்பஜ்ஜந்தி நஅதி⁴பதிபச்சயா. (3)

7. நஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி நஅதி⁴பதிபச்சயா… தீணி.

ஹேதும் குஸலஞ்ச நஹேதும் குஸலஞ்ச த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி நஅதி⁴பதிபச்சயா… தீணி.

நபுரேஜாதபச்சயாதி³

8. ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி நபுரேஜாதபச்சயா… நவ… நபச்சா²ஜாதபச்சயா… நவ… நஆஸேவனபச்சயா … நவ.

நகம்மபச்சயோ

9. ஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி நகம்மபச்சயா. (1)

நஹேதும் குஸலம் த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி நகம்மபச்சயா. (1)

ஹேதும் குஸலஞ்ச நஹேதும் குஸலஞ்ச த⁴ம்மம் படிச்ச நஹேது குஸலோ த⁴ம்மோ உப்பஜ்ஜதி நகம்மபச்சயா. (1)

நவிபாகபச்சயாதி³

10. ஹேதும் குஸலம் த⁴ம்மம் படிச்ச ஹேது குஸலோ த⁴ம்மோ உப்பஜ்ஜதி நவிபாகபச்சயா… நவ…பே… நவிப்பயுத்தபச்சயா… நவ.

11. நஅதி⁴பதியா நவ, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நவிப்பயுத்தே நவ (பச்சனீயம்).

ஹேதுபச்சயா நஅதி⁴பதியா நவ (ஸம்கி²த்தம், அனுலோம பச்சனீயம்).

நஅதி⁴பதிபச்சயா ஹேதுயா நவ, ஆரம்மணே நவ (ஸம்கி²த்தம், பச்சனீயானுலோமம்).

(ஸஹஜாதவாரம்பி பச்சயவாரம்பி நிஸ்ஸயவாரம்பி ஸம்ஸட்ட²வாரம்பி ஸம்பயுத்தவாரம்பி படிச்சவாரஸதி³ஸா வித்தா²ரேதப்³பா³.)