7. பஞ்ஹாவாரோ

பச்சயசதுக்கம்

ஹேதுபச்சயாதி³

549. ஹேது அனித³ஸ்ஸனஅப்படிகோ⁴ த⁴ம்மோ ஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ ஹேதுபச்சயேன பச்சயோ… தீணி.

ஹேது அனித³ஸ்ஸனஅப்படிகோ⁴ த⁴ம்மோ ஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ ஆரம்மணபச்சயேன பச்சயோ… நவ.

ஹேது அனித³ஸ்ஸனஅப்படிகோ⁴ த⁴ம்மோ ஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி… தீணி.

நஹேது அனித³ஸ்ஸனஅப்படிகோ⁴ த⁴ம்மோ நஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி ஸஹஜாதாதி⁴பதி… தீணி.

ஹேது அனித³ஸ்ஸனஅப்படிகோ⁴ ச நஹேது அனித³ஸ்ஸனஅப்படிகோ⁴ ச த⁴ம்மா ஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி… தீணி (ஸம்கி²த்தம்).

550. ஹேதுயா தீணி, ஆரம்மணே நவ, அதி⁴பதியா நவ, அனந்தரே நவ, ஸமனந்தரே நவ, ஸஹஜாதே நவ, அஞ்ஞமஞ்ஞே நவ, நிஸ்ஸயே நவ, உபனிஸ்ஸயே நவ, புரேஜாதே தீணி, பச்சா²ஜாதே தீணி, ஆஸேவனே நவ, கம்மே தீணி, விபாகே நவ, ஆஹாரே தீணி, இந்த்³ரியே நவ, ஜா²னே தீணி, மக்³கே³ நவ, ஸம்பயுத்தே நவ, விப்பயுத்தே பஞ்ச, அத்தி²யா நவ, நத்தி²யா நவ, விக³தே நவ, அவிக³தே நவ (ஸம்கி²த்தம்).

பச்சனீயுத்³தா⁴ரோ

551. ஹேது அனித³ஸ்ஸனஅப்படிகோ⁴ த⁴ம்மோ ஹேதுஸ்ஸ அனித³ஸ்ஸனஅப்படிக⁴ஸ்ஸ த⁴ம்மஸ்ஸ ஆரம்மணபச்சயேன பச்சயோ… ஸஹஜாதபச்சயேன பச்சயோ… உபனிஸ்ஸயபச்சயேன பச்சயோ (ஸம்கி²த்தம்).

552. நஹேதுயா நவ, நஆரம்மணே நவ (ஸம்கி²த்தம்).

ஹேதுபச்சயா நஆரம்மணே தீணி (ஸம்கி²த்தம்).

நஹேதுபச்சயா ஆரம்மணே நவ (ஸம்கி²த்தம்).

(யதா² குஸலத்திகே பஞ்ஹாவாரஸ்ஸ அனுலோமம்பி பச்சனீயம்பி அனுலோமபச்சனீயம்பி பச்சனீயானுலோமம்பி க³ணிதம், ஏவம் க³ணேதப்³ப³ம்.)

ஹேதுது³கஸனித³ஸ்ஸனஸப்படிக⁴த்திகம் நிட்டி²தம்.