1-6. படிச்சவாராதி³

பச்சயசதுக்கம்

ஹேதுபச்சயோ

94. ஹேதும் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச ஹேது அது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… தீணி.

நஹேதும் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச நஹேது அது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… தீணி.

ஹேதும் அது³க்க²மஸுகா²ய வேத³னாய ஸம்பயுத்தஞ்ச நஹேதும் அது³க்க²மஸுகா²ய வேத³னாய ஸம்பயுத்தஞ்ச த⁴ம்மம் படிச்ச ஹேது அது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயா… தீணி (ஸம்கி²த்தம்).

95. ஹேதுயா நவ, ஆரம்மணே நவ, அதி⁴பதியா நவ, அனந்தரே நவ, ஸமனந்தரே நவ, ஸஹஜாதே நவ, அஞ்ஞமஞ்ஞே நவ, நிஸ்ஸயே நவ, உபனிஸ்ஸயே நவ, புரேஜாதே நவ, ஆஸேவனே நவ, கம்மே நவ, விபாகே நவ, ஆஹாரே நவ, இந்த்³ரியே நவ, ஜா²னே நவ, மக்³கே³ நவ, ஸம்பயுத்தே நவ, விப்பயுத்தே நவ, அத்தி²யா நவ, நத்தி²யா நவ, விக³தே நவ, அவிக³தே நவ (அனுலோமம்).

நஹேது-நஅதி⁴பதிபச்சயா

96. நஹேதும் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச நஹேது அது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஹேதுபச்சயா… த்³வே.

97. ஹேதும் அது³க்க²மஸுகா²ய வேத³னாய ஸம்பயுத்தம் த⁴ம்மம் படிச்ச ஹேது அது³க்க²மஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி நஅதி⁴பதிபச்சயா (ஸம்கி²த்தம்).

98. நஹேதுயா த்³வே, நஅதி⁴பதியா நவ, நபுரேஜாதே நவ, நபச்சா²ஜாதே நவ, நஆஸேவனே நவ, நகம்மே தீணி, நவிபாகே நவ, நஜா²னே ஏகம், நமக்³கே³ ஏகம், நவிப்பயுத்தே நவ (ஸம்கி²த்தம், பச்சனீயம்).

ஹேதுபச்சயா நஅதி⁴பதியா நவ (ஸம்கி²த்தம், அனுலோமபச்சனீயம்).

நஹேதுபச்சயா ஆரம்மணே த்³வே (ஸம்கி²த்தம், பச்சனீயானுலோமம்).

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா வித்தா²ரேதப்³பா³.)