1-6. படிச்சவாராதி³

பச்சயசதுக்கம்

ஹேது-ஆரம்மணபச்சயா

429. ஹேதும் மிச்ச²த்தனியதம் த⁴ம்மம் படிச்ச ஹேது மிச்ச²த்தனியதோ த⁴ம்மோ உப்பஜ்ஜதி ஹேதுபச்சயா… தீணி.

நஹேதும் மிச்ச²த்தனியதம் த⁴ம்மம் படிச்ச நஹேது மிச்ச²த்தனியதோ த⁴ம்மோ உப்பஜ்ஜதி ஹேதுபச்சயா… தீணி.

ஹேதும் மிச்ச²த்தனியதஞ்ச நஹேதும் மிச்ச²த்தனியதஞ்ச த⁴ம்மம் படிச்ச ஹேது மிச்ச²த்தனியதோ த⁴ம்மோ உப்பஜ்ஜதி ஹேதுபச்சயா… தீணி.

ஹேதும் மிச்ச²த்தனியதம் த⁴ம்மம் படிச்ச ஹேது மிச்ச²த்தனியதோ த⁴ம்மோ உப்பஜ்ஜதி ஆரம்மணபச்சயா (ஸம்கி²த்தம்).

430. ஹேதுயா நவ, ஆரம்மணே நவ, அதி⁴பதியா நவ, அனந்தரே நவ, ஸமனந்தரே நவ, ஸஹஜாதே நவ, அஞ்ஞமஞ்ஞே நவ, நிஸ்ஸயே நவ, உபனிஸ்ஸயே நவ, புரேஜாதே நவ, ஆஸேவனே நவ, கம்மே நவ, ஆஹாரே நவ…பே… அவிக³தே நவ (ஸம்கி²த்தம்).

நஅதி⁴பதிபச்சயோ

431. ஹேதும் மிச்ச²த்தனியதம் த⁴ம்மம் படிச்ச நஹேது மிச்ச²த்தனியதோ த⁴ம்மோ உப்பஜ்ஜதி நஅதி⁴பதிபச்சயா (ஸம்கி²த்தம்).

432. நஅதி⁴பதியா தீணி, நபச்சா²ஜாதே நவ, நகம்மே தீணி, நவிபாகே நவ (ஸம்கி²த்தம்).

ஹேதுபச்சயா நஅதி⁴பதியா தீணி (ஸம்கி²த்தம்).

நஅதி⁴பதிபச்சயா ஹேதுயா தீணி (ஸம்கி²த்தம்).

(ஸஹஜாதவாரோபி பச்சயவாரோபி நிஸ்ஸயவாரோபி ஸம்ஸட்ட²வாரோபி ஸம்பயுத்தவாரோபி படிச்சவாரஸதி³ஸா வித்தா²ரேதப்³பா³.)