1. விப⁴ங்க³வாரோ

ஹேதுபச்சயோ

330. நியதோ த⁴ம்மோ நியதஸ்ஸ த⁴ம்மஸ்ஸ ஹேதுபச்சயேன பச்சயோ… சத்தாரி (நிய்யானிகது³கஸதி³ஸா நின்னானாகரணா).

ஆரம்மணபச்சயோ

331. நியதோ த⁴ம்மோ அனியதஸ்ஸ த⁴ம்மஸ்ஸ ஆரம்மணபச்சயேன பச்சயோ – அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, நியதே பஹீனே கிலேஸே பச்சவேக்க²ந்தி, புப்³பே³ ஸமுதா³சிண்ணே…பே… நியதே க²ந்தே⁴ அனிச்சதோ…பே… விபஸ்ஸதி, சேதோபரியஞாணேன நியதசித்தஸமங்கி³ஸ்ஸ சித்தம் ஜானாதி, நியதா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அனியதோ த⁴ம்மோ அனியதஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம் த³த்வா ஸீலம்…பே… உபோஸத²கம்மம்…பே… புப்³பே³ ஸுசிண்ணானி…பே… ஜா²னா வுட்ட²ஹித்வா ஜா²னம் பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ அனியதோ ராகோ³ உப்பஜ்ஜதி, தி³ட்டி²…பே… விசிகிச்சா²…பே… உத்³த⁴ச்சம்…பே… அனியதம் தோ³மனஸ்ஸம் உப்பஜ்ஜதி, அரியா ப²லம் பச்சவேக்க²ந்தி, நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா அனியதே பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே…பே… புப்³பே³ ஸமுதா³சிண்ணே…பே… சக்கு²ம்…பே… வத்து²ம் அனியதே க²ந்தே⁴ அனிச்சதோ…பே… விபஸ்ஸதி அஸ்ஸாதே³தி அபி⁴னந்த³தி, தம் ஆரப்³ப⁴ அனியதோ ராகோ³…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி…பே… ஆவஜ்ஜனாய ஆரம்மணபச்சயேன பச்சயோ. அனியதோ த⁴ம்மோ நியதஸ்ஸ த⁴ம்மஸ்ஸ ஆரம்மணபச்சயேன பச்சயோ; நிப்³பா³னம் மக்³க³ஸ்ஸ ஆரம்மணபச்சயேன பச்சயோ; ரூபஜீவிதிந்த்³ரியம் மாதுகா⁴திகம்மஸ்ஸ… பிதுகா⁴திகம்மஸ்ஸ… அரஹந்தகா⁴திகம்மஸ்ஸ… ருஹிருப்பாத³கம்மஸ்ஸ ஆரம்மணபச்சயேன பச்சயோ; யம் வத்து²ம் ஆமஸந்தஸ்ஸ மிச்ச²த்தனியதா க²ந்தா⁴ உப்பஜ்ஜந்தி, தம் வத்து² மிச்ச²த்தனியதானம் க²ந்தா⁴னம் ஆரம்மணபச்சயேன பச்சயோ. (2)

அதி⁴பதிபச்சயோ

332. நியதோ த⁴ம்மோ நியதஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – நியதாதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. நியதோ த⁴ம்மோ அனியதஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி. ஸஹஜாதாதி⁴பதி – நியதாதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. நியதோ த⁴ம்மோ நியதஸ்ஸ ச அனியதஸ்ஸ ச த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – நியதாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

333. அனியதோ த⁴ம்மோ அனியதஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம் த³த்வா ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா அனியதோ ராகோ³ உப்பஜ்ஜதி… தி³ட்டி² உப்பஜ்ஜதி; புப்³பே³…பே… ஜா²னா…பே… அரியா ப²லம் க³ரும் கத்வா பச்சவேக்க²ந்தி, நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் அனியதே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா அனியதோ ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அனியதாதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. அனியதோ த⁴ம்மோ நியதஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஆரம்மணாதி⁴பதி – நிப்³பா³னம் மக்³க³ஸ்ஸ அதி⁴பதிபச்சயேன பச்சயோ. (2)

அனந்தரபச்சயாதி³

334. நியதோ த⁴ம்மோ அனியதஸ்ஸ த⁴ம்மஸ்ஸ அனந்தரபச்சயேன பச்சயோ – மக்³கோ³ ப²லஸ்ஸ அனந்தரபச்சயேன பச்சயோ, நியதா க²ந்தா⁴ வுட்டா²னஸ்ஸ அனந்தரபச்சயேன பச்சயோ. (1)

அனியதோ த⁴ம்மோ அனியதஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அனியதா க²ந்தா⁴ பச்சி²மானம் பச்சி²மானம் அனியதானம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ… அனுலோமம் வோதா³னஸ்ஸ… ப²லம் ப²லஸ்ஸ… அனுலோமம் ப²லஸமாபத்தியா… நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. அனியதோ த⁴ம்மோ நியதஸ்ஸ த⁴ம்மஸ்ஸ அனந்தரபச்சயேன பச்சயோ – அனியதம் தோ³மனஸ்ஸம் நியதஸ்ஸ தோ³மனஸ்ஸஸ்ஸ, அனியதா மிச்சா²தி³ட்டி² நியதமிச்சா²தி³ட்டி²யா அனந்தரபச்சயேன பச்சயோ; கோ³த்ரபு⁴ மக்³க³ஸ்ஸ… வோதா³னம் மக்³க³ஸ்ஸ அனந்தரபச்சயேன பச்சயோ. (2)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… பஞ்ச… அஞ்ஞமஞ்ஞபச்சயேன பச்சயோ… த்³வே… நிஸ்ஸயபச்சயேன பச்சயோ… ஸத்த.

உபனிஸ்ஸயபச்சயோ

335. நியதோ த⁴ம்மோ நியதஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ. பகதூபனிஸ்ஸயோ – மாதுகா⁴திகம்மம் மாதுகா⁴திகம்மஸ்ஸ… பிதுகா⁴திகம்மஸ்ஸ… அரஹந்தகா⁴திகம்மஸ்ஸ… ருஹிருப்பாத³கம்மஸ்ஸ… ஸங்க⁴பே⁴த³கம்மஸ்ஸ, நியதமிச்சா²தி³ட்டி²யா உபனிஸ்ஸயபச்சயேன பச்சயோ (சக்கம்). பட²மோ மக்³கோ³ து³தியஸ்ஸ மக்³க³ஸ்ஸ…பே… ததியோ மக்³கோ³ சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. நியதோ த⁴ம்மோ அனியதஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – மாதரம் ஜீவிதா வோரோபேத்வா…பே… ஸங்க⁴ம் பி⁴ந்தி³த்வா தஸ்ஸ படிகா⁴தத்தா²ய தா³னம் தே³தி, ஸீலம் ஸமாதி³யதி, உபோஸத²கம்மம் கரோதி, அரியா மக்³க³ம் உபனிஸ்ஸாய அனுப்பன்னம் ஸமாபத்திம் உப்பாதே³ந்தி, உப்பன்னம் ஸமாபஜ்ஜந்தி…பே… டா²னாடா²னகோஸல்லஸ்ஸ உபனிஸ்ஸயபச்சயேன பச்சயோ; மக்³கோ³ ப²லஸமாபத்தியா உபனிஸ்ஸயபச்சயேன பச்சயோ. (2)

336. அனியதோ த⁴ம்மோ அனியதஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனியதம் ஸத்³த⁴ம் உபனிஸ்ஸாய தா³னம் தே³தி, ஸீலம்…பே… உபோஸத²கம்மம் கரோதி, ஜா²னம் உப்பாதே³தி, விபஸ்ஸனம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி… தி³ட்டி²ம் க³ண்ஹாதி; அனியதம் ஸீலம்…பே… பஞ்ஞம்… ராக³ம்…பே… பத்த²னம்… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி, பாணம் ஹனதி…பே… நிக³மகா⁴தம் கரோதி, அனியதா ஸத்³தா⁴…பே… ஸேனாஸனம் அனியதாய ஸத்³தா⁴ய…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

அனியதோ த⁴ம்மோ நியதஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அனியதம் ராக³ம் உபனிஸ்ஸாய மாதரம் ஜீவிதா வோரோபேதி…பே… ஸங்க⁴ம் பி⁴ந்த³தி; அனியதம் தோ³ஸம்…பே… ஸேனாஸனம் உபனிஸ்ஸாய மாதரம் ஜீவிதா வோரோபேதி…பே… ஸங்க⁴ம் பி⁴ந்த³தி; அனியதோ ராகோ³… தோ³ஸம்…பே… ஸேனாஸனம் மாதுகா⁴திகம்மஸ்ஸ…பே… ஸங்க⁴பே⁴த³கம்மஸ்ஸ உபனிஸ்ஸயபச்சயேன பச்சயோ; பட²மஸ்ஸ மக்³க³ஸ்ஸ பரிகம்மம் பட²மஸ்ஸ மக்³க³ஸ்ஸ…பே… சதுத்த²ஸ்ஸ மக்³க³ஸ்ஸ பரிகம்மம் சதுத்த²ஸ்ஸ மக்³க³ஸ்ஸ உபனிஸ்ஸயபச்சயேன பச்சயோ. (2)

புரேஜாதபச்சயாதி³

337. அனியதோ த⁴ம்மோ அனியதஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம் (ஸம்கி²த்தம்). அனியதோ த⁴ம்மோ நியதஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – ரூபஜீவிதிந்த்³ரியம் மாதுகா⁴திகம்மஸ்ஸ… பிதுகா⁴திகம்மஸ்ஸ… அரஹந்தகா⁴திகம்மஸ்ஸ… ருஹிருப்பாத³கம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² நியதானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதபச்சயேன பச்சயோ… த்³வே… ஆஸேவனபச்சயேன பச்சயோ… த்³வே.

கம்மபச்சயோ

338. நியதோ த⁴ம்மோ நியதஸ்ஸ த⁴ம்மஸ்ஸ கம்மபச்சயேன பச்சயோ – நியதா சேதனா ஸம்பயுத்தகானம் க²ந்தா⁴னம் கம்மபச்சயேன பச்சயோ. நியதோ த⁴ம்மோ அனியதஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நியதா சேதனா சித்தஸமுட்டா²னானம் ரூபானம் கம்மபச்சயேன பச்சயோ. நானாக்க²ணிகா – நியதா சேதனா விபாகானம் க²ந்தா⁴னம் கடத்தா ச ரூபானம் கம்மபச்சயேன பச்சயோ. (மூலம் காதப்³ப³ம்.) நியதா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

அனியதோ த⁴ம்மோ அனியதஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா (ஸம்கி²த்தம்).

விபாகபச்சயேன பச்சயோ… ஏகம்… ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… சத்தாரி… ஜா²னபச்சயேன பச்சயோ… சத்தாரி… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… த்³வே… விப்பயுத்தபச்சயேன பச்சயோ… தீணி (அரூபது³கஸதி³ஸம்)… அத்தி²பச்சயேன பச்சயோ… ஸத்த (அரூபாவசரது³கஸதி³ஸம்)… நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ… ஸத்த.