1. விப⁴ங்க³வாரோ

ஹேதுபச்சயோ

279. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ ஹேதுபச்சயேன பச்சயோ – அரூபாவசரா ஹேதூ ஸம்பயுத்தகானம் க²ந்தா⁴னம் ஹேதுபச்சயேன பச்சயோ; படிஸந்தி⁴க்க²ணே…பே…. (மூலம் காதப்³ப³ம்.) அரூபாவசரா ஹேதூ சித்தஸமுட்டா²னானம் ரூபானம் ஹேதுபச்சயேன பச்சயோ. (மூலம் காதப்³ப³ம்.) அரூபாவசரா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ. (3)

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ ஹேதுபச்சயேன பச்சயோ – நஅரூபாவசரா ஹேதூ ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் ஹேதுபச்சயேன பச்சயோ; படிஸந்தி⁴க்க²ணே…பே…. (1)

ஆரம்மணபச்சயோ

280. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – ஆகாஸானஞ்சாயதனம் விஞ்ஞாணஞ்சாயதனஸ்ஸ ஆரம்மணபச்சயேன பச்சயோ; ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ ஆரம்மணபச்சயேன பச்சயோ. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – ஆகாஸானஞ்சாயதனம் பச்சவேக்க²தி, விஞ்ஞாணஞ்சாயதனம்…பே… ஆகிஞ்சஞ்ஞாயதனம்…பே… நேவஸஞ்ஞானாஸஞ்ஞாயதனம் பச்சவேக்க²தி, அரூபாவசரே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி; சேதோபரியஞாணேன அரூபாவசரசித்தஸமங்கி³ஸ்ஸ சித்தம் ஜானாதி, அரூபாவசரா க²ந்தா⁴ சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (2)

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ ஆரம்மணபச்சயேன பச்சயோ – தா³னம்…பே… ஸீலம்…பே… உபோஸத²கம்மம் கத்வா தம் பச்சவேக்க²தி அஸ்ஸாதே³தி அபி⁴னந்த³தி, தம் ஆரப்³ப⁴ ராகோ³…பே… தோ³மனஸ்ஸம் உப்பஜ்ஜதி; புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் பச்சவேக்க²ந்தி, ப²லம் பச்சவேக்க²ந்தி, நிப்³பா³னம் பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ, ஆவஜ்ஜனாய ஆரம்மணபச்சயேன பச்சயோ; அரியா பஹீனே கிலேஸே பச்சவேக்க²ந்தி, விக்க²ம்பி⁴தே கிலேஸே…பே… புப்³பே³…பே… சக்கு²ம்…பே… வத்து²ம் நஅரூபாவசரே க²ந்தே⁴ அனிச்சதோ…பே… தோ³மனஸ்ஸம் உப்பஜ்ஜதி, தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, சேதோபரியஞாணேன நஅரூபாவசரசித்தஸமங்கி³ஸ்ஸ சித்தம் ஜானாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே… நஅரூபாவசரா க²ந்தா⁴ இத்³தி⁴வித⁴ஞாணஸ்ஸ, சேதோபரியஞாணஸ்ஸ, புப்³பே³னிவாஸானுஸ்ஸதிஞாணஸ்ஸ, யதா²கம்மூபக³ஞாணஸ்ஸ, அனாக³தம்ஸஞாணஸ்ஸ, ஆவஜ்ஜனாய ஆரம்மணபச்சயேன பச்சயோ. (1)

அதி⁴பதிபச்சயோ

281. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ. ஸஹஜாதாதி⁴பதி – அரூபாவசராதி⁴பதி ஸம்பயுத்தகானம் க²ந்தா⁴னம் அதி⁴பதிபச்சயேன பச்சயோ. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – ஆகாஸானஞ்சாயதனம் க³ரும் கத்வா பச்சவேக்க²தி…பே… நேவஸஞ்ஞானாஸஞ்ஞாயதனம் க³ரும் கத்வா பச்சவேக்க²தி, அரூபாவசரே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – அரூபாவசராதி⁴பதி சித்தஸமுட்டா²னானம் ரூபானம் அதி⁴பதிபச்சயேன பச்சயோ. (மூலம் காதப்³ப³ம்.) அரூபாவசராதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (3)

282. நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அதி⁴பதிபச்சயேன பச்சயோ – ஆரம்மணாதி⁴பதி, ஸஹஜாதாதி⁴பதி. ஆரம்மணாதி⁴பதி – தா³னம்…பே… ஸீலம்…பே… உபோஸத²கம்மம் கத்வா தம் க³ரும் கத்வா பச்சவேக்க²தி அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி; புப்³பே³ ஸுசிண்ணானி…பே… ஜா²னா…பே… அரியா மக்³கா³ வுட்ட²ஹித்வா மக்³க³ம் க³ரும் கத்வா பச்சவேக்க²ந்தி, ப²லம்…பே… நிப்³பா³னம் க³ரும் கத்வா பச்சவேக்க²ந்தி, நிப்³பா³னம் கோ³த்ரபு⁴ஸ்ஸ, வோதா³னஸ்ஸ, மக்³க³ஸ்ஸ, ப²லஸ்ஸ அதி⁴பதிபச்சயேன பச்சயோ; சக்கு²ம்…பே… வத்து²ம் நஅரூபாவசரே க²ந்தே⁴ க³ரும் கத்வா அஸ்ஸாதே³தி அபி⁴னந்த³தி, தம் க³ரும் கத்வா ராகோ³ உப்பஜ்ஜதி, தி³ட்டி² உப்பஜ்ஜதி. ஸஹஜாதாதி⁴பதி – நஅரூபாவசராதி⁴பதி ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் அதி⁴பதிபச்சயேன பச்சயோ. (1)

அனந்தரபச்சயாதி³

283. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா அரூபாவசரா க²ந்தா⁴ பச்சி²மானம் பச்சி²மானம் அரூபாவசரானம் க²ந்தா⁴னம் அனந்தரபச்சயேன பச்சயோ. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – அரூபாவசரம் சுதிசித்தம் நஅரூபாவசரஸ்ஸ உபபத்திசித்தஸ்ஸ, அரூபாவசரம் ப⁴வங்க³ம் ஆவஜ்ஜனாய, அரூபாவசரா க²ந்தா⁴ நஅரூபாவசரஸ்ஸ வுட்டா²னஸ்ஸ, நிரோதா⁴ வுட்ட²ஹந்தஸ்ஸ நேவஸஞ்ஞானாஸஞ்ஞாயதனம் ப²லஸமாபத்தியா அனந்தரபச்சயேன பச்சயோ. (2)

284. நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – புரிமா புரிமா நஅரூபாவசரா க²ந்தா⁴ பச்சி²மானம் பச்சி²மானம் நஅரூபாவசரானம் க²ந்தா⁴னம் அனந்தரபச்சயேன பச்சயோ; அனுலோமம் கோ³த்ரபு⁴ஸ்ஸ…பே… அனுலோமம் ப²லஸமாபத்தியா அனந்தரபச்சயேன பச்சயோ. நஅரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ அனந்தரபச்சயேன பச்சயோ – நஅரூபாவசரம் சுதிசித்தம் அரூபாவசரஸ்ஸ உபபத்திசித்தஸ்ஸ அனந்தரபச்சயேன பச்சயோ; நஅரூபாவசரா க²ந்தா⁴ அரூபாவசரஸ்ஸ வுட்டா²னஸ்ஸ அனந்தரபச்சயேன பச்சயோ; ஆகாஸானஞ்சாயதனஸ்ஸ பரிகம்மம் ஆகாஸானஞ்சாயதனஸ்ஸ அனந்தரபச்சயேன பச்சயோ; விஞ்ஞாணஞ்சாயதனஸ்ஸ…பே… ஆகிஞ்சஞ்ஞாயதனஸ்ஸ…பே… நேவஸஞ்ஞானாஸஞ்ஞாயதனஸ்ஸ பரிகம்மம் நேவஸஞ்ஞானாஸஞ்ஞாயதனஸ்ஸ அனந்தரபச்சயேன பச்சயோ. (2)

ஸமனந்தரபச்சயேன பச்சயோ… ஸஹஜாதபச்சயேன பச்சயோ… பஞ்ச… அஞ்ஞமஞ்ஞபச்சயேன பச்சயோ… த்³வே… நிஸ்ஸயபச்சயேன பச்சயோ… ஸத்த.

உபனிஸ்ஸயபச்சயோ

285. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஆகாஸானஞ்சாயதனம் விஞ்ஞாணஞ்சாயதனஸ்ஸ உபனிஸ்ஸயபச்சயேன பச்சயோ; விஞ்ஞாணஞ்சாயதனம் ஆகிஞ்சஞ்ஞாயதனஸ்ஸ…பே… ஆகிஞ்சஞ்ஞாயதனம் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – அரூபாவசரம் ஸத்³த⁴ம் உபனிஸ்ஸாய தா³னம் தே³தி, ஸீலம்…பே… உபோஸத²கம்மம் கரோதி, நஅரூபாவசரம் ஜா²னம் உப்பாதே³தி, விபஸ்ஸனம்…பே… மக்³க³ம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி, தி³ட்டி²ம் க³ண்ஹாதி; அரூபாவசரம் ஸீலம்…பே… பஞ்ஞம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி… மானம் ஜப்பேதி… தி³ட்டி²ம் க³ண்ஹாதி; அரூபாவசரா ஸத்³தா⁴…பே… பஞ்ஞா நஅரூபாவசராய ஸத்³தா⁴ய…பே… பஞ்ஞாய… ராக³ஸ்ஸ…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ… மக்³க³ஸ்ஸ ப²லஸமாபத்தியா உபனிஸ்ஸயபச்சயேன பச்சயோ. (2)

286. நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – ஆரம்மணூபனிஸ்ஸயோ, அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – நஅரூபாவசரம் ஸத்³த⁴ம் உபனிஸ்ஸாய தா³னம் தே³தி, ஸீலம்…பே… உபோஸத²கம்மம் கரோதி, நஅரூபாவசரம் ஜா²னம் உப்பாதே³தி, விபஸ்ஸனம்…பே… மக்³க³ம்…பே… அபி⁴ஞ்ஞம்…பே… ஸமாபத்திம் உப்பாதே³தி, மானம் ஜப்பேதி… தி³ட்டி²ம் க³ண்ஹாதி; நஅரூபாவசரம் ஸீலம்…பே… பஞ்ஞம்…பே… ராக³ம்…பே… பத்த²னம்…பே… காயிகம் ஸுக²ம்… காயிகம் து³க்க²ம்… உதும்… போ⁴ஜனம்… ஸேனாஸனம் உபனிஸ்ஸாய தா³னம் தே³தி…பே… ஸமாபத்திம் உப்பாதே³தி… பாணம் ஹனதி…பே… ஸங்க⁴ம் பி⁴ந்த³தி; நஅரூபாவசரா ஸத்³தா⁴…பே… ஸேனாஸனம் நஅரூபாவசராய ஸத்³தா⁴ய…பே… பத்த²னாய… காயிகஸ்ஸ ஸுக²ஸ்ஸ… காயிகஸ்ஸ து³க்க²ஸ்ஸ, மக்³க³ஸ்ஸ, ப²லஸமாபத்தியா உபனிஸ்ஸயபச்சயேன பச்சயோ. (1)

நஅரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ உபனிஸ்ஸயபச்சயேன பச்சயோ – அனந்தரூபனிஸ்ஸயோ, பகதூபனிஸ்ஸயோ…பே…. பகதூபனிஸ்ஸயோ – ஆகாஸானஞ்சாயதனஸ்ஸ பரிகம்மம் ஆகாஸானஞ்சாயதனஸ்ஸ உபனிஸ்ஸயபச்சயேன பச்சயோ…பே… நேவஸஞ்ஞானாஸஞ்ஞாயதனஸ்ஸ பரிகம்மம் நேவஸஞ்ஞானாஸஞ்ஞாயதனஸ்ஸ உபனிஸ்ஸயபச்சயேன பச்சயோ. (2)

புரேஜாதபச்சயாதி³

287. நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ புரேஜாதபச்சயேன பச்சயோ – ஆரம்மணபுரேஜாதம், வத்து²புரேஜாதம். ஆரம்மணபுரேஜாதம் – சக்கு²ம்…பே… வத்து²ம் அனிச்சதோ…பே… தோ³மனஸ்ஸம் உப்பஜ்ஜதி; தி³ப்³பே³ன சக்கு²னா ரூபம் பஸ்ஸதி, தி³ப்³பா³ய ஸோததா⁴துயா ஸத்³த³ம் ஸுணாதி, ரூபாயதனம் சக்கு²விஞ்ஞாணஸ்ஸ…பே… போ²ட்ட²ப்³பா³யதனம் காயவிஞ்ஞாணஸ்ஸ…பே…. வத்து²புரேஜாதம் – சக்கா²யதனம் சக்கு²விஞ்ஞாணஸ்ஸ…பே… காயாயதனம் காயவிஞ்ஞாணஸ்ஸ…பே… வத்து² நஅரூபாவசரானம் க²ந்தா⁴னம் புரேஜாதபச்சயேன பச்சயோ. நஅரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ புரேஜாதபச்சயேன பச்சயோ. வத்து²புரேஜாதம் – வத்து² அரூபாவசரானம் க²ந்தா⁴னம் புரேஜாதபச்சயேன பச்சயோ. (2)

பச்சா²ஜாதபச்சயேன பச்சயோ… த்³வே… ஆஸேவனபச்சயேன பச்சயோ… தீணி.

கம்மபச்சயோ

288. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா…பே…. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – அரூபாவசரா சேதனா சித்தஸமுட்டா²னானம் ரூபானம் கம்மபச்சயேன பச்சயோ. (மூலம் காதப்³ப³ம்.) அரூபாவசரா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ. (3)

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ கம்மபச்சயேன பச்சயோ – ஸஹஜாதா, நானாக்க²ணிகா. ஸஹஜாதா – நஅரூபாவசரா சேதனா ஸம்பயுத்தகானம் க²ந்தா⁴னம் சித்தஸமுட்டா²னானஞ்ச ரூபானம் கம்மபச்சயேன பச்சயோ (ஸம்கி²த்தம்). (1)

விபாகபச்சயாதி³

289. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ விபாகபச்சயேன பச்சயோ (ஸம்கி²த்தம்).

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ விபாகபச்சயேன பச்சயோ (ஸம்கி²த்தம்)… ஆஹாரபச்சயேன பச்சயோ… சத்தாரி… இந்த்³ரியபச்சயேன பச்சயோ… சத்தாரி… ஜா²னபச்சயேன பச்சயோ… சத்தாரி… மக்³க³பச்சயேன பச்சயோ… சத்தாரி… ஸம்பயுத்தபச்சயேன பச்சயோ… த்³வே.

விப்பயுத்தபச்சயோ

290. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், பச்சா²ஜாதம் (ஸம்கி²த்தம்). (1)

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ – ஸஹஜாதம், புரேஜாதம், பச்சா²ஜாதம் (ஸம்கி²த்தம்). நஅரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ விப்பயுத்தபச்சயேன பச்சயோ. புரேஜாதம் – வத்து² அரூபாவசரானம் க²ந்தா⁴னம் விப்பயுத்தபச்சயேன பச்சயோ. (2)

அத்தி²பச்சயாதி³

291. அரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம்…பே…. அரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம்…பே…. அரூபாவசரோ த⁴ம்மோ அரூபாவசரஸ்ஸ ச நஅரூபாவசரஸ்ஸ ச த⁴ம்மஸ்ஸ அத்தி²பச்சயேன பச்சயோ – ஸஹஜாதம் (ஸம்கி²த்தம்). (3)

நஅரூபாவசரோ த⁴ம்மோ நஅரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம், பச்சா²ஜாதம், ஆஹாரம், இந்த்³ரியம் (ஸம்கி²த்தம்). நஅரூபாவசரோ த⁴ம்மோ அரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ. புரேஜாதம் – வத்து² அரூபாவசரானம் க²ந்தா⁴னம் அத்தி²பச்சயேன பச்சயோ. (2)

292. அரூபாவசரோ ச நஅரூபாவசரோ ச த⁴ம்மா அரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், புரேஜாதம். ஸஹஜாதோ – அரூபாவசரோ ஏகோ க²ந்தோ⁴ ச வத்து² ச திண்ணன்னம் க²ந்தா⁴னம் அத்தி²பச்சயேன பச்சயோ…பே… த்³வே க²ந்தா⁴ ச…பே…. அரூபாவசரோ ச நஅரூபாவசரோ ச த⁴ம்மா நஅரூபாவசரஸ்ஸ த⁴ம்மஸ்ஸ அத்தி²பச்சயேன பச்சயோ – ஸஹஜாதம், பச்சா²ஜாதம், ஆஹாரம், இந்த்³ரியம். ஸஹஜாதா – அரூபாவசரா க²ந்தா⁴ ச மஹாபூ⁴தா ச சித்தஸமுட்டா²னானம் ரூபானம் அத்தி²பச்சயேன பச்சயோ. பச்சா²ஜாதா – அரூபாவசரா க²ந்தா⁴ ச கப³ளீகாரோ ஆஹாரோ ச இமஸ்ஸ காயஸ்ஸ அத்தி²பச்சயேன பச்சயோ. பச்சா²ஜாதா – அரூபாவசரா க²ந்தா⁴ ச ரூபஜீவிதிந்த்³ரியஞ்ச கடத்தாரூபானம் அத்தி²பச்சயேன பச்சயோ. (2)

நத்தி²பச்சயேன பச்சயோ… விக³தபச்சயேன பச்சயோ… அவிக³தபச்சயேன பச்சயோ.